¹ Neda gebii migkedita ang meng sumusunod ki Jesus, aw yan nigbegulbol ang menge Judio kansang inikegihan Griego batok te menge Judio kansang inikagihan Hebreyo tepad kay weda mebegayi te aldaw-aldaw nge rasyon se kandan menge balu. ² Nayan pigtawal se 12 ka apostoles ang kedita mge migtuo, aw minikagi dan." Kena mepiya nga pesagdan day ang pegwali te kagi ti Timanem among meg elima olo te meteryal nga pegtabang. ³ Nayan menge keduma, pegpili kaw lekat te kenyo menge doma te pito ke meama nge doen mepiya dengeg, maalamon aw gigamhan te Espirito Santo, kandan mao ang kenitadon pedumalaen nini nga menge meteryal nge menge pegtabang. ⁴ Aw kenami, ang kenami penahon gemiten day peg-ampo aw te pegsangyaw te kagi te timanem. ⁵ Mig-uyon ang kedita menge megtutulo te inikagi te menge apostoles. Nayag igpili dan si Esteban, sebad ke otaw ga doen hugot pegtoo ke Jesus aw pig-upan te Espirito Santo, pigpili dan peman si Felipe, Procoro, Nicolas, si Timon, si Parmenas aw si Nicolas nga taga Antoquia, sine si Nicolas kena Judio, meneng te relihiyon te menge Judio. ⁶ Inibig dan sikandan se menge pepile doton te menge apostoles, aw mig-ampo ang menge apostoles alang kandan, aw pegtedongan dan sikandan te kandan menge belad, ⁷ Nayaa dimeleg pegbening se kagi te Timanem, medita pa onto nge menge taga Jerusalem ang neinang sumusunod ki Jesus, aw medila peman nge menge pari ang timulo kandan. ⁸ Si Esteban nge nepeno te grasya aw tulos te timanem meg-inang te medita menge kepelehan aw mwnge kahibulungan butang nge kinita te menge otaw. ⁹ Meneng doen menge otaw nge migbatok kandin. Sine menge otawi menge Judio nge lekat te Cyrene, te Alexandria te Celicia aw te Asia. Seini dan menge membro te simbahan te menge Judio nge pigtawal simbahan te mge igpeluwa lekat te pegke ulipon, gayed dan eg lentugi ke Estiban. ¹⁰ Meneng tepad kay Espirito Santo egbegay te kepanday wed dan pekeupid kandin. ¹¹ Nayan nenuhol dan te pila ke otaw mikagi, "Dinineg day si Esteban nga minikagi te medaet batok ki Moises aw te Timanem. ¹² Aw seini pemeokit pig ulog-ulog dan ang menge otaw ang menge pengulo te menge Judio aw menge megtuludaay te kesuguan, pigdakep dan si Esteban aw inibig dulon te korte te menge Judio. ¹³ Doen peman igpeawop dan te pipila ke otaw among pegsaksi aw peg gaway batok ki Esteban, nekeikagi dan, "Sini otawi gaye eg ikagigia batok te kenitadon balaan nge templo aw te kesuguan i Moises. ¹⁴ Dinineg day nga nekeigagi nge ang kenitadon templo gubalen i Jesus nga tege Nazaret aw Sel'linan din ang menge tulumanen nga pigbegay kenitadon i Moises. ¹⁵ Ang kedita membro te korte te menge Judio tenengteng unto ki Esteban aw kinita dan ang kandin bawa nga mig-ibig te bawa te Anghel.