¹ Penga niyan pinamalli te pengolo sa kepitowan teg dowa otaw, aw insogo din dan teg dowa-dowa doton te lonsod. ² Aw ogpaanan, aw te weda dan pa epanaw. Aw pilabok sa otaw maglagani. ³ Na kasayo kaw den meneng pag-aha kaw te ayam-ayam karnero, egbenganan te menenanap te kebenesan inengedanan te lobo. ⁴ Ika niyo egpengebing te kwarta aw kelepi, aw sepatos, aw doen otaw kitaen niyo te dalan. Ika niyo egsempatanun amon eked kaw ka angga. ⁵ Aw domateng kaw te balay ona kaw ikagi diya te otaw egogpa kidoen. Begayan se kadita niyo te kalinaw. ⁶ Na aw mapiya sa pedowan te otaw eg-ogpa kedoen, begayan sikanden te kalinaw penaoket te kagi niyo. ⁷ Ika niyo eg-alin-alin aw peg-ogpa kaw kedoen te sebad olo balay. ⁸ Kaen kaw aw eden sa lemaken dak kenyo. So kailangan suholan sa otaw egterbaho. ⁹ Pagpaguli kaw te otaw doen masakit. Ikagi kaw diya kandan. Medapag den sa paglowan te Timanem diya kenyo ¹⁰ Meneng aw domateng kaw te lonsod aw eked kaw segmani te menge otaw. Doton kaw te dalan aw ikagi kaw. ¹¹ Pengkey napo te tana niyo domeket diya te benis day taken-taken day den. Kailangan mataga-taga kaw te madapag den se peglowan te Timanem. ¹² Eneng-eneng niyo se kagi ko kenyo. Pengkey epelemen te Timanem se tege Sodoma te modi aldaw, aldaw tepad te sala dan onto madaet meneng labi den pa epalemen. ¹³ Aw menikagi si Jesus, Makaedo-edo kaw mga taga korasin, aw tega Bitsayda, so wada kaw pagselsel aw empakita diya te taga Sidon gabii sa inang matolos impekita ko, nanaol din dan peden te sako, aw megbudbod den dan peden te abo diya te olo dan. Amon mag petaga-taga te megselesel dan, te sala onto madaet. ¹⁴ Pengkey egpelemen te Timanem se tege tiro aw tege-Sidon, meneng labi kaw den pa ipalumun. ¹⁵ Sikiyo mga tege Capernaum , pengkey maibig kaw magpalang kaw langkaw te kalahat or kaditaan meneng idag-dag kaw doton te kilot. ¹⁶ Aw menekagi si Jesus diya te menge tinuloda-an din aw mananalan se otaw diya kinyo, siak hemen se panenelanen din, aw eked pemenal sa otaw diya kenyo, aw eked heman penenalan se otaw diya kanak eked din heman penenelani se Amay ko simogo kanak. ¹⁷ Nayan penga te pag-oli te kepitowan tegdowa tinoledaan, neluba dan, aw menekagi dan, pengolo, pengkey bosaw nabatog day impolowa peneoket te pegtawal te ngadan nikaw. ¹⁸ Minikagi si Jesus, “Demaeg kaw kandan so kenita ko se pagkadagdag i Satanas lekat te langit iling te kelim. ¹⁹ Ika niyo egkelibel kani. Doen tolos imbegay ko kenyo. Amon domaeg kaw te kedita te sakop i Sanatas. Meneng eked kaw eligi, aw weda palos meleg kenyo. ²⁰ Meneng pengkeng egdaeg kaw te menge bosaw, kena niyan sa ingkeluba niyo. Meneng kailangan meluba kaw so insolat den te Timanem sa ngadan niyo kedoen te langit. ²¹ Nayan dakel se luba imbegay te Espiritu Santo ki Jesus. Aw yan se doun te megtawal-tawal sikandin kagi din “Ama” Pengolo te kedita doton te langit aw dini heman te tana egpesiontong a diya kamno, so weda no petegategahi se kebenalan diya to otaw biyasa aw dakel se natagahan, meneng impetaga-taga no de iyan diya te otaw medana, iduyun to Ama so lekat iyan te ibeg nekaw onto mapiya. ²² Penga niyan minikagi si Jesus, “Insalig te Amay ko se kedeta diya kanak sa Amay ko yan olo se netaga-taga te kedita tepad kanak so bata a din. Siak olo heman se nataga-taga te kedita tepad te Amay ko, aw eked ketaga-taga se otaw tepad kandin, aw paokit kanak, ipataga-taga ko iyan diya kandan. ²³ Penga niyan, minikagi si Jesus diya te menge tenoleda an din te wedad doma otawdimineg kandin, doen din keluba niyo tanda te ininang ko kenita niyo. ²⁴ Pengkey medita se kaliwat te kagi Timanem aw menge selotan propeta, kedengan ibeg komita te inang ko kinita niyo. Meneng weda dan kita kenyan. Pengkey ibeg dan domenig te kagi ko, dinineg niyo, meneng weda dan dineg kenya. ²⁵ Nayan timendeg se sabad menenolada te menge punu. Pangulo aden lay se kaelangan inangen ko Amon matoman a kominawa te kaling pedowan wedad temanan? ²⁶ Menekagi si Jesus, Eden lay se nabasa no te kagi te Timanem. ²⁷ Temaba sikandin, kedekeli niyo te pedowan se pengolo niyo Timanem te onto melobos se pedowan niyo kandin. Aw aneng-aneng niyo, aw keseg niyo. Kedekeli niyo heman tepedowan se doma otaw iling te peg-aneng-aneng niyo te kenyo pagkaotaw. ²⁸ Minikagi se Jesus, “Benal sa taba nikow, aw yan se inangen no matoman ka kominawa te kaling pedowan wedad temanan.” ²⁹ Meneng ebeg te pengolo, ipetaga-taga din te motolid se eg-inangen din, aw meg-insa sikandin, “Sinu lay se doma otaw kailangan kedekelan ko te pedowan?” ³⁰ Timaba si Jesus, “Doen sebad otaw nasayo pesalo te Jeriko, lekat te Jerusalem, pagipanaw den kenita te menge madait otaw, tulisan, inabot sa kadakel te kadonan den aw binadas dan sikandin. Penga niyan tinenanan sikandin ileng te nematay. ³¹ Nayan te wada kenamay dimateng sa pari menoket te dalan. Meneng pagkita din te otaw, seyan megpekedeyo sikandin aw limaklak. ³² Menokit heman se sebad sakop te pari te templo. Limakmak heman aw nasayo. ³³ Penga niyan, menepanaw Taga-Samarya. Pegkita den te otaw, siyan onto din naidawan. ³⁴ aw binolong din te lana aw bino, aw binagkes din se pali, penga niya impesakay din aw inibeng din doton te balay eg-ogpaan, aw egsagman din. ³⁵ Keeldawan niyan igbegayan din sa teg-apo te balay. Ipati sikandin kay dugangan ko te pagliko ko dini. ³⁶ Nayan mig-insa si Jesus, “Te kamno aneng-aneng te telo se otaw, kemata te otaw, napali-an, meneng sinu lay se megpetaga-taga te dakel se pedowan din diya te doma otaw. ³⁷ Timaba sa manenoloda, siyan Tege-Samarya doen kaido din. Pengkey kenan ke pasalo, kailangan eling heman kenyan se inangen nikaw. ³⁸ Nayan dimeleg dan aw menokit dan don te lonsod doen bayi si Marta, migpealit ke Jesus doton ta balay din. ³⁹ Nenenoo si Maria diya te dapag i jesus amon menenalan te entolada din. ⁴⁰ Meneng si Marta onto nabeyeng so sebad din se meginang te kanen. Penga niyan dimoton si Marta ki Jesus, aw minikagi, “Pangolo sebad ko se meginang te kanen so weda pegtelaban kanak. ⁴¹ Meneng timaba se pengalo. Marta palaban ka natatana tepad te madeta inangen nekaw. ⁴² Meneng sebad olo se kolang nikaw, labi pa mepiya sa ininang i Maria, aw eked ko sagdihi se pegpenenalan di kanak.