¹ Aw mig-insa ang pengulo te pari ki Esteban. "Eden', Benal ba ang inikagi nini nga otaw? ² Minikagi si Esteban. "Menge kedowa aw menge ubanen, pen'nelani a niyo minokit gabii ang Timanem nga metulus migpekita te kenitadon Amay nga si Abraham dutun te Haran. ³ Minikagi se Timanem ki Abraham, tenani se kamno nasod aw menge kedumaan aw duton ka dapit nga tuduen ko kamno. ⁴ Nayan igtenanan i Abraham te nasod te kaldea aw ninugpa dutun te Haran te pegkematay te kandin Amay igpendini te timanem dini te kenidon siini ugpaan. ⁵ Nida higayoni weda pa begayi te Timanem si Abraham bisan deileke olo nga tana, meneng migsaad se Timanem nga sine dapit ibegay din dandin aw te menge keliwat. Wedad pa bata i Abraham nida pegsaaad i Jesus kandin. ⁶ Minikagi se Timanem kandin, "Sen kamno menge keliwat te kemudihan mugpa te lain nga nasod, aw duton inangen dan ulipon aw daug dangen dan dalem te epat gatos ke umay. ⁷ Meneng pelumunen ko ang nasod nga migwipon kandan, pegkepenga tenanan dan sida nga nasod aw lumiko dini nga dapit aw dini menimba dan kanak. ⁸ Aw inang ilhanan te kandin saad te pigkegihan te Timanem si Abraham nga kinahanglan tulien si kelahat meama. Nayan te pegtebaw te kandin bata nga si Isaac, pigtuli din ini bisan walo pa olo ini ke aldaw. Iyan peman se ininang din ki Isaac aw ki Jacob nge menge bata din. Aw si Jacob mi inang peman nini te kandin 12 ke bata nga mao ang kenitadon inlekatan nga menge Judio. ⁹ Si Jose nga sebad te 12 ke bata i Jacob pigsinahan te kandin imenge keduma, nayan igbeligyan dan sikandin aw inibing dutun to Ehipto aw dutun neinang ulipon. Meneng tepad kay ang Timanem egkateng ki Jose. ¹⁰ Pigtebangan din sikandin si kelahat menge pelumun nga kandin inukitan. Igbegayan peman sikandin te Timanem te kepanday. Nayan neibigan si kandin i Faraon, ang hari te Ehipto. Ang hari mig-inang kandin pengulo te tibook Ehipto aw sinelegan te kelahan kebtangan din. ¹¹ Te kemudian demateng dakel bitil te tibook Ehipto aw te Canaan. Miglumun onto se menge otaw aw senmenge kenidaton ubanen wedad unto keabatan te kandan mekaen. ¹² Nayan te pegdineg i Jacob nga duen mekaen duton te Ehipto, pegpedetun dein se kandin mengise, nga kenitadon ubanen. Yan sida ang muna dan pegduton te Ehipto. ¹³ Te ikeduwa dan pegduton, megpeila si Jose nga sikandin kandan keduwa, aw pigkage heman i Faraon se tepad te kandin pamilya. ¹⁴ Awyan migtugon si Jose nge pedulunen te Ehipto ang kandin Amay nga si Jacob duma ang tibook pemilya din, menge 15 dan kelahat. ¹⁵ Nayan si Jacob aw sen ubanen tadun dimuton te Ehipto, aw dutun dan peg-ugpa taman nga megkemetay dan. ¹⁶ Ang kandan menge nematay nga lawa inibing te shekem aw duton lebengi te lebenganan nga pigbayad i Abraham te muna gebii lekat te menge mengise i Hamor. ¹⁷ Te si yan agpet den metuman ang pigsaad te Timanem ki Abraham, migkedita pa unto ang kenitadon menge ubaen dutun te Ehipto. ¹⁸ Nayan dimateng se aldaw nga kaling den si Hari te Ehipto. Weda ini kilala ki Jose. ¹⁹ Piglimbongan sini nga Hari ang kenitadon menge ubanen aw pig daog-daog. Pigleges din sikandan te peg-agbal te kandan mesusu nga mengise amon me sikematay. ²⁰ Sida se higayon nga timebaw si peman si Moises sebad te bata nga nelubahan te Timanem. Pig etiman sikandin te kandin menge ubanen te kandan balay dalem te telu si bulan. ²¹ Te sida pigtenanan sikandin te luwa te balay. Inabat sikandin te bata baye i Faraon aw pig etiman sikandin isip nga kandin keugalingon bata. ²² Pigtuwedan si Moises te kelahat kepanday te Ehipto, aw migbantog sikandin tepad te kandin menge inikagi aw te kandin ininang. ²³ Te 40 den ke umay si Moises ne eneng-enengan din nga luma'uy te kandin menge keduwa Israelanhon. ²⁴ Dutun kinita din se sebad kandan nga pigdaogdaog te Ehiptohanon, pigdepigan din se kandin keduwa Israelinhon aw ukit penimalos igmetayan din ang Ehiptohanon. ²⁵ Te ininang din mig-aneng-aneng si Moises nga melubetan te menge Israelinhon nga sikandin ang gemiten to Timanem te pegpeluwa kandan meneng weda dan pekelabet. ²⁶ Te sunod aldaw limiku si Moises aw kenita din se duwa ke Israelinhon nga migbulaw. Ibeg din husayen se duwa, nayan nini mikagi sikandin kandan, unawa kaw menge Esraelinhon nenga migbulaw kaw man? ²⁷ Meneng pigwakli sikandin te negedaogdaog aw pigkegihan, sine si mig-inang kamno pengulo meg uukom kanami? ²⁸ Eden metayan a peman nikaw iling te pegimatay no te Ehiptohanon ke be nini. ²⁹ Te pegdineg mini i Moises migpediyo sikandin lekat te Ehipto aw dimoton te midian. Dutun sikandin duwa ka bata meama. ³⁰ Peg-ukit te 40 ke umay duen seban ke Anghel nga migpekita ki Moises samtang duton sikandin te kemingawan nga dapag te buntud te sinai. Kinita i Moises se Anghel kiduen te limegdeg nga sempinit. ³¹ Nepela unto si Moises te kandin kinita, nayan migpedapag sikandin te sempinit amon susihen kon eden ida. Samtang migpedapag sikandin dineneg din ang kagi te Timanem nga mig-ikagi kandin. ³² Silak se Timanem te kamno menge ubanen nga si Abraham, si Isaac aw si Jacob, pegkedineg nini i Moises tinegagtang sikandin te tanda ketalaw aw weda sikandin ugsud pegtengteng. ³³ Aw minikagi se Timanem kandin luwasi se kamno sandalyas kay tepad balaan sen dapit nga kanmo piglindegan. ³⁴ Kinita ko unto se menge kelisud nga iglumun te kanak pinili nga meng otaw duton te Ehipto. Aw dinineg ko peman ang kandan menge peg-ugulu. Nayang timena a amon pegpuluwa kandan. Seini pegtegilan tepad kay kamno se kanak ipeibing dutun te Ehipto. ³⁵ Seini ang Moises nga pigselikway kedengan te kandin menge keduwa nga Esraelinhon nga nekeikagi, "Sine se meg-inang kamno pengulo aw meg-uukom kenami?" Sini peman ang Moises nga igpeibing te Timanem nga meinang pengulu aw megpeluwa te meng Israelinhon pinukit te tabnag te Anghel nga kandin kinita dulun te limegdeg nga sempinit. ³⁶ Si Moises mao se pengulo te menge Israelinhon pegluwa lekat Ehipto. Meg-inang sikandin te menge kepelihan aw menge kehibulungan butang dulon te Ehipto. Duton melalag dagat, aw duton te kemingawan diin migbatas dan dalem te 40 ke umay. ³⁷ Yan peman ini se Moises nga mikikagi te menge Israelinhon. "Ingon nga igpeibing a te Timanem kenyo, megpeibing pa unto se Timanem ke duen kenyo te sebad ke propeta nga iling kanak nga kiduen peman kenyo miglekat. ³⁸ Samtang duton se kenetadon menge ubanen te kemingawan, Si Moises peman se migpetenga tali te menge otaw ang te Anghel nga minikagi kandin duton te buntud te Sinai, aw duton sikandan dimawat te kagi te Timanem nga egbagay te peduwan amon ibegay peman kenitadon. ³⁹ Meneng te weda pa pekeliko si Moises lekat te buntod, se kenitadon menge ubanen weda tuli te igpeinang i Moises kandan. Pigselikaway dan si Moises ingon nga kandan pengulo, aw nengandoy dan nga lumiko te Ehipto. ⁴⁰ Minikagi dan ki Aaron. ⁴¹ Aw mini-inang deleg te Dios te bawa te nate nga baka ang pigdugsuan dan ini'. Migse ulog dan amon iduyun se kandan ininang. ⁴² Te kandan ininang. Yan ini se pigsulat te menge propeta. Kenyo menge Israelinhon, dalem to 40 ke umag nga kenyo duton te kemingwan, mig-imatey kaw te menge hayop aw pigdugsu. Meneng kena ko ang kenyo pigdusuan. ⁴³ Pegseibing niyo ang toldo te kenyo dios-dios nga si Moloc, aw menge larawan te bitoon nga kenyo dios-dios nga si Refan,. Ininang niyo ini nga menge dios-dios amon simbahen. Nayan kebeyanan ko nga bihagen kaw duton te muna pa te Babilonia." ⁴⁴ Minikagi pa unto si Esteban duton te korte te menge Judio. "Samtang duton pa se kenitadon menge ubanen te kemingawan, kiduen kandan se tolda nga diin ke duen se presensya te Timanem. Sida nga tolda ininang sumala te sugu te Timanem, sumala te plano nga kandin igpekita ke Moises. ⁴⁵ Te dihang negkemematay den se kenitadon mge libanen, se kandan menge mengisi yan peman ang nengibing te tolda. Se kandan pengulo yan si Josue. Neangkon dan se menge tanan ng pigsaad te Timanem penga igpekadas te Timanem ang menge otaw nga minugpa dina nga dapit. Aw dulon mipetanan ang tolda nga igseibing te menge Israelinhon taman to penahon nga si David se neinang hari. ⁴⁶ Igpemuyo i David nga tuguten sikandin meg-ugbuk te balay alang te Timanem amon mekesimba duton se keliwatan i Jacob. Menan bisan aw neluba ang Timanem ki David, weda sikandin toguti. ⁴⁷ Si Salomon yan se mig-inang te Templo te Timanem. ⁴⁸ Meneng se Timanem nga labaw te kedita eked peg-ugpa te menge balay nga inang otaw sumala te kagi te propeta, minikagi ang Timanem. ⁴⁹ Sen langit yan se kanak trono, aw sen tanan yan se gitanan ko te kanak menge benis. Nayan eden pa lay metangi te balay ang kenyo inangen alang kanak? Kenak a tepad meke etud? ⁵⁰ Kena ba kanak nan se mig-inang te kelahat menge butang?" ⁵¹ Aw minikagi si Estiban te menge otaw duton te korte, "pegkagsen unto te kenyo menge ulo! negpebingel bingel kaw unto te inikagi to Timanem tepad kay weda niyo keibegi nga metuman se kandin menge inikagi kenyo. Gayed niyo egsopaken se Espirito Santo. Iling kaw unto te kenyo menge ubanen. ⁵² Wedad propeta nidekey nga gebii nga weda dan pelumuni. Pengkey pa ang menge neg-ikagi tepad te pegdateng te metaron nga sulugoon igmetayan dan peman. ⁵³ Nedawat niyo se kesuguan nga benegay te Tiamanem pineokit te menge Anghel, meneng weda niyo ini tulu." ⁵⁴ Pegkedineg nini te menge membro te korte, neupal dan unto ki Estiban. Neglengetnget se kandan menge ngipen tanala te keupal. ⁵⁵ Meneng si Esteban nga tinulusan te Espirito Santo linengag te langit aw kenita din ang tulus te Timanem nga nagasidlak aw si Jesus nga timendeg keduen te kuwanan te Timanem. ⁵⁶ Pegkekita din nini minikagi sikandin, "Tengtengi niyo! kenita nga ne abli se langit aw sidekey si Jesus nga bata te otaw neketindeg te kuwanan te TImanem!" ⁵⁷ Nemegais se menge membro te korte aw pegsempengan dan se kandan menge telinga amon eked dan dinegi se inikagi i Esteban aw negdengan dan te peg nasmag kandin. ⁵⁸ Inibing dan si Esteban te luwa te siyudad aw duton pigbuntugan dan. Piglewas te menge saksi ki Esteban ang kandan menge kupa aw tinenanan dan duton te sebad ka bayong bayong nga igngedanan ki Saulo amaon mas mula ang kandan pegpemuntog ki Esteban. ⁵⁹ Samtang pigbuntugan dan si Esteban mig-ampo sikandin te Timanem nga negkagi. Timanem Jesus dewate se kanak along," ⁶⁰ Aw limuhod sikandin aw migpegais te mekagsen nga kagi, "Timanem, ikai dan egsukot te sini sala nga ininang dan aw te pegkagi din nini, nematey sikandin.