¹ Doten te Sesarya doen otaw nge iningedanan Cornelio. Seini otaw sabed ka kapitan te mge sundalo Romanhong te batalyon nge egtawal batalyong Italya. ² Egpanimanem sikandin aw se kandin tibook pamilya medita se kandin natabang te mge Judiyong kabos aw gayed sikandin eg-ampo te Timanem. ³ Sabed niyan ka adlaw, mge alas tris te ora te meapon, doen nagpakita kandin nge anghel te Timanem. Klaro onto se kandin pagkita te anghel nge minawop te kandin balay aw temawal kandin Cornelio. ⁴ Te pagkita din te Anghel relamitan sikandin aw minikagi, aden man se kamno tuyo? Minikagi se Anghel dinineg te Timanem se kamno mge pag-ampo aw neluba sikandin te kamno pagtabang te mge pobre. Yan eg-aneng-aneng ka te Timanem. ⁵ Seini pegsogo aw mge otaw nge domoton te jopa aw ipaangey ki Simon nge tinawal si Pedro. ⁶ Doten sikandin agdayon ki Simon nge teg-ilad te kindal te ayam-ayam se kandin balay doten te kilid te dagat. ⁷ Se kidoen kimadas din se Anghel, tinawal e Cornilio se duwa te kandin mge sogoanen aw se sebad ka sondalo nge sebad te kandin mge luyo-luyo. Seini nge sondalo egpanimanem, heman nge otaw. ⁸ Egkagihan dan e Cornelio te kelahat nahitabo, aw pagkapange insogo din dan domoton te Jopa. ⁹ Niyan sunod aldaw mentras medapag den doton te syudad te Jopa nenayit si Pedro te pahulayanan doton te patag nge atep te balay amon mag-ampo puntok aldaw dakey. ¹⁰ Binallos si Pedro aw ibeg din komaen, meneng mentras eg-andam dan pa se pagkaen doen impakita kandin te Timanem. ¹¹ Kinita din se langit nge neowang aw doen migpadana nge iling te kabelad te habol nge eg-iketan te epat ka eskina. ¹² Aw awop seini nge habol kineta din ang kalahat matang te mge menanap. Se mge nge minepanaw se mge nagakamang aw se mge aglayang menenanap. ¹³ Aw doen kagi dininge din nge minikag, tindeg Pedro! Pengiyaw ka aw kaen. ¹⁴ Timaba si Pedro aked ka poyde, Timanem tungod nikaw lekat pa kadengan weda gayed ko makakaen se mge menenanap nge iling seini nge sumala te kasugoen malipa aw aked kane. ¹⁵ Doen heman kagi dinineg toda e Pedro, ika ag-aneng-aneng nge malepa se besan eden nge botang nge eglimpyohan den te Timanem. ¹⁶ Nahitabo ini te meketelo, ew dakey mintonton nge iling te habol egbira pakalit, liko te langit. ¹⁷ Mintras mig-aneng-aneng pa si Pedro aw eden se kadegdagan te kandin kinita demateng den heman se mge otaw nge insogo e Cornelio, key pagkatagataga dan kon kenan se balay e Simon dimaleg dan doton aw te pagdateng dan te pultahan te alad. ¹⁸ Timawal dan aw mig-insa kon doton ba ag-ogpa si Simon nge egnganadan heman Pedro. ¹⁹ Mintras neglebog pa si Pedro kon eden se kahulugan te kandin kinita minikagi se Espirito Santo kandin, doen telo ka otaw nge nengemaha kamno. ²⁰ Teng aw taking kandan, ika egduwaduwa tomaking kandan tungod kay se insogo ko dan. ²¹ Penge timena si Pedro aw minikagi te mge otaw kanak se kanyo pinengemaha, eden lay se tod niyo kanak? ²² Minikagi dan insogo kay dini e kapitan Cornelio mapeya otaw sikandin aw ag panimba te Timanem. Induyun sikandin te kelahat mge Judio. Minikagi kandin se Anghel te Timanem nge imbitahen ta se dumoton te kandin balay amon, dinegan din se kamno inkagi. ²³ Impeawop dan e Pedro aw doton dan pakatadoge dakey delem pangkasunod nge aldaw timaking si Pedro kandan. Doen dan pakagatoge dakey delem egpemanal te Jopa nge timaking kandin. ²⁴ Pegkaaldawan dimateng dan te Sesarya. Nagtagad kandan si Cornelio aw menge kadumaan din aw mge sigalak nge kandin eg-imbitar. ²⁵ Te pegdateng e Pedro simongon si Cornelio aw limongken te pagsimba kandin. ²⁶ Meneng impetindeg sikandin e Pedro aw igkagihan, ika niyan ag-inang otaw ah do. ²⁷ Aw migpadaleg se kandan pegbelawbelaway, mintras minawop dan te balay. Doton kinita e Pedro nge medita se mge otaw nge negtipon. ²⁸ Minikagi si Pedro kandan, netagahan niyo nge kenami mge Judio eg-aket te kanami relihiyon nge megbisita o mikigduma te mge kena Judio. Meneng impetaga taga te Timanem kenaken nge aked angey aneng-anengan nge malepa si bisan sena. ²⁹ Penge te kidoen inpasogo niyo nge dimini dini weda ko balibade seini ebag ko matagehan ko ngaley egpatawal ah niyo. ³⁰ Timaba si Cornelio telo den ka adlaw ini se pinokit lekat te kenak pag-ampo dini te balay aw minikagi heman sini menge alas tris te meapon. Mintras nag-ampo dan kenak olo nagpakita kanaken se otaw nge mepote aw bisti ³¹ Aw minikagi sikandin kanaken, Cornelio dinineg te Timanem se kamnu pegtawaltawal aw naaneng-anengan din se kamnu pagtabang te mge pobre. ³² Seini pegsogo aw mege otaw nge dimoton te Jopa aw mangay ki Simon nge tinawal aw Pedro. Doton sikandin ugpa te balay e Simon nge tig-ilad aw kindal te menenanap, se kandin balay doton te dapag te dagat. ³³ Nayan egpatawal ko sekuna ayas aw salamat nge dimateng ka diya kayden te presensya te Timanem amon menelan kon eded se insogo kamnu nge ikage kanami. ³⁴ Nayan minikagi si Pedro, seini netagahan ko na nge se Timanem wedad pinalabi. ³⁵ Kon se otaw doen kalamit te Timanem aw tarong se kandin ininangen. Pengkey kenen pa sikandin nge nasud leket dewaten sikandin te Timanem. ³⁶ Dininegan niyo se mapeya kage nge inkage te Timanem kanami mge Esraelinhon nge te otaw imakapasig-liko den doton kandan pineokit te pegpamenal ki Jesu-Cristo, sikandin se Timanem te kelahat. ³⁷ - ³⁸ Netegahan ba niyo se mge nahitabo te tibook probensya te Judiya tungod ki Jesus nge tege Nasaret, kena ba nagsugod ini te Galiliya penga te pagwali e Juan mahitungod te pagbonyag, egbagayan te Timanem si Jesus te Espirito Santo aw gahom, aw tungod key se Timanem duma dan. Pinegolian din se kelahat mge mig-antos te bosaw, dimoton den te nagkalainlain nge lugaw aw mig-inang den te mge mapeya butang. ³⁹ Kanami gayod makapamatood te kelahat din mge pig-inang tungod kay kinita day se kandin mge inang te Jerusalem aw te duma lonsod te mge Judio. Nematay sikandin te mge judio pineokit te peglansang kandin te Krus. ⁴⁰ Meneng inantay sikandin te Timanem te iketelo ka aldaw aw impekita kenami nge sikandin buhi. ⁴¹ Weda sikandin kitai doton te kelahat kon kena sikanami pinemali te Timanem isip mge tigpamenal mahitungod kandin nge duma pa gani kanami kandin te pegkaen aw peg-inom penge sikandin neantay. ⁴² Insogo din kanam te megtolada te mepiya balita duton te mge otaw aw te pegpamenal nge sikandin mao gayod se pinili te Timanem nge mainang maghuhukom te mge weda pa kematay aw se mge nematay. ⁴³ Si Jesu-Cristo yen inkage te kelahat mge propeta nge te kelahat nemenal kandin pinasaylo te kandan mge sala peokit te kandin ngadan. ⁴⁴ Mintras megtolada pa si Pedro dimateng se Espirito Santo aw gigamhan se kelahat nenalan te pulong. ⁴⁵ Se mge nemanal te mga Judio nge timaking ki Pedro lekat te Jopa, natingala nge se TImanem nemegay heman te Espirito santo te mge kena Judio. ⁴⁶ Tungod kay dinineg dan sikandan nge nag-estorya te kalainlain nge mge kinagehan aw negduyon te Timanem, yan minikagi si Pedro. ⁴⁷ pengkey kena dan mge Judio dimawat den dan si Espirito Santo kagi nge kami nakadawat neman nini. Nayan wedad den belabag kandan amon pegbonyagan dan pineokit te wayeg. ⁴⁸ Ngaley insogo dan sikandan ngge megpebonyag te ngadan e Jesu - Cristo. Penga dimoton eghangyo dan si Pedro nge magpatoman una duma kandan sulod te pila ka aldaw.