¹ Si Saulo migpadayon sikandin te gayed eglamit te menge sumusunod ni Ginoong Jesus nga imatayan dan. Dimoton sikandin te pengulong pari. ² Aw namoyo sikandin te sulat nga amon ibegay kandin se katungod aw amon kilalaen sikandin doton te mge simbahan te menge Judio te damascus. Se tuyo din dekepen aw ibingen lumilo te Jerusalem se kitaen din nga menge sumusunod ni Cristo, maana aw bayi. ³ Agpet den domateng si Sulo te siyudad te Damascus, aw kalit doen kal maanyag lekat te langit migpadapag diya kandin aw diye te isig ke kilid din. ⁴ Na yan, natungan sikansin diya te tanan aw doen kagi dinigeg din aw minikagi, "Saulo, Saulo! nenga lutesen-a nikaw?" ⁵ Timaba si Saulo, "Sir, sine ka lay?" aw timaba se kagi, "Si aken si Jesus nga lutosen no. ⁶ Tindeg ka aw doton ka te siyudad, tungod kay doen doton mikagi kamno aw eden se angay nikaw inangen." ⁷ Wedad nekaikagi te mge pegdoma si Saulo. Timindeg dan aw weda dan pekeikagi. Dimineg dan te inikagi meneng wedad palos kinita dan. ⁸ Timindeg si Saulo, meneng pegboka din te mata din kena den sikandin pekekita. Nayan inagak si kandin te menge pegdoma din taman doton te Damascus. ⁹ Sulod te tulo se aldew kena sikandin egpekekita, aw weda heman sikandin kaen aw minem. ¹⁰ Duton te Damascus doen sebad ka sumusunod ni Jesus aw si Ananias se ngadan din. Pinaokit te penengteng din migpekita dandin ang Timanem aw minikagi, "Ananias!" aw timaba si Ananias, "Timanem, siini a." ¹¹ Minikagi se Timanem kandin, ipanaw ka doton te dalan egtewulen matolid, aw doton te balay si Judas pemaha-i se otaw nga taga Tarso se ngadan din Saulo. Te higayon siini mig-ampo sikandin. ¹² Aw ipakita ko kandin pinaokit te penengteng sikona mawop aw pandongen nikaw sikandin te belad no amon komita sikandin toda." ¹³ Meneng timaba si Ananias, "Timanem, dinineg do den lekat te keditaan te menge otaw tepad te otaw syan, aw eden se kebolot din te menge tinoladaan no te Jerusalem. ¹⁴ Dimini sikandin te Damascus kay doen pegtogot lekat te kedekelan te menge pari amon dekepen din sen kelahat nemenal kamno." ¹⁵ Meneng minikagi se Timanem ki Ananias, "kesayo ka, dotonni sikandin, tungod kay pinamal-li ko sikandin nga mag alagad kenak amon ipakilala din se ngada ko te menge kena Judio aw te menge Hari dan, aw sen menge Esraelinhon. ¹⁶ Aw ipakita ko kandin heman se menge peg-antos nga kailangan maokitan din alang kanaken. ¹⁷ Nayan, dinotonan ni Ananias si Saulo te balay in-ogpaan din, aw minikagi si kandin, "Saulo, keduwa ko diya te Timanem, sinugo-a ni Ginoong Jesus te pegdini kamno. Sikandin se migpekita kamno te dalan samtang pesalo ka dini. Sinogo a din dini amon komita ka toda aw amon gamhan ka te Espirito Santo." ¹⁸ Nayan, w nadagdag lekat e menge mata ni Saulo iling te himbis te ikan, aw kimita den heman si kandin aw nagpabautismo. ¹⁹ Kimaen sikandin aw toda migkagsen se lawa din. Nagpatanan si Saulo te Damascus sulod te pila se aldaw doma te menge sumusunod ni Jesus. ²⁰ Dimoton sikandin te menge simbahan te menge Judio aw migwali sikandin tepad ki Jesus nga sikandin bate te Timanem. ²¹ Nepela se kelehat dimineg kandin minikagi dan, "Yan man se otaw eglutos te menge egpemenal ki Jesus doton te Jerusalem? Dimini sikandin amon dekepen se menge nemenal kedengan te ngadan aw ibingen doton te kedekellan te menge pari? ²² Aw misamot beling ang gahom ni Saulo te pegwali. Aw sen menge Judio te Damascus eged pekataba kandin kay onto din den ipamtuod nga si Jesus yan se Cristo. ²³ Te pegkepenga te pila se aldaw migtipon ang menge Judio aw pigplanohan imatayan si Saulo. ²⁴ Aldaw aw delem binantayan dan sen menge okitanan te siyudad kay aw kitaen imatayan dan. Meneng doen minikagi ki Saulo tepad te plano dan. ²⁵ Nayan, pegkadelem niyan sin-awop sikandin te menge sumusunod diya te dalem te Boliyas aw intonton si kandin doton te lowa te alad te siyudad. ²⁶ Pegdateng i Saulo te Jerusalem, ibeg din pede domona te menge sumusunod i Jesus, meneng nalamitan dan kandin. Kay weda dan pangintoo sikandin sumusunod den ki Jesus. ²⁷ Meneng pigtabangan ni Barnabas sikandin. Inibing sikandin ni Barnabas doton te menge apostoles aw impakilala sikandin. Mig-indan si Barnabas kandan aw eden se nahitabo na kinita ni Saulo si Ginoong Jesus te dalan aw eden se inikagi kandin. Aw mig-indan heman tepad te kebolot i Saulo te pegwali din tepad ki Jesus doton te Damascus. ²⁸ Nayan, lekat kedoen, pedomaay den dan si Saulo, pengkey kanan tepad te Jerusalem weda kalamitan si Saulo te pegwali tepad te Timanem. ²⁹ Peg-ikagi aw megsempetanen si kandin te menge Judio te kagi te Griego, meneng meneng na bensi dan aw migplano te peg-imatey kandin. ³⁰ Te pegkatagataga te mengne egpemenal te plano dan, in ated dan si Saulo doton te lungsod te Cesaria aw impaoli sikandin doton ne Tarso. ³¹ Penga niyan, wedad den egsamok te menge megtutuo te tibuok Judea, te Galilea, aw te Samaria aw onto den beling magsen se pegpemenal te menge magtutuo aw nagkinabuhi dan te doen pagtahod te Timanem; aw tungod heman te peglig-on te Espirito Santo kandan onto dan beling migkadita. ³² Medita benowa dinotonan i Pedro amon peglimbay te menge otaw te Timanem aw dimoton heman sikandin te menge egpemenal te lida. ³³ Doton kitai ni Pedro se otaw ang ngadan din Eneas. Eked peka iwal aw eked peke enaw diya te ibatanan din te walo se omay. ³⁴ Minikagi si Pedro kandin, "Eneas, nagoli ka i Jesu-Cristo. Enaw ka den aw tigmesi se ibatanan no. "Aw minenaw si Eneas. ³⁵ Kinita te kelahat minogpa te lida aw te sharon na pegkapiya den se Eneas, aw nangintoo dan te Timanem. ³⁶ Doton te Topa, doen megtutuo bayi se ngadan din tabita. (Te pinolongan te griego ang ngadan din dorcas, ang buot ipasabot ini mananap seba) Sen bayi siini mapiya se eg-inangen din labi den sen menge wedad pegkaabat. ³⁷ Doen sebad aldaw ineleg sikandin aw namatay. Piglimpyohan se lawa din aw doton te lanto te tambi insawol se haya te lawa din. ³⁸ Sen Jopa kena onto madiyo diya te lida, nayan pegdineg te menge sumusunod i Jesus si Pedro doton te lida, sinugo dan se duwa ke otaw amon hanyoen si kandin domoton te jopa. ³⁹ Pegdateng te menge insogo doton ki Pedro, nayan timaking si Pedro kandan. Pegdateng dan doton te jopa inibing dan sikandin doton te lanto te tambi tepad te nesolan te haya sen namatay. Doen menge balo gayed dan domelag. Aw impakita dan ki Pedro sen menge saol aw dagom tinebel i dorcas te weda pa sikandin kamatay. ⁴⁰ Nayan, impaluwa dan i Pedro sen kalahat dan doton dalem te tambi. Limongken sikandin aw mig-ampo. Pegkepenga din minasdang diya te lawa te namatay aw minikagi, "Tabita, enaw ka!" Nebeka sen menge manta i tabita aw te pegkekita din ki Pedro minonsad sikandin. ⁴¹ Inewidan sikandin i Pedro diya te belad din aw tinabangan amon meketindeg. Pegkepenga tinawal din sen menge balo aw sen menge doma magtutuo doton te lowa aw impakita din kandan si tabita ne antay den. ⁴² Nayan, nadengeg te tibuok Joda. Aw medito se mengintoo te Ginoong Jesus. ⁴³ Migpetanan si Pedro te pila se aladaw doton te Joda te balay i Simon sen tig-ilad te kindal te menge mananap.