¹ - ² Inlebeng si Esteban te menge otaw egpenimanem onto dan migkelag tanda te lano dan kandin. Lekat niyan onto pinemelang pigtubos se kedita ta otaw nemenal doton te Jerusalem. Yan nasayo dan aw migbilitbilit dan doton te menge lonsod te Judiya, aw Samarya, meneng meg-ogpa pa se menge, Sogounun, apostoles doton te Jerusalem. Si Saulo se mig-uyon te imatayan si Esteban. ³ Nayan ibeg dan megkewedad se menge egpemenal te Timanem, aw timeped te menge balay dan amon dekepen din dan aw kelebusowen penakey meama aw bayi. ⁴ Pegkebilit te menge otaw egpemenal, te mapiya balita. ⁵ Aw sebad te egpemenal si Felipe. Dimoton te lunsod te Samarya. Megtolada sikandin tepad te Timanem. ⁶ Te pegdeneg te menge otaw te intolada din se kagi i Felipe aw kenita dan se kepelahan ininang din onto dan nanalan. ⁷ Onto madita se otaw maupan te madaet Espirito, aw egpelowa din. Megpuypuy dan aw impelowa din lekat te otaw. Pinagolian din heman se menge otaw kena egpekeiwal aw doma otaw kapig aw nagulian dan. ⁸ Yan onto neluba se kedita te otaw kidoen. ⁹ Doen heman otaw egngadanan ke Simon, nenamay den sikandin napelahan te tege Samarya biyasa ekon egdelikamata so kagi din te sikandin se melangkaw. ¹⁰ Se kelahat otaw te lunson, pengkey sakep aw melangkaw otaw. Nanalan kandin, aw menekagi dan, seini se otaw doen tolos te Timanem onto dakel tolos. ¹¹ Onto den menamay nemenal se menge otaw te delikamata din. ¹² Meneng pegtolad i Felipe kandan tepad te peglowan te Timanem aw si Jesu Cristo. Nemenal dan aw megpebawtismo dan, heman menge meama aw menge bayi. ¹³ Nemenal heman si Semon penga te pegbunyag kandin, timakeng din sikandin ke Felipe aw nepela sikandin diya te kepelahan ininang i Felipe. ¹⁴ Pegketaga-taga te menge apostolis dotn te Jerusalem te nemenal se teg Samarya te kagi te Timanem insogo dan si Pedro aw si Juan. ¹⁵ Pagdateng doton te Samarya migtawaltawal dan diya te Timanem amon domateng si Espirito Sando kandan. ¹⁶ So pengkey nabawtismohan aw nemanal dan te Timanem Amay, meneng weda pa dateng si Espirito Santo kandan. ¹⁷ Pegtedong dan i Pedro aw Juan te menge belad dan diya kandan dumateng se Espirito Santo. ¹⁸ Pegkita i Simon te pegtedong te menge belad dan, imbegay se Espirito Santo penaokit te pegpemenal dan aw imbegay din se kwarta ki Pedro aw ke Juan aw minikagi. ¹⁹ Bagayi a heman te tolos siyan, amon se kadita dan tedongan te menge belad ko mebegan te Espirito Santo. ²⁰ Aw timaba se Pedro kandin, "Kebatan ka aw si kwarta no so eden no aw kebeyadan se ibowang te Timanem. ²¹ Wedad lebut no te eg-inangen day so weda kelobos se pedowan no diya te Timanem. ²² Pegselsel ka te sala siini pegtewaltewal ka diya te pengolo aw mepekay den pagwedaden se madaet ebig te pedowan nekaw, ²³ Netegahan do te onto ka menenga aw ginapos ka te sala. ²⁴ Minikagi si Simon ki Pedro aw ke Juan aw mepakay pegtawaltawal kaw te Timanem amon eked ketoman si madaet selot se kagi niyo. ²⁵ Penga te pegtolada dan te kagi entolada te Timanem, minoli dan doton te Jerusalem, meneng migtolada den hemam te mapiya indan doton te menge lonsod te Samarya inokitan dan. ²⁶ Doen Anghel te Timanem megpikita ki Felipe aw minikagi doton ka te dalan lekat te Jerusalem pasalo doton te Gasa. Yan se dalan kana den eg oketan. ²⁷ Nayan minipanaw si Felipe aw kenita den se otaw tege Etiopia menuli lekat doton te Jerusalem. Amon migsimba te Timanem, melangkaw se katungod din so sikandin se teg-awed te katigayonan te Candace se bayi eglowan doton te Etiopia siyan egtewalen Rayan. ²⁸ Simakay sekandin te kalisa aw megbasa sikanden te libre insolat te kagi te Timanem i Propita Isayas. ²⁹ Minikagi se Espirito Snato ki Felipe, "Talokon ka aw awedi aw takinge se kalisa." ³⁰ Kimagnan si Felipe aw nasaban din se kalisa, aw dineneg den se pengolo migbasa te libro insolat te telekeliwat te kagi te Timanem i propeta Isayas. Min-insa se Felipe aw nnekelabe ka lay te binasa no? ³¹ Timaba se pengulo weda a pekelabet, singed aw doen otaw megtolada kanak, amon makalabet a?j Nayan kagi din ke Felipe sakay ka te kalisa aw tangkil ka kanak. ³² Nayan, seini se kagi te Timanem binasa ko"Wedad polos, reklamo din. "Iling sikandin te karnero inebing amon iyawen iling heman sikandin te karnero dena eg-ikagi aw gontingan. ³³ Pegyaya sikandin aw impalemen. Wedad kaliwat bowad-bowad din, kay se kinabuhi den dini te tana inabat din. ³⁴ Minikagi si pangulo ki Felipe. "Sino lay se te telekeliwat te kagi te Timanem, sekandin aw doma otaw? ³⁵ Neyan, migtebo si Felipe miglebadlebad diya kandin te kagi te Timanem siyan. Megtolada sikandn pinaoket te Timanem. ³⁶ Nayan demeleg dan aw dimateng dan doton te wayeg, minikagi se pengolo ke Felipe doen wayeg dine. Eked lay kapakay aw bonyagan bautismohan a no? ³⁷ Timaba si Felipe , "Mepakay aw onto ka den nemenal." Menekagi si opesyal, "Nemenal a den te se Jesu Cristo se onto bata te Timanem." ³⁸ Penga neyan impateneng din sa kalisa aw limanglang dan diya te wayig aw egbawtismohan Felipe. ³⁹ Peg-anggin dan leket te wayeg inabat te Espirito Santo si Felipe. Weda den kitai te opesyal si Felipe. Meneng demeleg se opesyan aw neluba se pedowan din. ⁴⁰ Meneng naka-aneng-aneng si Felipe te doton din sikandin te lonsod te Azotos. Pengkey kanan gayed sikandin megtolada te mepiya indan tepad te Timanem. Kedoen te inokitan din lamig demating eleton te Cesarya.