¹ Meneng pegtengteng ni Jesus kinita din se menge meyemen aw negdagdag deten te solanan te kwarta te templo. ² Aw kinita heman din sen se segkep te bato aw mig-saot aw duwa kedako. ³ Penga niyan minikagi si Jesus, “Te kebenalan, dakel sen insawol te segkep menge balo te kandan kelahat. ⁴ Te sikandan medita aw kwarta aw sen kandan imbugay iling wedad kandan, meneng se balo meneng onto segkep sikandin. Imbugay din se kelahat kandun kedonan.” ⁵ Doen menge otaw deten aw migpebelaw-belawang tepad te mepiya se mge bato aw se mge butang aw gihalad se mge otaw pegkapiya bawa te templo meneng minikagi se Jesus kandan. ⁶ “Dumateng se aldaw te seini menge butang te kenyo kinita pegbatan aw wedad gayoy bisan sebad ke bato te netenanan lanto te doma bato. ⁷ Neg-insa dan ki Jesus, “Egtolada, kano iyan kemetan sen seini kamno inikagi? Eden man se menge pengilala te seini menge butang Agpet den metoman?” ⁸ Minikagi si Jesus kadan, “Peg-aha kaw te wed ad megpelingo-lingo kenyo. Aw medita dumateng aw mikagi kandan aw kenak, aw minikagi tuda sikandin te dimateng se menge aldaw. Nayan eked kaw pemenal o pegteman kandan. ⁹ Aw demineg kaw aw doen menge gira aw menge samok, kai niyo ug kelimitan, sen siyan kailangan te mahitabo or mainang man meneng weda yan megkohulugan aw dumateng sen katapusan. ¹⁰ Aw mini kagi gayed si Jesus kandan, “Meggira se nasod batok te duma nasod aw gingharian batok duma gingharian. ¹¹ Duen dumateng sen magsen te menge linog aw doen balos aw mematay se dumateng negkalain-lain dapit. Aw kinita heman niyo sen menge mekelelamit aw kepelahan sen menge kepelahan lekat te langit. ¹² Meneng te eked pa ini kahitabo, dakupan kaw aw selostan se menge otaw. Ibingen kaw dan te menge simbahan te menge Judio amen selotan aw kelebowasen, ibingen teda kandan sekiyo detan te menge Hari aw menge gobirnador amon te pegsakop seini kelahat inangen dan kenyo amen ikagi kandan sen meoiya peg-indan. ¹³ Meneng seini nainang kahigayonan tepad kenyo amon ikagi kandan sen mepiya pegteba. ¹⁴ Busa itusok te kenyo aneng-aneng aw yan mainang ini eked kaw kelimahi aw eden sen kenyo indan. ¹⁵ Aw begayan ko sekiyo te pegteba te peng indan amen eked makasupak kenyo sen kenyo menge kaaway. ¹⁶ Pengkey heman sen kinyo kaotawen se menge inay niyo aw kedowa, menge gaked, aw menge sigalak nug indan megtelok kenyo imatayan heman dan. ¹⁷ Kebinsihan kaw te kelahat tandan kay kamno kenak menge egtelodaan. ¹⁸ Meneng wedad me daot te miinang kenyo. ¹⁹ Aw yan pegtayod kaw kuminawa kaw te kaling pedowan te weda temanan. ²⁰ Nayan sen menge otaw te Judea keilangan mokalagiw deton te bontod. ²¹ Kadas sen kidoon te siyudad te Jerusalem amon kadtong deten te pawa o eked niyo pedutuni te Jerusalem. ²² 22Sen seini menge aldaw ipelumun te Timanem sen Jerusalim amon pagtuman sen inikagi te insulat. ²³ Seini aldawi daado se menge mabedos aw sen menge inay neg pasoso onto malima dan se pagkagiw, dakel sen kelimahan sen dumateng dini tepad. Onto dakel sen kaupal te Timanem se otaw dini. ²⁴ Sen duma kandan egkematay te gira. Aw sen duma tigbasen bihagon aw bingen deten te duma te menge lunsud aw seini siyudad te Jerusalem pegbatan aw peglowan te menge Judio teman mapunga sen gitagal te Timanem. ²⁵ Nainang tida te doen menge pengilala te aldaw, aw bolan aw sen menge bitoen. Pini te tana metetena sen menge nasod pengkey te dahung te dakel menge balod. ²⁶ Netapi sen menge otaw te nelimitan aw eden sen nahitabo dini lanto te tana, pengkey sen menge bitoen aw sen duma deten te keneyonan nengesaag lekat te kandan naandan te neokitan. ²⁷ Penga kenak se bata te otaw kinita diya se menge labon te pegdini te tana duma te gahom te nagadan ag gayod. ²⁸ Aw pegsugud seini te menge panghitabo kai niyo kelemitan pengkey medupag sen ipalowa kenyo. ²⁹ Nayan peg-indan i Jesus seini te tegduyanan tengtengi niyo sen kayo te igira aw sen duma henan menge kayo. ³⁰ Aw kidon te agpet sen ting aldaw. ³¹ Si inikagi tuda peokit aw kitaen niyo panghitabo te seini kanaken kagi kenyo, metegahan niyo te agpet den sen pahari te Timanem. ³² Te kebenalan, memang seini kelahat te eked pa kemetay sen menge seini aldawi. ³³ Metalen langit aw sen tana meneng se kenak menge kagi eked ketalon aw eked katuman gayed. ³⁴ Nayan bentayi niyo sen kenyo kaugalingon aw kena keibug te egpengemaha te mapateyangon te eg-inom nebelaka se kenyo egpengemaha, te bisan kalit dumating se aldaw eked kaw peketagad aw unawa kwani kenyo sa nalit-ag. ³⁵ Te kalit dumateng seini te kelahat se neg-ugpa dini te tana. ³⁶ Nayan kanunay kenyo peg-andam aw pegtawal-tawal aw yan se miinang te seini kelehat doen kagsen amon mekelewa kaw seini mehitabo, aw meke-atubang kaw te kuna keyaya kenaken bata te otaw.” ³⁷ Te aldaw ug deten se Jesus te templo amen pegtulada pegkodelem, deton sikandin egtedugi te bontod te menge olibo. ³⁸ Timprano te iselem dometen se menge otaw te templo amon te pegpemenalan kandin.