¹ Sebad ke aldaw niyan tinipon i Jesus se sempolo tegdowa din ke tinoledaan. Binegayan din sikandan te tolos aw ketongod te pegpelowa te kelahat menge medaet Ispiritu aw te pegpegoli te mesakit. ² Nayan, sinogo din sikandan te pegpindan-indan tepad te peglowa te Timanem aw te pegpegoli te menge mesakit. ³ Inikagihan din sikandin, “Ika niyo egpengibing te kedohan, pengkey bangka, kelepi, kanen, kwarta aw saol. ⁴ Aw peewopen kaw te sebad balay, kidoen kaw ogpa singed mesayo kaw te ogpeanan siyan. ⁵ Meneng aw se menge otaw te sebad ke ogpeanan siyam, aw te kenyo pegkesayo tektaki se napo te kanyo benis tanda niyo kandan.” ⁶ Nayan nesayo se kandin menge tinoledaan aw dimoton te menge lonsod, mig-indan-indan dan te mepiya inikagi aw pinegoli dan se menge mesakiten. ⁷ Se inikagi tepad te ininang dan i Jesus dimateng ki Herodes pengolo te Galeliya. Nabulung gayed si Herodes tepad te menge otaw minikagi, neantay si Juan egpemonyag. ⁸ Se doma heman minikagi, “Sikandin si Elias limiko seini.” aw se doma minikagi, “Sebad sikandin te menge tinoledaan gebii neantay den.” ⁹ Minikagi si Herodes, “Impesepal ko den se olo ni Juan. Meneng sine heman lebo seini otaweni so kepelahan heman se menge egikagihen so kenak dineneg tepad kandin?” aw ibag gayed i Herodes komita ki Jesus. ¹⁰ Pegliko te menge tinoledaan i Jesus, mig-indam dan diya kandin aw eden kandan menge neinang, nayan inibig dan i Jesus doton te lonsod te Betsaida. Weda din petekingi se doma menge otaw. ¹¹ Meneng pegketagataga te menge otaw te limekan dan den si Jesus minawop dan. Pigdateng dan doton, sinagman dan si Jesus aw inikagihan tepad te peglowan te Timanem aw pineggoli din heman se menge mesakien. ¹² Te agpet den somallep se aldaw, dimolod diya kandin se sempolo teg dowa timotedaan din aw minikagi, “Pedotoni den se menge otaw te menge baryo aw te menge sityo te palibot amon mengabel dan te kandan kanen aw ketedogihan, so dini kidon te kebigtilan. ¹³ Meneng minikagi si Jesus, sikeyo den se memegay kandan te kanen.” Timaba dan, “Doen olo lima se pan aw didowa se ikan, kena ini botong lmig aw memayad kite sanged te kanem alang te kelehat dan! ¹⁴ Se kedita te menge meama doton menge lima melalam. Nayan minikagi si Jeus te kandin menge tinoledaan, “Pegsebadi aw peonsadi se menge otaw teg lima melalam se sebad ebong.” ¹⁵ Timolo dan te sinogo i Jesus aw pineonsad dan se kelahat menge otaw. ¹⁶ Nayan inabat i Jesus se lima pan aw dowa se ikan, aw limengag sikandon te langit aw migpesalamat te Timanem. Binela-bela din ini aw imbegay doton te kandin menge tinoledaan amon iteped te menge otaw. ¹⁷ Nekekaen se keditadan aw nebesog. Penga den kimaen se kelehat, pigsebad dan se menge sama, aw sempolo tegdowa se buun nepeno. ¹⁸ Sebad se aldew niyan, Nagainusara te pegtawal-tawal si Jesus aw se kandin menge tinuledaan kidoen te kandin dapag mig-insa si Jesus kandan, “Sine a lay man ekon kagi te menge otao? ¹⁹ Timaba dan, doen egikagi te sikamno ekon si Juan egbawtismo. Se doma eg-ikagi sikamno ekon si Elias, aw se doma heman egikagi sikona se sebad te menge tinoledaan gebii neantay.” ²⁰ Minikagi si Jesus kandan, “Meneng diya kenyo sine a lay man?” Timaba si Pedro, “Sikona se misisyas inikagi te Timanem nga Maghari.” ²¹ Penga niyan migpunu si Jesus te eked dan gayed indani te pengkey sine te sikandin se Misiyas. ²² Minikagi sikandin, “Sikenak se bata te otaw keilangan meg-antos gaued te pagahimuon kenak te menge pengolo te menge Judio, te kedekelan te menge pari, aw te menge menenolada te punu. Isalikaway a dan aw imetayanm, meneng te iketelo te aldaw meantay a.” ²³ Nayan minikagi si Jesus diya te kedita dan, aw doen otaw ibeg tomaking kanak, ekid din pelabihi se kandin keotawen, awkeng tomaking kenak aldaw-aldaw pengkey kemetayen se kandin dengatan. ²⁴ Pengkey sine nagatinguha te pegpetowa te kandin keotawan kewedadan beling nini. Meneng pengkey sine memegay te kandin keotawen tungod kanak medawat din se pedowan wedad temanan. ²⁵ Eden, lay se meabat te otaw aw maangkon din se kelahat kedonan dini te keneyonan, meneng metalon se kandin pedowan? Wedad gayed! ²⁶ 26Aw ikeyaya a te kenak menge pagtulon-an te pengkey sine, ikeyaya ko hemn sikandin aw kenak se bata te otaw lomiko den dini nga nagadam-ag se kenak tolos. Aw se tolos te kenak amay aw te balaang menge anghil. ²⁷ Te kebenalan, doen menge otaw dine eked kematay singed aw kitaen dan se peglowan te Timanem.” ²⁸ Menge walo si aldaw penge idekey ikagihi i Jesus, inibing din si Pedro, si Juan, aw si Santiago te pegtikedeg te bontod amon megtawal-tawal ²⁹ dalem te pegtawal-tawal i Jesus netoda sikandin bawa aw sikandin saol migkepoti aw meanyag. ³⁰ Te kalit doem migpekita didowa otaw migbalaw-balaw diya kandin. Sikandan yan si moises aw si Elias. ³¹ Meanyag heman aw migbalaw-balaw ki Jesus tepad te kandin kemetayon so agpet den metoman kidoen te Jerusalem. ³² Onto neketedogi si Pedro nayan pigkeloka dan, kinita dan si Jesus. Onto meanyag aw se didowa otaw timindeg tepad kandin. ³³ Nayan mesayo dense didowa otaw minikagi si Pedro diya ki Jesus, “Timanem. Mepiya so dini kay seini. Miginang kay te telo balay, se sebad kamno, se sebad ki Moises aw sen sebad ki Elias.” Se benal, weda katag-taga si Pedro aw eden se kandin egikagihen. ³⁴ Te weda pa kepenga ikagi si Pedro nesempengan dan te labon, aw nelemitan dan. ³⁵ Penga niyan doen dinineg dan kagi lekat te labon minikagi, “Seini se kenak bata pinili. Penenalan kaw din!” ³⁶ Nayan timeneng den se kagi, kinita dan si Jesus den olo se nesama. Te sonod menge aldaw nagpakahilom ona dan si Pedro te kandan kinita. ³⁷ Keeldawan niyan, timopang dan lekat te bontod. Medita menge otaw simongon ki Jesus. ³⁸ Doen sebad kandan nemegais, “Sir, aw mepakay teng-tengi ona si kenak temisa bat ko meama. ⁴⁰ Gayed sikandin egdetengan te medaet Espirito. Kalit olo sikandin egpuypug, egpemekeseg aw egbohak sikandin baba. Gayed sikandin egpeetegen te Medaet Espirito aw halos eked sikandin tenani nini. ³⁹ Mihangyo a te kamno menge tinoledaan te ipelowa ini, meneng eked da kainang.” ⁴¹ Nayan minikagi si Jesus, “Sikeyo menge otaw te penahon seini, wedad palos pegpemenal, aw kena mepiya se kenyo aneng-aneng aw eg-inangen singed kano pa se kenak pegpeilob kenyo? Ibingi dini se kamno bata.” ⁴² Nayan migpedapag ki Jesus se bata, imbontog sikandin te medaet Espirito te tana aw impekeseg. Meneng impekadas i Jesus se medaet Espirito aw pinegoli din se bata. Ngayon in-oli din ini doton te kandin amay. 43Nepela gayed se kelahat menge otaw te kedakel te tolos te Timanem. ⁴³ Dalem te menge otaw nepela te kelahat menge ininang i Jesus, minikagi sikandin te kandin menge tinoledaan, ⁴⁴ “Aneng-anengi gayed niyo ini. Sikenak nga bata te otaw keilangan ibegay doton te menge otaw neopal kenak.” ⁴⁵ Meneng weda dam pekelabet nini! So igpogongan se kandin menge aneng-aneng amon eked dam ini kelebeti. Aw neopal dan te peg-insa kandi tepad nini. ⁴⁶ Doen sebad higayon, migpedindilang sikandin menge tinoledaan aw sine onto se melangkaw diya kandan. ⁴⁷ Meneng netagataga si Jesus te kandan piganeng-aneng. Nayan negabat sikandin te deisek bata aw impetindeg diya te kandin dapag. ⁴⁸ Nayan minikagi sikandin, “Pengkey sine tanda te kandin pagsunod kenak domawat te bata iling kani, domawat heman kenak, aw se domawat kenak nagadawat heman te negpeibing kenak. Tungod se ont medama diya kenyo yan se onto melangkaw te kelahat.” ⁴⁹ Mitutbag si Juan ug miingon, "Agalon, kami nakakita ug usa ka tawo nga nang hingilin usab ug demonyo pinaagi sa imong ngalan, ug gipahunong namo siya, tungod kay wala siya misunod uban kanato. ⁵⁰ Minikagi si Jesus kandin, “Kebiyai niyo sikandin, so pengkey sine weda migbatok kenyo domapit kenyo” ⁵¹ Te agpet den se aldaw te pegkeengat i Jesus te langit, miglalang sikandin domoton te Jerusalem. ⁵² Nayan doen impoena din menge otaw doton te sebad ke baryo te Samarya amon te pegpetigad te kandin kepenitan. ⁵³ Meneng se menge otaw te baryo sidekey weda pegsagman kandin tanda te netegahan dan so domoton sikandin te Jerusalem. ⁵⁴ Pegketaga-taga te kandin menge tinoledaan si Santiago aw si Juan, minikagi dan ki Jesus, “Timanem, meibeg ka layaw memoyo kay te apoy lekat te langit amon sonogen dan?” ⁵⁵ Meneng miniling si Jesus aw sinagda din dan. ⁵⁶ Aw dimelrg den dan te doma baryo. ⁵⁷ Datem te dimeleg dan te kandan peg-ipanaw, doen sebad ke otaw minikagi ki Jesus, “Tomaking a kamno pengkey kenan ka pesalo.” ⁵⁸ Meneng minikagi si Jesus kandin, “Menge menge menenanap toyang doen menge lungag egolian dn aw se menge manok te kebenesan doen menge salag, meneng sikenak nga bata te otaw wedad keogalingon balay nga kenak eg-etodan.” ⁵⁹ Yan minikagi si Jesus te sebad ke otaw, “Taking ka kenak timaba se otaw, “Timanem, moli a ona amon te peglebeng te kenak amay.” ⁶⁰ Timaba si Jesus kandin, “Kebi yai se menge nematay te peglebeng te kandan menge nematay. Meneng sikona, ipanaw ka aw pegtolada ka tepad se peglowan te Timanem.” ⁶¹ Doen timaba si Jesus kandin, “Timanem, tomaking a kamno, meneng tugoti ona moli a aw somabi te kenak kedomaan. ⁶² Timaba si Jesus kandin, “Se otaw megdaro gayed eflingi kena angay peepilen te peglowan te Timanem.