¹ Tepad diya kenyo egkedekelan din te pedowan se mengiso te Timanem, iling niyo sikandin, ² kailangan gayed kiaten niyo kedakel te pedowan niyo iling te doma megpedekelay te pedowan i Crsito kanitadon, kay imbegay din pa gani sen kandin kinabuhi para kanitadon aneng-aneng din se mapiya nedag imbowang doton te Timanem. ³ Sakop kaw te menge keotawan te Timanem, kana mapiya penelanan nge belawan, kaw nge mig-inang te menge medaet iling te peglayok niyo te kana kenyo asawa o pegkedimat. ⁴ Aw kana mapiya penelamen nge mikagi kaw te menge bastos, o mikagi te weda onton nga menge belaw-belaw aw malaw-ay nga alo-alo. Nayan, mikagi kidon aw menge megpesiontong te Timanem. ⁵ Aneng-anengi gayed niyo nge eked aw pekeawop te gingharian i Cristo aw te Timanem sen menge otaw nge eg-ipid te kandin asawa, sen menge otaw nge melipa se ininangan, aw se mengge medemet. (Kay sen medimat sebad heman pemeokit te pegsimba te menge diyos-diyos.) ⁶ Tepad nini nge menge ininangan te menge otaw, silotan dan te Timanem kay weda da tolo kandin. Nayan ika niyo egpeakel te doma nge eg-ikagi nge siyan menge kedonen kana medaet. ⁷ Ika niyo heman egdoma te menge otaw seini. ⁸ Kedengan sen kenyo aneng-aneng kidoen pa te kengitngitan menneg songkani diya kaw den te Timanem, diya kaw den te kelowahan, yan imendayi niyo sen kenyo pegkeogpa ipetengteng kaw diya te kelowahan. ⁹ (Aw sen otaw diya den te kelowahan, ketegahan nikaw iyan tepad sen kandin ininangen mepiya, aw metolid, aw pigsunod din sen kebenalan.) ¹⁰ Pekegsen kaw amon metegahan niyo aw eden sen mekelob te Timanem. ¹¹ Ika niyo eg-inabut te menge eg-inangen nge wedad ontong nge ininang dan gabii diya te kangit-ngitan. Yan, ipeteng-teng niyo kandan nge medaet sen kandan eg-inangan, ¹² onto medaet sen eg-inangen dan kean egkitaan te duma otaw onto mekeyeyaay. ¹³ Pekelabeten diyo dan te kandan menge eg-inangen, metagahan dan nge sayop sikandan. ¹⁴ Aw doen manyag se kedita aw kenyagan den te kebenalan. Yan doen eg-ikegiyen seini. Keloka ka den, aw timedogi ka pa, enaw ka lekat te menge nematay aw keenyagan kaw i Cristo. ¹⁵ Nayan peg-aha kaw te kenyo pegkinabuhi, ikaw kaw pegkinabuhi iling te menge weda pekelabet, kon eked kaw pegkinabuhi iling te menge otaw nge nekelabet te ibeg te timanem. ¹⁶ Ika niyo egbaet sen kenyo higayon, aw kana gamite niyo ini te ineng nge mepiya, tepad kay eldew seini medaet. ¹⁷ Ika niyu egkelibog, aw kana pehelabeti niyo aw eden sen ibeg te Timanem para kenyo. ¹⁸ Ika niyo eglasing, so mi mekedaet te kenyo pegkinabuhi, meneng kailangan biya-biyaan kaw te Ispirito Santo. ¹⁹ Te kenyo pegtipon, gamiti niyo sen menge Salmo aw doma pa nge menge kanta tepad te pegduyun te Timanem, aw gayed kaw pegkanta lekat te kenyo pedowan. ²⁰ Pegpesionton kaw gayed te Timanem nge amay pineokit te kanitadon Ginoong Jesu-Cristo para te kadita menge kedunen. ²¹ Keilangan tomolo kaw sebad kenyo tanda te megpeseymanay diya ki Cristo. ²² SIkiyo nge menge asawa bayi, kailangan tomolo kaw te kenyo bana, iling te kenyo pegtolo te Timanem. ²³ Kay sen asawa nikuo meama yan heman se aligi te kandin asawa nge bayi iling heman i Cristo yan heman sen aligi te menge egpemenal yan heman sen kandin lawa, aw sikandin heman sen egpelowa kanitadon. ²⁴ Nayan, ikagi dan sen menge egpemenal tomolo ki Cristo, kailangan heman tomolo sen, asawa bayi te bana dan. ²⁵ Sikiyo nge menge bana o meama, kailangan dakel se pedowan niyo te asawa niyo, iling heman i Cristo dakel se pedowan diya te egpemenal kandin, tanda te kedakel pedowan din kenitadon imbegay din sen kandin pegkinabuhi. ²⁶ Amon dewaten kidon te Tiamnem, penga kidon lininisan pineokit te pegbonyag i Crsito nge pigtekingen se kagi te Timanem. ²⁷ Ininang din ini amon memenal kidon aw dawaten te sen kandin mepengognanan nge meganda onto, belaan, aw wedad ika lindo, iling heman te mepengagnanan din nge wedad kemali aw weda segonot aw eden pe kidoen nge kamali. ²⁸ Nayan sen menge asawa nge meama kailangan dakel gayed se pedowan dan te kandan asawa nge bayi, iling heman te kedakel pedowan din te kandin pegkeotawan nge lawa, kay sen talaasawa sebad olo sen dakel se pedowan te kandin asawa dakel heman se pedowan din te kandin pegkeotawon. ²⁹ Weda otaw nge weda dekal pedowan te kandin pegkeotawan nge lawa, gayed nikaw ini atimenan aw pekanen, yan hemana nini sen ininang i Cristo kenitadon nge egpemenal kandin, ³⁰ tepad te kinamoloan kidon te kandin lawa. ³¹ Eg-ikagi sen solat nge telaasawa sebad olo, "Yan sen meama egtanan te kandin amay aw inay, aw megsebad diya te kandin esawa, aw sen sebad meinang dowa." ³² Ketingalahan ini sen kebenalan impekita, aw mekaikagi a nge yan ini sen pesilohan te rilasyun i Cristo te kadita egpemenal kandin. ³³ Nayan sikenyo nge asawa meama dakel se pedowan niyo te kenyo asawa bayi iling te kenyo pegkeotawon. Aw sikenyo menge asawa bayi, keilangan heman megsagman kaw te kenyo asawa na meama.