¹ Minikagi si Agripa ki Pablo, sige meebeg a nge mikagi te penalipod te kamno kaugalingon, penga intakyaw i Pablo nge mikagi den sikanin, kagi din. ² Haring Agripa mepiya onto nge mikagi a amon te pagpanalipod te kenak kaugalingon dini te kamno mona mahitungod te kalahat menge dimanda te mge Judio tepad kanak. ³ So onto nge netaga-taga ka heman te kelahat menge tulumanon aw se menge ginalantugian te menge Judio. Penga inhanyo ko nge kon meebag, menelan kaw te kanak ikagi. ⁴ Netegahan te menge Judio kon eden se kanak keogpa lekat pa te pegketelaki ko doton te kenak lonsod aw doton te Jerusalem. ⁵ Aw mikagi heman dan te benal kandan mismo netegahan nge lekat pa dakey, mimbro eden te menge parisiyo nge yan se pinakaistrikto nge pondok te relihiyon te mege Judio. ⁶ Aw amon dini a dimiya te korte egpeliman tungod kay negtegad a nge inangen te Timanem se kandin egsaad te menge kemonaan. ⁷ Se kenami sempolo tegdowa ka tribo negtegad nge seini mahitabo onto. Penga aldaw aw dalem egsimba day se Timanem, aw haring Agripa tongod te kenak pegpemenal seini menge botang inendan a te mge Judio. ⁸ Aw kenyu menge Judio ngeley eked kaw pemenal nge se Timanem makainang te pegkeantay te menge nematay. ⁹ Kedengan mon kenak mismo neg-aneng-aneng nge kinahanglan ko inangen se kelahat kon poydi amon kontrahon se ngedan e Jesus nge tega Nasarit. ¹⁰ Yan seini se kenak ininang dekey doton te Jerusalem. Pineokit te gahom nge imbegay kenaken te kedakelan te menge Pari, medita menge sinakop te Timanem se kenak gipreso aw penga dan kuhmi te kemetayen neibeg a heman. ¹¹ Medita hegayon nge ag doton a te menge simbahan te menge Judio amon pamahaen dan, aw ipegpelumun amon pogsen nge ipaikagi batok ki Jesus te sobra se keopal kandan, dimateng a te mediyo menge lonsod amon kon te pegselot kandan. ¹² Yan seini se lenakatan ko ngeley dimoton a te Damasko nge doen inibing sinolatan lekat te kedakelan te menge Pari, dakey solat nemegay kenaken aw gahom aw minikagi heman kon eden se kenak inangen doton. ¹³ Pegkealas dosi, Haring Agripa aw mintras minipanaw a doen kelowa lekat te langit nge anyag pa te aldaw nge neenyagan te palibot kenak aw te kenak menge kadomaen. ¹⁴ Nengetungan kay kelahat te tana aw doen dinineg ko nge minikagi kanak pe pinolongan Hebriyu nge kon hubaron, seolo-olo nenga lay egpemileng a nikaw. Gisilotan a heman te kamno pagkaeotawon. Iling ka nge negsipa te maedep nge kayo. ¹⁵ Mig-insa a Sir sinu ka lay? Timaba se Timanem, kanak si Jesus nge egpemilangen nikaw. ¹⁶ Enaw aw tindeg, ipaketa ko kamnu tungod kay egpili te sikona nge inangen ta sogounun ikagi ka te doma se mahitungod te kanak pegpakita kamno. Amon, aw se menge botang nge meg-indan ka kandin te dumedateng. ¹⁷ Luwasen ko sekona lakat te menge Judio aw te menge kena Judio, pedotonen ko sekuna kandan. ¹⁸ Amon abli te kandan menge mata amon tomanan dan lakat te kengitngit aw megpesalo te kelowahan aw lakat te gahom ni Satanas migpedapag dan te Timanem aw pineokit te kandan pegpemenal kanaken mapasaylo se kandan menge sala aw meapil danden te menge eglahi te Timanem nge meinang kandin. ¹⁹ Penga, Haring Agripa, tinolo ko se impekita nge kineta kanaken lekat te langit. ²⁰ Te kemonaan megtolada a te Damasko aw daleg doton te Jerusalem. Lekat te Jerusalem gilibot ko se tibook nge probinsya te Judiya. Aw dimoton a heman se menge kana Judio megtolada dan keilangan den nge megsesel te kandan menge sala aw megpedapag te Timanem, aw ipekita dan pineokit te kandan menge eg-inangen nge benal gayod nge kandan megselsel. ²¹ So yan se intolada nge dinakep a te mge Judio doton te templo aw naninguha gayod dan te peg-imatay kanaken. ²² Meneng egtebangan a te Timanem hangtud seini aldaw, yan dimeni a dini amon te kelahat, te mge inila man o kena se inkagi dakey te menge propeta. Aw ni Moises nge mehitabo. ²³ Nge se Cristo keilangan pemilangen aw imetayan, aw inangen ona nge meantay lekat te kematayan amon mamegay te kelowahan te menge Judio aw se menge kena Judio. ²⁴ Telobo pa minikagi si Pablo migbelobansag si Festo. Pablo migkebook ka den! Se so nge eden se migkebook kamno. ²⁵ Timaba si Pablo halangdon nge Festa weda a pegkebook, benal se inikagi ko aw mepiya se kenak peg-aneng-aneng. ²⁶ Seini menge panghitabo netegahan e Haring Agripa, iyan weda a pegketelaw te peg-ikagi ko kandin, netegahan ko benal se kelahat netegahan din den tungod kay ini weda keinang te tago. ²⁷ Haring Agripa, nemenal ka lay te inikagi te menge propeta, netegahan ko nge nemenal ka. ²⁸ Minikagi si Agripa tingali neg-aneng-aneng te eked kenanay meinang a Cristo. ²⁹ Minikagi si Pablo pengkey menanayaw eked kenamay se kenak pag-ampo te Timanem nge eked keibeg kon kena se kelahat heman nenelan kenaken amon meinang Kristohanon iling kanak. Gawas te menge seini igpriso. ³⁰ Penga timindeg se Hari, se Gobernador, si Bernice aw te kelahat nge nagalingkod doton. ³¹ Te kandan peglowa dan igpebelaw-belaway dan. Wedad neinang nge medaet seini otaw nge angey silotan nge metayan o prisohan. ³² Minikagi si Agripa ki Festo, kon weda dan apil te Emperador, pwede den dan sikandin pelowaen.