¹ Minawop si Jesus te Heriko tepad kay doton sikandin ukit pesalo te Jerusalem. ² Duen sebad ka adunan duton nga anga ngadan si Sakeyo. Sikandin ang pengulo te menukotay te buwis. ³ Ibeg din gyod nga ketaen kon sine si gyod si Jesus, meneng mebaba si Sakeyo aw tepad kay medita se menge otaw eked sikandin pekekita ki Jesus. ⁴ Nayan kimagnan sikandin te muna aw nenayit te kayo nga sikomoro amon kitaen din si Jesus. Kay duton gyod sikandin tepad ukit. ⁵ Pegdateng i Jesus duton lemengag sikandin aw minikagi, “Sakeyo ayas, tena dayon kay sini aldaw keilangan nga duton a bantok te kamno balay. ⁶ Nayan mig ayas-ayas timena si Sakeyo, aw te dakel keluba pig-abi-abi din si Jesus. ⁷ Te pegkekita te menge otaw nga migbantok si Jesus te balay i Sakeyo, migbegolbol dan nga minikagi nekeikagi, “Nenga kiduen man gyod sikandin bantok te balay te siyan otaw nga mekesesala? ⁸ Duton te kandin balay timendig si Sakeyo aw minikagi, “Timanem ibegay ko duton te menge kabos ang ketenga te kenak babtangan, aw kon duen iglembongan ko iuli ko tan kandin te epaka pilo.” ⁹ Minikagi si kandin, “Seini meluwas den sini penimalay tepad kay keliwat peman sikandin i Abraham. ¹⁰ Kay siak nga bata te otaw dimini dini te kelibotan amo pegpemeha aw te pegluwas te kedita nga negsitading. ¹¹ Samtang nen’nalan pa ang menge otaw, pig-indanan dan i Jesus te tegdeyanan tepad kay agpet dan den te Jerusalem aw mig aneng-aneng ang menge otaw nga megsogod den gyod ang peghari te Timanem. ¹² Minikagi si Jesus kandan, “Duen sebad ke dugganen nga otaw nga negsoyo te mediyo dapit amon pegdawat te ketungdanan isisp te kandin dapit aw awyan migpeuli dayon sikandin. ¹³ Meneng se weda pa sikandin peglekat pigtawal din sa kandin nepulo ka menge sulugoen aw pigbegayan ang matag sebad kandan te sama nga kentidad, aw mikagi sikandin kandan. Gemiti niyo te negosyo ang kanak inibegay kenyo sanitang dad-a.” ¹⁴ Ang katagilungsud weda keibeg kandin, nayan te sian nekelekat den sikandin, negpeibeg dan te menge relibo duton kandin pigdutunan te peg-indan nga eked dan keibeg nga meghari sikandin kandan. ¹⁵ Meneng ig-aning eleg dan nga hari, pegliko den te kandin dapit egpatewal din ang menge suluhoon nga kandin binegayan te klarta nga inigosyo, amon metegaham din kon pila ang kandan ginensiya. ¹⁶ Ang muna nga dimateng minikagi, “Sir, ang kamni ibegay nga kwarta kanak nekeginsiya te nepulo ka pilo. ¹⁷ Minikagi ang Hari, “Mepiya gyod! Mepiya ka nga sulugoon tepad kay keseligan ka te deitek nga butang ipiyalan ko kamno te nepulo ke siyudan! ¹⁸ Ang ikeduwa nga sulugoon migdiwal pemen aw minikagi, “Sir, ang kamno pigbegay nga kwarta kanak nekeginasiya te lima ke pilo.” ¹⁹ Timaba ang hari kandin, “Ipiyalan ko kmano se lima ke siyudad.” ²⁰ Aw demateng ang sebad peman aw mikagi, “Sir, siini ang kamno kwarta, pigtengas ko gyod ini aw pig-eles. ²¹ Kay nelemitan a kamni tepad kay lebihan ke istrikto nege abat ka te ginansya nga pigpegudan te duma, aw eg-abat ka peman te ani bisan kena kamno ang migtanem. ²² Minikagi ang hari kandin, “Wedad pulos nikaw nga sulugoon! Ang kamno inikagiyan heman ang gemiten ko te pegsentensiya kamno. Netegehan no nga estrikto a aw egpengabat te gimamsiya nga pigpegudan te duma aw negepengabat a heman te ani bisan kena kanak tinanem. ²³ Meneng nenga weda nikaw man sulti ang kenak kwarta te bangko amon nga te kanak pegliko meabat ko ang kanak kwarta nga duen tubo pa? ²⁴ Aw minikagi ang hari te menge otaw nga nenindeg doton, “Ebebati niyo diya kandin ang kwarta aw begayi dolon te otow nga nekeginansiya te nepulo ke pilo. ²⁵ Meneng timaba dan, “Sir, duen nepulo den kepilo sikandin.” ²⁶ Timaba sing hari, “Kegihan ko si keyo, ang keseligan begayan pa, meneng ang eked kesilegi, bisan ang deitek nga igpiyal kandin ebeten pa. ²⁷ Kan tepad nida menge oatw nga nekigbatok kanak aw eked ibeg nga meghari a kandan, ebingi niyo dan dini knak aw imitayi! ²⁸ Pegkepenga niyn aw pegkaginida, migpedeleg dan si Jesus te pekesayo pesalo te Jerusalem. ²⁹ Te negkedapag dan den te menge baryo te Betfage aw Betanya nga kiduen te buntud nga igtawal buntud te menge Olibu, ig-peuna i Jesus se duwa kandin menge tinuduan. ³⁰ Minikagi sikandin kandan, “Peg-una kaw duton te sunod nga baryo, peg-awop niyo duen kitaen niyo nga nating asno nga pig-iket weda pa lemen ini kesengkayi. Bedbadi niyo aw ibingi dini. ³¹ Kon duen mig-insa kenyo nenga igbedbadan ang asno, tebahi niyo nga keilangan ini te Timanem.” ³² Nayan minesayo se diduwa aw ang inikagi i Jesus kandan netuman gyod. ³³ Te pegbad-bad dan ang nating asni ig-insa dan te tig-apo, “Nenga pigbad-bad niyo iyan?” ³⁴ Timaba dan, “Egkeilangan ii te Timanem.” ³⁵ Ig-ibig dayon dan ini doton ki Jesus, Pegdating doton, pighepinan dan ang asno te kandan menge kupo aw pigpesakay si Jesus, ³⁶ Samtang simakay sikandin pesalo te Jerusalem. Iglad-lad te menge otaw ang kandan menge kupo diya te dalan nga inujitan din amo te pegpesidengeg kandin. ³⁷ Aw te pegdeyen te Timanem tepad te kandan kinita nga kepelalehan. ³⁸ Minikagi dan, “Igpenelenginan te Timanem ang Hari nga kandin inpe-ibing! Sini duen kelinaw nga lekat te Timanem. Ideyen ta se Timanem!” ³⁹ Duton se panon, duen menge Paresiyo nga minikgai, “Megtutudlo, pepeneki ang kamno menge tinun’an. ⁴⁰ Minikagi si Jesus kandan, “Te pegkebenalan kon megpenek ang menge bato yan se megpegais te pegdayen.” ⁴¹ Te nekedapag din se Jesus te Jerusalem, aw siyan kenita din ini, migkelag sikandin minikagi sikandin, ⁴² Peden metegihan niyo sini aldawi kon eden se mekebegay kenyo te kelinaw! Meneng nelebonan ang kenyo aneng-aneng. ⁴³ Dumating ang aldaw nga elinen te kenyo ke away ang pelibot te kenyo siyoda amon eked kaw den gyod pekekadas, aw bisan kenan kaw atekehen kan dan. ⁴⁴ Metayan kaw dan, gubalen aw petagen ang kenyo siyudad nga wedad din gyod mete’anan bisan ang menge balo nga negke lanto-lanto. Sini mehitabo kenyo tepad ka weda kaw pegtagad te penahon nga luwasen kaw peden te Timanem. ⁴⁵ Pegdating dan te Jerusalem, dimolog dayon si Jesus te templo, aw piglalay din ang meng negmeligya dotun. ⁴⁶ Minikagi sikandin kandan, “Minikagi ang Timanem sumala te kesulatan, ‘Ang kanak balay dapit elempoanan, meneng ig-inang niyo ini elesanan te menge tulisan. ⁴⁷ Lekat nida, negtulada den sikandan te lemplo aldaw-aldaw. Ang kedekelan te menge pari, ang menge megtutudlo te kesuguan aw ang meng opisyal te lungsud neningaha te peg imatay kadin. ⁴⁸ Meneng weda dan pekehigayon te peg-inang kani tepad kay nedawi ang menge otaw te pegpenalan te kandin menge intolada.