¹ Pagkepenga nidekey, limibot si Jesus te mge lungsod aw mge ogpa-anan aw megtulada te mepiya belita tepad te peghari te Timanem. Migduma kandin sa sempulo tegduwa ke mge apostoles. ² Aw se pilabok mge baye nga kandin eguli lekat te mge Medaet Espirito aw mge masakit. Se sebad kandan yan si Maria nga tege Magdala nga kedengan doen pito ke midet ispirito nga egpekaday lekat kandin. ³ Migduma heman kandin si Juana nga sawa i Chuza nga yan se piniyalan i Herodes te kandin palasyo. Timaking heman si Susana aw medita onto mge bayi. Siini nga mge bayi yan si memegay te mge keilanganan dan i Jesus lekat te kandan ketigayonan. ⁴ Midita mge otaw nga likat te mge ogpaanan se gayed aw negtipon doton ki Jesus. Egkegihan dan i Jesus nini nga tegdayanan: ⁵ “Doen sebad eg-beloan nga nenabog te beni, te kandin pegsabog nesabog din se duma te kilid te okitanan, aw negitan ini te mge minokit aw egkuktuk te mge siwitan. ⁶ Te duma nesabog te mge bato. Tomobo ini Meneng helanes beling kay nelangkay man se tana. ⁷ Sa gihapon ang uban mga liso nahulog taliwala sa tunukon nga mga tanom, ug ang tunukon nga mga tanom mitubo kauban sa mga liso ug mituok kanila. ⁸ Se duma nesabog te mepiya tana. Timubo aw nemungo te medita.” Dimeleg si Jesus minikagi kandan, “Sikoniyo nga nenalan, keilangan sebotan onto niyo siini kenyo dinineg.” ⁹ Pig-insa sikandin te kandin tinulada-an aw eden se kahulogan te sembingay. ¹⁰ Timubag sikandin, “Se mge ineles tepad te peghari te Timanem inikagi kenyo te peokit nga meleban niyo. Meneg doton te duma inikagi siini se peme okit te mge togdayanan amon nga bisan tomengteng dan eked kitai, aw biasan menalan dan eke dan pekelabet.” ¹¹ Nayan egpelebetan i Jesus se kebenalan te tegdayanan. Minikagi sikandin, “Se beni iling te kayi te Timanem. ¹² Se kilid te okitanan nga senabog aw beni iling te mge otaw nga dimineg te kagi te Timanem, meneng dimateng si Satanas aw inabat den se kakagi te Timanem te kandan kasing-kasing, anion egked dan pemenal aw meluwas. ¹³ Se kebatoan nga senabog se beni iling te mge otaw nga nekedineg te dimawat te pulung te Timanem doen kelipay. Meneng siini kana kinasing-kasing. Nayan weda kenamay se kandan pegpemenal. Pag-dateng te mge pegsulay timinggetan dan. ¹⁴ Se tana doen tigisen nga mge sagbet nga nesabog aw beni iling te mge otaw nga nekedineg te kagi te Timanem. Meneng se kandan mge kebelaka, se kandan mge kebtangan, aw se mge kelebahan te kineyonn neinang babag te kandan pegtelokon te ibeg te Timanem kandan. ¹⁵ Meneng se mepiya nga tana nga nesebogan te beni iling te mge otaw nga nekedineg te kagi te Timanem, aw onto dan tinipon dan ini te kandan melinis aw egtuluen dan sikandan peduwan aw peninguhaen dan se pegtuman niin.” ¹⁶ Minikagi si Jesus, “Wedad meg-antay te solo aw leked din teklebi eked din heman elesi aw isawol te ongan te katre. Isawol heman din ini te kalangkawan amon maangayan se mge otaw nga mawop te balay. ¹⁷ Iling heman kenyan se wedad ineles nga eked luwa te kanamayan, aw wedad ibolon tepad te peghari te Tinamen nga eked ketagahi te kelahat. ¹⁸ Nayan penalan ka anto. Meneng se otaw ng wedad pegunawa te kebenalan, bisan se deitak nga kandin nelebetan abaten kandin.” ¹⁹ Nayan dimateng se inay aw se mge kiduwa i Jesus. Te kedita te mge otaw oda dan pekepedapag kandin. ²⁰ Nayan doen minikagi si Jesus, “Se kamno inay aw mge keduwa ulo timindeg doton te luwa. Ibeg dan migkita kamno.” ²¹ Meneng minikagi si Jesus kandan, “Se kanak inay aw mge keduwa yan sidekey nemenalan aw timoman te kagi te Timanem.” ²² Sebad ke aldaw niyan simakay si Jesus aw se kandin mge tinulada-an te balanggay minkagi sikandan, “na, matas kidon te linaw.” Aw limekat dan. ²³ Se Telobo dan migpasalo doton neketedogi si Jesus. Kalit migkagsen se kelamag aw menakop den se wayed te kandan balanggay nemiligro sikandan nesulan. ²⁴ Nayan egpadapagan dan si Jesus aw linoka, “Megtutala! Megtulada! Metulada kidon kidon den!” Minenaw si Jesus aw pinetenung din se kalamag aw se mge balud nga tumenung. Aw migkelinaw. ²⁵ Nayan minikagi si Jesus te kandin mge tinulada-an, “Kanan man se kenyo pegpemenal? Nepela onto se kandin mge tinulada-an aw nelemitan. Minikagi meteg sebad kandan, “Sine lebo ini, nga bisan se klamag aw mge balud impetenung din aw nemenal kandin?” ²⁶ Negpedeleg dan minatas hangtod nekedateng dan te ogpaanan te mge Geresenhon dapag te Galilia ²⁷ Te pegulawa i Jesus, sinongon sikandin te sebad ke otow nga inupan te mge bosaw. Siini nga otaw gayed den wedad penuktun migluwas gayed aw kanan den eg uli te kandin balay nga doton te lungsod. Doton sikandin den peg-ugpa te mge langub nga lebeng. ²⁸ Pegkita din ki Jesus mig-olangag sikandin aw limuhod te kandin atubangan. Nayan minikagi sikandin te magsen nga ikagi, “Jesus, bata te Timanem nga malangkaw te kelahat, eden se kamno labek kanak? Negpekeido a kamno nga ika bag egpelemen kanak. ²⁹ Inikgi din ini kay inikagiyan den i Jesus se bosaw nga lumowa kandin. Manamay den sikandin nga inopan te bosaw, aw bisan gayed dan ini ginipos den te mge otaw se kandin mge belad aw benis aw binobggoan dan pasikandin, e pinemugto din olo ini, aw inibig sikandin te bosaw doton te ogpaanan nga awaaw. ³⁰ Pig-insa sikandin i Jesus, “Eden se kamno ngadan?” Timaba sikandin, “Siak si Panon.” Yan se kandin taba tepad te medita se mge bosaw nga minawop kandin. ³¹ Aw negpeke ido se menge bosaw nga eked dan lalagi doton re kilot se tana nga doton dan pelimeni. ³² Medapag doton, doen medita mge usa nga nenowal doton te mesandig. Negpekeedo ki Jesus se mge bosaw ngaamapakay mawop dan te mge osa, aw impakay dan i Jesus. ³³ Nayan limowa se mge bosaw lekat te otaw aw minawop dan te mge osa, nayan nelungas limeto se mge osa pesalo te keba limaos te linaw aw nelenus. ³⁴ Kinita te mge migbantay te mge osa se nagamakan, kimagnan dan, aw inindahanan dan se mge otaw te longsod aw te baonanan. ³⁵ Nayan dimoton se mge otaw ki Jesus amon teng-tengan se kandan nagamakan. Nayan dimoton se mge otaw ki Jesus amon teng-tengan se kandan nagamakan. ³⁶ Te pegdating dan doton kinita dan se otaw nga kedengan niopan te mge bosaw nga minnonsad te timpowadan i Jesus nga doen penuket na mepiya den se otek, nayan nelemitan dan. ³⁷ Nayan se kelahat mge Geresanhon aw se mgeotaw nga neg ogpa te kandan medapag hinangyo din si Jesus nga kmadas sikandin doton te kandan ogpaanan, kay onto dan nelemitan. Nayan simakay si Jesus te balangay aw limiko te kandin linekatan. ³⁸ Se otaw nga inopan nidekey te mge bosaw onto migpekiido ki Jesus nga tumaking kandin. Meneng minikagi si Jesus kandin, ³⁹ “Oli kad tonkenyo aw indani se mge neinang te Timanem kamno.” Nayan minoli se otaw, aw mig-indan-indan sikandin te kelahat longsod se kelahat ininang i Jesus kandin. ⁴⁰ Te pegdineg i Jesus limiko ton dibaloy linaw, neleba onto se mge otaw te peg-songon kandin kay se kelahata dan migtagad kandin. ⁴¹ Kwani-kwani pa doen dimateng otaw nga sikandin ngadan si Jairus. Migbahala te mge Judiyo. Te pegdepadag din ki Jesus limohod sikandin aw negkiido nga domoton si Jesus doton te kandin te balay. ⁴² So onto netigdaan den se kandin bugtong bata. Se kandin bata bayi siini sempolo tegduwa siomay. Se telobo dan pa si Jesus tonte balay ni Jairus negdasek se onto medita otaw limibot kandin. ⁴³ Poen bayi doton nga egbagwasan te dipanog awop te sempulo tegduwa si omay. Nagasto den dan se kelahat din ketigayunan te pegpebolong Meneng Weda palos kegulii. ⁴⁴ Dimoton sikandin te getan i Jesus. Nayan inilam din se kilid te penekten i Jesus, aw so nayan timeneng se kandin pegdipanog. ⁴⁵ So nayan minikagi si Jesus, “Sine se nengelam kanak?” Kelahat dan miibog weda dan pengilam kandin. So nayan minikagi si Pedro, “Ginoo, medita se mge otaw nga negdasok linobotan kadan, nenga neginsa ka lay aw sine se Nengilam kamno?” ⁴⁶ Meneng timaba si Jesus, “Doen nengilan kanak, kay mig-imanman a doen tolos limowa lekat kanak.” ⁴⁷ Nayan nekematikod se bayi nga netagahan i Jesus se kandin ininang, migpedapag sikandin tingangtang aw limohod ki Jesus se kelahat inindan din ki Jesus aw nenga inilam din sikandan aw kon igmeno negolian pegkepenga niyan. ⁴⁸ Minikagi si Jesus kandin, “Bata, se kamno pegpemehal yan se nekeg-oli kamno na, oli kad nga melinawon. ⁴⁹ Telebo pa minikagi sikandin te bayi doen dimateng lekat te balay i Jairus egkagi, “Namatay den se kamno bata, ika den egsamok te megtulada. ⁵⁰ Meneng pegdineg ni Jesus niini minikagi sikandin ki Jesus, “Ika egkelamitan, pemenal kad ulo aw megkipiya iyan.” ⁵¹ Pegdating dan te balay i Jesus weda keibeg te duma tumaking kandin doton te dalem gawas olo kandin ki Pedro, Juan aw Santiago, aw amay aw inay te bata. ⁵² Onto migmatay migkelag se mge otaww doton. Nayan minikagi si Jesus kandin, “Ika niyo egkelag, kay weda kematay se bata olo timadugi sikandin.” ⁵³ Pigkebeyatan dan baling si Jesus kay netagahan dan namatay den se bata. ⁵⁴ Migpedapag si Jesus te bata aw inawidan din se belad nini aw minikagi, “Enaw ka ata!” ⁵⁵ Aw pinga niyan limiko se Ispirito nini aw minenaw sikandin. Simogi si Jesus pekanen se bata. ⁵⁶ Nepela onto se kandin mge obanen, meneng egpunuan dan i Jesus nga eked dan indani te bisan sini.