¹ Sebad ke aldaw niyan, samtang migtudlo si Jesus te mopiya belita te menge otaw duton te templo, migpedapag kandin ang kedekelen te menge pari, ang menge megtutudlo te kesuguan aw ang menge pengulo te menge Hudiyo. ² Nig-insa dan, “Eden lay ba ang kamno ketungod te menge butangi dini te templo. Sini ba gyod ang negbegay kamno sine nga ketungod? ³ Timaba si Jesus kandan, “Duen insa ko peman kenyo. Indani a niyo. ⁴ Sine ba si nelakatan te ketungud i Juan te pegbawtismu, te Timanem ba o te otaw? ⁵ Miglalis dan kon eden ang kandan haba, “kon mikagi kidon nga, lekat te Timanem, o menga man weda kaw man pengtoo ko Huwan? ⁶ Meneng kon mikagi kidon nga, ‘Lekat te otaw’ buntugan ki don te menge otaw, tepad kay nengintoo an nga si Huwan Propeta te Timanem.” ⁷ Nayan timaba dan ki Jesus nga weda dan ketaga-taga. ⁸ Awyan mikagi si Jesus kandan, “Kon iling kenyan eken ko peman sikeyo indani kon kenan ang kenaken ketungod te peg-inang nini. ⁹ Ig-indanan deleg i Jesus ang menge otaw nini nga tegdeyanan, “Duen sebad ka otaw nga duen tana nga pigtanemanam dinte ubas. Pegkepenga pigpesaop din ini aw nesayo duton te mediyo dapit. ¹⁰ Te penahon den te pegpemopu te ubas. Insugo din ang sebad ke sulugoon pesalo te menge saop amon te peg-abat te kandin bahin. Meneng pegdating te sulugoon, pigkulata dan ini aw migpe-uli nga dan inibing. ¹¹ Nayan migsugo peman ang teg-apo te sebad pa ke sulugoon. Meneng pegdateng te sulugoon duton te menge saop pigkulata peman ini aw pig yaya aw pig peuli dan peman nga wedad neibing. ¹² Migsogu peman ang tig-apo te iketelo nga sulugoon, meneng pegdating din doton igpesekitan dan ini aw pig lalag peuli. ¹³ Nayan ang tig-apo te ubasan minikagi, “Eden eleg lebu se iningen ko? Ah sogoen ko den beling ang kanak pinelangga nga bata, kay bsin aw tahoron dan sikandin. ¹⁴ Meneng te pegkekita te menge saop te kandin bata, niikagi dan, “siini den se menunud, ayas metayan tadon sikandin amon meangkon tadon ang kandin mepenonod.” ¹⁵ Nayan inibing dan ini pesalo te luwa te ubasan aw pigpetayan.” Niyan minikagi si Jesus te menge otaw, “Siini, eden man eng ingangen te tig-apo duton kandan? ¹⁶ Sigurad gyod nga dutonan din ang menge saop aw imetayan. Nayan pesaopan din te duma ang kandin ubasan, “Pegkedineg nini te menge otaw. Minikagi dan, “Peden eked tuguti te timanem nga mehitabo ang ilig kani!” ¹⁷ Meneng pigtengteng dan i Jesus aw pig-insa, “Eden lay man ang kehologan te kesulatan nga nekeikagi: ¹⁸ Si bisan sine nga medagdag nida batoli metepoan meneng ang medegdagan te maong bato meledak gyod.” ¹⁹ Sida higayoni dekepen peden sikandin te menge magtutudlo te kesugaon aw te kedekelan te menge pari, kay nitegahan dan nga kandan gyod ang kandin pigtumong te kandin pigtumong te kandin tegdeyaman. Meneng nelemitan dan te menge otaw. ²⁰ Nayan migtagad dan ulo te lain higayon. Negpeibing dan te menge espiya nga negpeke ingon nga mepiya ang kandan tuyo. Amon kon desen ketaen dan nga sayop te kandan inikagi lindan sikandan duton te Gobernador. ²¹ Mig-insa sinikey menge espiya ki Jesus, “Megtutudlo, netagahan day nga husto ang kamno inikagi aw intulada, aw wedad ka gyod pigpelabi bisan sine, hinuon ang kebenalan mehitungud te kebobot’on te Timanem alang menge otaw yan ulo ang kamno intulada. ²² Te kamno aneng-aneng husto ba o kena nga kenitadon isip menge Hudiyo. Megbayad te buwis duton te Emperador te Roma? ²³ Meneng netegahan i Jesus ang kandan medaet tuyo, awyan minikagi sikandin kandan. ²⁴ Peketai a niyo te kwarta, kang sine ba bawa aw ngadan ang nekasaol dini?” Timaba dan, “Iya te Emperador.” ²⁵ Nayan minikagi si Jesus kandan, “Begayi niyo te Emperador aw te Timanem ang iyo te Timanem. ²⁶ Nayan te atubangan sineluhan te kedita wada dan gyod sikandin kebitik te kandin inikagi. Aw lepad kay nepela dan te taba i Jesus, Migkepenek dan. ²⁷ Due meng Saduzeyo nga migpedapag ki Jesus. Sini menge atawi weda pengitoo nga duen pegke-anatay. ²⁸ Mig-insa dan, “Megtutudlo, pigsulat i Moises kenitodan ini nga belaod nga kon mematay ang meama aw wedad bata dan te kandin sawa, keilangan nga ang kandin keduwa ang mengesawa te nebalo amon megkebata dan alang te kandin nematay nga keduwa. ²⁹ Seini duen pito megtelekeduwa nga meama. Ang kakay nekepengognan aw nematay sikandin nga wedad bata. ³⁰ Nayan ang balo igpenengesawa te simonod nga keduwa, meneng nematay peman sikandin nga wedad bata dan. ³¹ Iyan heman ang nehitabo te iketelo nga keduwa. Hangtod te ikepito negkemematay dan kelahat nga wedad bata te sida baye. ³² Te kenemayan nematay peman ang baye. ³³ Seini kon dumateng den ang pegkeantay, kang sine mang sikandin esawali kay pito dan man nekepengognan kandin? ³⁴ Pigtaba dan i Jesus, “Dini te kelibutan megpengognanay ang menge otaw. ³⁵ Meneng si bisan sine nga takos nga entayen aw ibingen duton te laing kinabuhi eked den pegminyoay. ³⁶ Eked den dan kematay tepad kay meiling den dan menge anghil: Menge bata dan te Timanem. Kay inentayan dan man, ³⁷ Bahin te pegke-antay te menge nematay bisan gani sing inikagi i Moises duton dan te Tlimegdeg nga sempinit negpemetuod kani. Diba igtawal din man ang Timanem nga, “Timanem o Abraham, Timanem i Isaak aw Timanem i Hakob.” ³⁸ Sine migpemetood nga bisan namay den dan nematay buhi pa gihapon sikandan, teped kay ang Timanem kena Timanem te menga patay, kon kena Timanem te menge buhi. Alang kandin buhi ang kedita. ³⁹ Ang duma nga megtutudlo te kesugoan minikagi, “Megtutudlo, husto ang kamno taba.” ⁴⁰ Aw wedad den nengahas pa te peg-insa kandin. ⁴¹ Awyo mig-insa si Jesus te menge otaw. Nenga inikagi dan man nga ang kristo keliwat i Dabid. ⁴² Kay si David mismo minikagi man kiduen te libro te menge salmo. Minnikagi ang Timanem te kanak amo nga hari, “Pen’nou ka dini tapad te kewanan ko.” ⁴³ Hangtud megpe ungan a kamno ang kamni menge kaaway. ⁴⁴ Kon pigtawal sikandin i David nga kandin Timanem. Meinang ba nga keliwat ulo sikandin i David?” ⁴⁵ Samtang nen’nalan ang menge otaw ki Jesus, mikagi sikandin te kandin tinuludaan. ⁴⁶ “Peg-inap kaw te menge megtutudlo te kesuguan nga ibeg meg-suroy-suroy nga migbisti te melayat. Te menge dapit tigoman te mene otaw, ibeg dan nga tehoran dan. Te menge simbahan o te menge kombira pinemali dan gyod ang menge unsadanan nga alang te igpesidunggan, ⁴⁷ Gina-ilog dan ang menge kebtangan te menge baye nga balo aw pegtebonan dan ulo ang kandan menge ininang pine-ukit te melayat nga menge peg-ampo seni kandan se mekedawat te unto mebegat nga silot sangon.