¹ Sikiyo menge mengisi, keilangan tomolo kaw te amay aw inay niyo, yan ini sen dapat inengan te benal kristohanon. ² Kailangan segmanen niyo sen amay aw inay niyo, "Yan ini sen mona nge sugo nge doen saad." ³ Aw yan ini sen saad, "Amon meinang mepiya sen kamno domateng aw keleyatan pa sen kamno pegkinabuhi dini te kenayonan." ⁴ Sikiyo menge amaya aw inay, ika niyo egpeopal te mengisu niyo, aw kan imandayi baling sikandan te pegdisiplina aw pegtolada nge lekat te Timanem. ⁵ Sikiyo menge allang, keilangan onto kaw tomolo te amo niyo dini te kanto te tana, nge doen pegpesegmanay aw kahaldok dakel se pedowan niyo te peghornal, aw peg-alagad kaw kandan iling i Cristo sen kenyo gialagaran. ⁶ Nayan peghornal kaw nge dakel se pedowan niyo sen kagite menge allang i Cristo, ne eg-inang te kabubut-on te Timanem aw kona egpetengteng olo amon meluba sikandan. ⁷ Toloen niyo sen kenyo eg-inengen te mepiya lekat te kenyo pedowan, kagi te mengge allang. Aneng-anengi niyo nge sen Timanem yan sen kenyo gialagaran aw kena sen otaw olo sen kenyo toloen. ⁸ Aneng-anengi niyo sem Timawen yan sen megbalos te matag sebad sumala te mepiya eg-inangen din. Pengkey man sikandin aw kena. ⁹ Aw sikenyo menge amo, imandogi niyo se pemeokit te peg-ibing niyo te menge allang, ika niyo eglamit kandan so netegehan niyo nge sen kenyo menge allang doen sebad olo ka amoy te langit aw unawa se keelaga te kedita te otaw. ¹⁰ Okit te kepengahan, pehimangnoan ko sikiyo nge lig-oni niyo se kenyo pedowan pineokit te gahom te Timanem. ¹¹ Gamiti niyo sen isoot niyo se kdaita kekamang te gubat amon mekeato te peg-alin-alin i Satanas. ¹² Kay sen kenitaden menge kebalaw kena menge otaw, aw kena sen menge medaet nge ispirito nge melangkaw dan, aw doen gahom, seini sikandan eghari te kededetan nge kedoen te kenayonan, aw kidoen dan heman te kawananga. ¹³ Yan gamiti niyo sen kadita kekamang te gubat nge imbegay te Timanem, amon mekeato kaw te eldew nge domateng sen medaet. Meneng aw mepenga ingan megpetanan sen higayon nikaw nge lig-on. ¹⁴ Yan ato kaw, isoot niyo sen kebenalan kagi nge sintoron elen iling te saol knii se pig-inang niyo te metolid ¹⁵ aw isuot niyo iling te sepatos se ibeg niyo meg-indan diya te doma otaw te olpiya indan tepad te kalinaw te pedowan ibegay te Timanem kandan. ¹⁶ Lowa pa niyan, gamiti heman niyo se kedita higayon sen henyo nemenal kaw te kagi nge taneng, amon eked kesogot te kededitan iling te tomad egkegdey ipegpani i Satanas diya kenyo. ¹⁷ Aw gamiti niyo iling te telanda kinis sen kenyo pegkelowas, gamiti heman niyo iling te sundang se kagi te Timanem nge imbegay te Ispirito Santo diya kenyo, amon doen eka ato niya batok te menge kebolaw. ¹⁸ Aw gayed kaw megtawal-tawal te Timanem nge tabangun kaw pineokit te Ispirito Santo. Ika kaw gayed egpebaya-baya, aw kena pemaya kaw tte kedlidaan niyo diya te Timanem, peg-aha kaw amon eked kaw lenga. Pegtawal-tawal kaw tepad te kedita te sakop te Timanem. ¹⁹ Pegtewal-tewal kaw heman tepad kanak nge begayan a te Timanem aw eden sen kanak dapat ikegihan aw pegtewal-tewal kaw tepad kanak amon wedad lamit ko te pegtolada ko te mepiya indan siyan weda din petega-tagahi diya te otaw gabii. ²⁰ Insogo a Timanem amon megtolada a te mepiya indan siyan, aw tepad te kenak pegtolada aw yan se doen te kineleboso a den. Awyan aw meinang, pegtawal-tawal kaw teped kanak, se doen megkebolot a te peg-ikagi se dapat kanak inangen. ²¹ Nayan ibeg ko ketegahan niyo tepad te peg-ogpa ko aw eg-inangen ko dini, awyan isogo ko si tikiko meg-indan kenyo. Sikandin se kedowa tado aw egkeseligan sikandin te Timanem. ²² Isugo ko den sikandin kidoen amon metaga-taga kaw tepad te peg-ogpa day dini, aw amon meluba se pedowan niyo. ²³ Menge kedowa ko, ibeg ko medawat niyo lekat te Timanem nge Amay aw ki Ginoong Jesu-Cristo ebig ko doen kelinaw te peduwan niyo aw megpedekelay kaw te pedowan se usag-usa. ²⁴ Piyapa nge penalanginan te Timanem sen kadita se kedakel te pedowan te kenitadon Ginoong Jesu-Cristo te wedad kepengahan nge dakel se pedowan din te menge otaw.