¹ Nayan, doen sebad aldaw mig-ampo si Jesus, penga te peg-ampo din, minikagi se sebad tinoladaan din, “Ginoo, toledai kay mag-ampo iling te pag-tolada i Juan mamonyagay diya te menge tinoladaan din.” ² Minikagi si Jesus, “Iling kani se pag-ampo niyo, Ama ibeg day iduyan ka te kadita te otaw. Ibeg day mag-hari ka diya te kedita te otaw. ³ Begayi kay te kanen te kelikit te aldaw. ⁴ Pasaylo-i kay te mga sala na inang day diya kamno, aw pasaylo-en day heman se mge otaw nakasala diya kanami. Ika eg-ibeg ma-ibing kay te peg-akal te mga ma-daet.” ⁵ Minikagi si Jesus kandan, “Simpana doen amigo no, aw tenga den delem domoton ka te balay din aw minikagi kandin, ‘Elew, pabelesi-a te maka-en. ⁶ Doen beg amigo ko kaling dimaten aw weda beg ipaka-en ko kandin.’ ⁷ Aw tomaba se tig-apo te balay doton dalem balay din, ‘Ika egsamk kanak. Nataked den se lembangan ta balay ko, aw timadogi a den aw mga mangisu naka tadogi den heman. Eked eden enaw amon mag-pabeles kamno.’ ⁸ Meneng diya te kabanalan, pengkey eked bisan sikandin enaw amon mabegay aw magtabag lenga aw weda kayaya te de-damoyo yan doen binagayan ka te pinamoyo no. ⁹ Eneng-enengi nio ini, pamoyo kaw diya te Timanem aw begayan kaw din. Pag-dadapag kaw diya kandin kay tabangan kaw din. Pag-ampo kaw diya te Timanem kay tabahen kaw din. ¹⁰ Yan sa doen din, te kalahat namoyo diya te Timanem makadawat. Sen meg-padapag diya kandin tabangan din aw sen gayed mag-ampo diya te Timanem tobagen din. ¹¹ “Kenyo mga obanen, aw mamoyo se mga mangisu niyo ta ikaw begayan niyo ta mamokan? ¹² Kon mamoyo sikandin te bata te manok, begayan nikaw beling te tanga? Eged besi! ¹³ Si keyo mga otaw pengkey madaet sa eg-inangen niyo meneng panday kaw eg-pamegay te mge mangisu niyo, se Timanem heman doton ta langit! Ibegay din kenyo sen memoyo diya kandin.” ¹⁴ Deen sebad aldaw mig-palowa si Jesus te madaet Espirito migpa-omo te otaw dinatengan din, aw pagka-benga te pegpalowa din te madaet Espirito, neke-ikagi den sa otaw, aw yan se doen te onto nepela se mge otaw kimita kenya. ¹⁵ Meneng ang mga otaw minikagi, “Egpalowa sikandin te madaet Espirito doen din binegayan to bosaw ta gahom sen pangolo te madaet Espirito. ¹⁶ Doen heman mge otaw migtinda peden ki Jesus, aw minikagi dan kandin pag-inang ka milagro aw benal sikona sa impa-ibing ta Timanem amay ta langit. ¹⁷ Meneng netaga-taga si Jesus aw Eden se aneng-aneng dan, aw yan se doen te minikagi sikandin, “Simpana, ang sakop te sebad ka gingharian weda pagsebad te aneng-aneng aw gayed eg-bolaw sen gingharian dan magkadaet. ¹⁸ Nayan, si Satanas aw sen mga sangkop din weda pag-onawa sa aneng-aneng dan gayed dan magbolaw tomalag kandan, sen gingaharian dan eked kanamay magka-daet? Kay minikagi kaw nga kanak eg-palowa te madaet Espirito tungod kay binigayan-a te gahom ni Satanas pangulo te Madaet Espirito. ¹⁹ Aw sen gahom i Satanas yan se gamiten ko pag-palowa te mge Madaet Espirito sine man sa namegay ta gahem te mga tinun-an nga egpalowa te mge Madaet Espirito? Sen mga tinun-an niy mig-pamatuod nga sayop kaw. ²⁰ Seini, kay egpalowa-a te mga Madaet Espirito pina-okit te gahom te Timanem nayan se doen mig-pakilala nga ang paghari te Timanem dimateng diya kenyo. ²¹ Minikagi si Jesus te sebad tag-dayanan, “Aw megbantay se otaw te balay din, aw magsen sikandin, aw doen kekamang din, eked keagaw se kedonan din. ²² Meneng aw domateng se otaw labi pa magsen diya kandin yan se domaeg te tig-apo te balay aw mag-agaw te kedita te kekamang sinelagan din, aw iteped heman se kedonan din diya te mga doma otaw. ²³ Pegkapenga nini minikagi si Jesus, “Sen kena eg-padigsel diya kana, ag-ato kana. Aw kena ag-tabang te pagtipon te mge otaw te Timanem yan se eg-pakadas te mge otaw.” ²⁴ Aw sen madaet Espirito lomowa lekat doya te otaw na ingpan din, aw gayed magsuroy-suroy bisan kenan pasalo aw dumoton ta lugar na wedad wayig kay nangamaha sikandin te ka etopand din meneng aw wedad kitaen din lomiko te tapay ogpaan din. ²⁵ Meneng sen pagliko din te tapas ogpaan din aw pag teng-teng din limpyo aw madiya pag-kaogpa, ²⁶ Masayo si kandin aw maha te doma din bali pito ka Espirito na mas madaet pa diya kandin. Aw mawop dan te otaw te tapay og-paan din aw doton dan pag-ogpa. Meneng sen otaw ogpaan dan onto den madaet sa inanengen din. ²⁷ Pagka-penga minikagi i Jesus, den bayi doton te pundok timawal kandin, “Bulahan sen bayi migbata aw migpesoso kamno.” ²⁸ Timaba si Jesus, “Meneng mas bulahan ang mga otaw eg-pennalan aw agtulo te kagi te Timanem.” ²⁹ Sagwa onto migkadita se otaw migkatipon doton dapag i Jesus, minikagi sikandin, “pagkadaet heman te mga otaw ta pnahon songkani namayo dan te milagro. Meneng wodad milagro migpakita kandan gawas olo sa milagro se nahitabo diya ki Jonas. ³⁰ Aw si Jonas se nainang pangilala te mga Taga-Nineve. Ang nahitabo diya kana nga bata te otaw nainang pangilala te mga otaw te panahon songkani. ³¹ Aw domateng se aldaw te pag-hukom te Timanem sen rayna te habagatan mabanhaw doma te kedita te mga otaw te panahon songkani aw basolen kaw din. Kay lekat pa sikandin te madiyo ogpaanan kay amon lo menenalan te kabiyasa i Haring Solomon. Songkani seini den malangkaw paki Solomon, meneng woda kaw panenalan te intolada. ³² Te aldaw te paghukom, se mga Taga-Nineve mabanhaw dan doma te mga otaw te panahon seini aw ipelumun kaw so weda kaw pagselsel. Meneng pegdineg te mge Taga-Nineve te wali i Jonas, migselsel dan. Meneng doen den dimini kenyo labi pa melangkaw diya ki Jonas, meneng weda kaw penenalan te intolada din. ³³ Minikgi si Jesus, “Wedad otaw magtemtem te solo i eles aw sempengan te gentangan. Meneng mepiya aw isawol din diya te kelengkawan amon keenyagan se mga minawop doton te dalem. ³⁴ Ang mata te otaw yan se solo ta lawa te otaw meneng aw melowa se pegtengteng magkelowa heman sa lawa te otaw. Meneng aw madaet se mata te otaw mengitngit heman se pegtengteng ta te lawa ta. ³⁵ Yan sa doen din, kailangan maangyagan ki te solo, basi sen inikagi malowa meneng mangit-ngit kedi. ³⁶ Meneng aw sen kalahat lawa na angayan aw wedad na ngitngitan, aw migkalowa sa kalahat lawa ta, na iling yan te kelowa te solo diya kamno. ³⁷ Pegkepenga ni Jesus minikagi, doen sebad ka Pariseo mig-dapit kandin amon komaen doton te balay din. Aw timaking si Jesus kandin amon komaen doton kandan. ³⁸ Meneng onto nenela se Pariseo ki Jesus so weda sikandin taking te ketanem te mge Pariseo tepad te peg-onaw te belad te weda da kaen. ³⁹ Meneng minikagi se Timanem kandan, “Si keyo menge Pariseo olo kaw eg-onan te lowa te baso aw liponh, meneng doton didalem niyo depeno te kademet aw kadatan. ⁴⁰ Wedad inenengen niyo, ang Timanem yan se mig-inang diya te lowa aw sikandin heman se mig-inang diya didalem? ⁴¹ Amon mahinloan kaw, keido-i niyo se mge otaw wedad balos pagka-abat aw ika niyo eg-pakademet kon doen mamoyo te tabang diya kenyo. ⁴² Si keyo mga Pariseo alaot kaw! Eg-pemegan kaw te ikasampolo aw sen mga lamas lekat diya kenyo, meneng weda kaw peg-inang te mepiya doton te peg-doma niyo otaw aw kadakel te pedowan niyo diya te tinem. Kailangan inangen te ikasampolo. ⁴³ Si keyo mga Pariseo alaot kaw! Kay kan doton kaw te mge simbahan, ibeg niyo menenoo te onsedanan te mge matinaw. Aw doton heman te keditaan te mge otaw so ibeg heman niyo segmanen kaw aw ipalangkaw kaw diya te keditaan te mge otaw. ⁴⁴ Alaot kaw heman! Iling kaw te mge kelebenganan wedad mga pangilala aw gi-tan te mge otaw kay weda dan tagahi nge mge kelebenganan kedi.” ⁴⁵ Aw minikagi se magtutudlo te kasugoan, “magtutudlo, sen inikagi no pig-insulto kay nikaw.” ⁴⁶ Aw timaba si Jesus, “Si keyo me menenolada te kasugoan alaot kaw neman! Kay onto niyo eg-begatan se mge otaw te kedita mge tulumanon in-dugang niyo te kasugoan, meneg si keyo mismo weda kaw pag-tuman. ⁴⁷ Alaot kaw! Mig-painang kaw te mge kelebengan te mge propeta sen pig-matayan te mge keepoan niyo. ⁴⁸ Neyan si keyo mismo mig-pamatuod aw timande te mge ininang dan. Kay si kandan se eg-imatay te mge Propeta aw si keyo heman eg-painang te mge kelebengenan. ⁴⁹ Neyan se doen din sumala te kebiyasa te Timanem minikagi sikandin, “Mag-paibing-a te mge propeta kandan aw mge apostoles; ang doma ipa-ibing ko imetayan dan, aw lutosen dan heman se doma. ⁵⁰ Neyan se doen din, si keyo mge otaw te songkani panahon siloten kaw te Timanem tungod te peg-imatay dan te mge propeta sida mona panahon te peg-tebo pag-inang te kalibotan. ⁵¹ Lekat pa ki Abel hangto ki Zacarias pig-imatay duton tepad te dowangen te templo. Neyan, kegihan te si keyo, si keyo mge otaw siloten kaw tungod te mge nainang niyo sida mona panahon. ⁵² Alaot kaw si keyo mge menenolada te kasugoan! Kay ineles niyo se konsi amon wedad mekelebet te kabenalan, kena sa ulo niya weda kaw pagsunod (Tulo) te kebenalan aw belebagen niyo beling se menge doma ibeg memenal kenyan. ⁵³ Sagwa nesayo si Jesus lekat te belay siyaw, ang menge menenolada te kasugoan aw mge Pariseo migsugod te pegdumot kandin, aw gayed den dan mig-isa kandin pengkey eden den. ⁵⁴ Aw nenge-maha dan te peme okit nge meg-kamali se mge kagi din.