¹ Penga dan makahukom nge ipaepanaw kay doton te Italya, impetonggo dan si Pablo aw te menge doma din menge priso ki Julio, seini si Julio kapitan te mge sundalo nge Romanhon nge iningedanan, gropo te Emperador. ² Nenga doton te Sisarya doen sebad ka belangay nge lekat te adramito nge agpet den megpesalo doton te menge dunggoanan te menge probinsya Asya, aw yan se sinekayan, timaking kenami si Aristarko nge tege Tesalonika nge sakop te probinsya te Masidonya. ³ Kealdawan niyan minapit kay te Sidon. Sinagman dan onto i Julio si Pablo. Naebeg sikandin si Pablo nge doawen te kandin menge otaw doton amon metabangan sikandin te kandin menge panginahanglan. ⁴ Lekat te Sidon minokit kay aw doton kay okit te dibaloy nge bahin te polo te Sipro nge keselibengan te kalamag tungod kay se kalamag pesalo man kenami. ⁵ Minokit kay te dagat, nge mona te Silisya aw Pampilya aw timena kay te mira te probinsya te lisya. ⁶ Doton kimita se kapitan nge si Julio aw sebad ka barko nge lekat te Alejandriya nge megpesalo te Italya ya inpaalin kaydin doton. ⁷ Minokit se pila ka aldaw meloway se kenami paglawig aw nelemahan gayod kay hangtod nge nekedating dapag te lonsod te Nidus. Onto kay pigsugat kanami se kelamag eked kay pekadiretso te kenami peselowan yan dini kenami minokit te dibaloy nge bahin te Isla te crete nge salipod sa kelamag aw minokit kay medapag te ponta Salmon. ⁸ Minokit kay olo, meneng nelimahan gayod kang hangtod nge demating kay te ogpaanan nge tinawal aw mepiya menge donggoanen, seini medapag te lonsod te lasya. ⁹ Nenamay kay doton hangtod nge nesaban kay te panahon nge melima den se peglowa, kay minokit den se aldaw te pegpowasa, yan minikagi si Pablo te menge doma. ¹⁰ Aneng-aneng ko nge kelimahan kidon aw domeleg kidon pa. Aw eked onto se menge karga aw se barko se mewedad kon kena base apil se kanitadon pedowan. ¹¹ Meneng ma dakel aw simalig se kapitan te menge sondalo aw inikagi te kapitan aw se tig-apo te barko siyan gipasidaan e Pablo. ¹² Aw tungod kay se donggoanan doton kena mepiya nge elasanen te panahon te ting - unos pa kaditaan te kenami menge doma meibeg nge mesayo te tinguha nge basin pegmakadateng kay te Fenis aw doton menamay telobo. Ting-unos pa se Ferus sebad ka donggoanen te crete nge doen mepiya elasanan kon ting-unos. ¹³ Te kidoen melomay den se huros te kelamag lekat te habagat neg-aneng-aneng se kenami menge kedomaan nge meibeg dan kenami molawig. Yan igbira dan se ankla aw milawig kay nge nemaylay te isla te crete. ¹⁴ Meneng weda kenamay migkabandes se magsen nge kelamag te amian nge lekat te isla te crete. ¹⁵ Te pegdating te magsen nge kelamag kenami eked kay pekaabante. Yan minoyan kay kenan kenami ipadpad te kelamag. ¹⁶ Nakaselibeng kay aw daetek se kedoen minokit kenami te habagatang dapeg te Isla te Cauda, pengkey neilimahan kay negkarga kay gihapon day te barku se boti amon eked kemenon. ¹⁷ Te kidoen pegkarga den inaket day ini aw inigot te barko aw olo kay nelamitan dan nge idagsa se barko te abas dapeg te Libya, linolo dan se layag aw negpaanod. ¹⁸ Dimeleg pa gihapon se megsen nge unos, yan pegkapenga aldaw nagsugod dan pegdagdag te menge aldaw, se menge kegamitan dan mismo te barko se kandan indagdag. ¹⁹ Pegdateng te menge aldaw, se menge kegamitan dan mismo te barko se kandan indagdag. ²⁰ Lekat te pila ka aldaw weda pegpakita se aldaw aw menge bitoen aw weda gayod taneng se unos te kamodihan newadadan dan kay te peglaum nge meluwas pa. ²¹ Pila den ka aldaw nge se mge otaw weda gayod kinaen, meneng minikagi si Pablo kandan, menge doma, amon kon menalan kaw olo kenaken nge eked una kidon kesayo te crete. Nalikayan tado paden nge meinang ini mge kelimahan aw menge kapildihan. ²² Meneng amon egkagihan ko sikeyo nge magpakaisog onto kay wedad memetay kanitadon se barko olo se megubal. ²³ Kay tedalem se Timanem nge yan naneg apo kenakin aw se kenak gialagaran negsugo aw anghil dini kenaken. ²⁴ Minikagi sikandin e Pablo ika egkelemitan kon matubang te emperador doton te Roma aw te keido te Timanem se kelahat menge doma dini te barko melowas onto sikeyo. ²⁵ Nayan menge doma ika niyo aw egkelimitan kay simalig a te Timanem nge metoman din se kandin kagi kanak. ²⁶ Meneng idagsa kidon doton te sebad ka isla. ²⁷ Te ika dowa simana nge eg-anod kay te bagyo te mediterano, menge tenga te delem den Gibanabana te mgne tripulante nge dapag kaydin te enay. ²⁸ Penga igtogkad din se dagat aw nekatagataga dan nge menge kelowan ka depa se kedalem weda kenamay toda den pigtoda aw menge sempolo teg lima depa. ²⁹ Aw olo kay nelimitan dan nge mosagyad kay te mge bato, indegdeg dan se epat ka angkla doton tepad te getan te barko, aw migtawaltawal dan nge peglibtak te aldaw. ³⁰ Ibeg dan komadas se menge tripulante te barko, yan timena dan se boti doton te dagat aw pesumangil nge megdagdag den te menge angkla te dolong. ³¹ Meneng minikagi si Pablo te kapitan aw te menge sondalo, kon mesayo se mge tripulante te barko eked kaw kelowas. ³² Penga binogto te menge sondalo se menge lobid nge in-iket te boti aw igpasagdan ini nge maanod. ³³ Mata-mata te iselem den inlegas dan kelaat e Pablo nge komaen. Minikagi sikandin dowa den ka simana se pegtagad kenyo nge mepenga se unos aw wedad kinaen niyo. ³⁴ Yan kaen kaw amon megkagsen kaw onto kay wedad bisan sebad kenyo nge matay. ³⁵ Penga minikagi niini si Pablo, nengabat sikandin aw pan te monate kelahat migpesiontong diya te Timanem. Aw pigbela-bela din se pan aw kimaen. ³⁶ Nadasig dan kelahat aw kimaen. ³⁷ Dowa gatos kepitawan teg enem, kenemi kelahat simakay doton te barko. ³⁸ Te kidoen kimean kay se kelahat aw pegkebesog day, ig-agbel dan te dagat se menge inibing trigo amon meagka-agka se barko. ³⁹ Peglibtak te aldaw, weda day ketegahi te menge tripulante kon eden islahe se kenami nesulan, meneng kinita dan nge sebad ka neales nge bahin te dagat nge doen enay, yan nakalabet dan nge doton dan ipadonggo se pangko. ⁴⁰ Penga binogto dan se menge lobid nge in-iket te menge angkla linebad dan heman se menge lobid nge in-iket te timon aw bineka se layag te dolong amon ipalid dan pesalo te enay. ⁴¹ Meneng samtang naglawig dan misagyad se pangko te mabaw aw minungot se kandin dolong, se getan naanam aw negobal tungod te kekagsen te napak te mge balod. ⁴² Imatayan dan se menge sondalo se kelahat menge priso amon wedad makandanggoy pesalo te kilid aw komadas. ⁴³ Meneng migsagda dan te kandan kapitan tungod kay ebeg den nge luwasen si Pablo insogo dan nge tumolay una se kelahat neketaga-taga dumaggoy aw megpakilid. ⁴⁴ Se kena panday dumanggoy sunod mge nge mawid lang te menge tabla aw menge lopod te pangko nge indagsa yan dekey se kenami in-inang aw kelahat day nekedateng te enay nge weda kemanon.