¹ Menge kedomaan ko aw menge obanen, penenalan kaw ona sen kank menge ikegihan te pagpanalipod te kanak pegkeotawon!" ² Pegdineg te menge otaw nge peg-ikagi din te kaga te Hibriyu. Onto dan nenenalan aw migpadeleg te peg-ikagi si Pablo. ³ Siak heman sebad ka Judio nge timebaw te Tarso nge sakop te lonsod te Silisya, meneng timelles a dini te Jerusalem. Si Gamaliel maistro ko aw migtolada kanak dini. Mig illing a te egtoloen ko te punes nge egtolo te kanitadon menge kemonaan. Aw iling keman kenyo seini. ⁴ N emilang a hangtod te nematay dan sen menge egtetondog te pemaokit ni Jesus. Kana olo menge meama aw kana heman pengkey sen menge bayi kandan dinakep aw kineleboso. ⁵ Sen pengolong pari aw sen kadita nge mimbro te korte te menge Judio mekepemenal te kanak ikagihen seini. Sikandan mismo sen migbegay kanak te menge sulat nge para te kanitadon isig ka Judio doton te Damasko. Aw tepad te tolos nge imbegay kanak sida nge menge sulat dimoton a te Damasko amon dekepen sen menge otaw nge nemenal ki Jesus aw ibingen pegliko dini te Jerusalme amon sikandan ipelumun. ⁶ Meneng sagwa agpet den alas dosi medapag a dan te Damasko. Kalit olo nge doen masulaw nge anyag lekat te langit nge midan-ag te kanak kilid. ⁷ Netongan a diya te tana aw doen dinineg ko nge kagi nge minikagi kanak, Sulo, Saulo! ngalay egpemilang ka kanak? ⁸ Mig-insa a, ' Sir, sino kalay? minikagi sen kagi, siak si Jesus nge taga-Nazaret nga kamno egpemilangan. ⁹ Kinita te kanak menge doma se peg-anyag, meneng weda sikandan pekedineg te kagi nge minikagi kanak. ¹⁰ Aw mig-insa a toda, ' Ginoo, eden lay se kanak inengan? Minikagi sikadin, ' Tindeg aw doton te Damasko. Doen doton mikagi kamno aw eden sen ipeiang te Timanem kamno. ¹¹ Weda a pekekita tepad te kasulaw niadtong anyag. Meneng inagak a dan olo te kanak menge doma pusalo doton te Damasko. ¹² "Doton te Damasko doen sebad ka otaw nge iningadanen Ananiyas iyan sikandin menseb kanunay te kenitadon punu aw induyon te kadita menge Judio nge meg-ogpa doton. ¹³ Dimoton sikandin kanak aw minikagi, 'kedowa, komita ke den. Aw kidoen mismo limiko sen kanak penengteng aw kinita ko se Ananiyas. ¹⁴ Minikagi sikandin kanak, ' pinamalli ke te Timanem te kanitadon menge kamonaan amon metagataga ke sen kandin kabubut-on, aw amon komita ka sen metolid nge sulugoon aw dinegen no sen kandin kagi. ¹⁵ Ibeg din meg-indan te kadita se kamno kinita aw dinineg. ¹⁶ Nayan ika den egkenamay. Tindeg! pegpebonyag ka aw pegtewal tewal ka kandin amon mehalowa sen kamno menge sala. ¹⁷ Penga niyan limiko a te Jerusalem aw talobo pegtawaltawal ko doton te Simbahan doen migpekita kanak. ¹⁸ Kinita ko se Ginoong Jesus aw minikagi sikandin kanak, Ayas! kasayo ka dini te Jerusalem, kay sen menge otaw dini eked pekedewat te kamno itolada tepad kanak. ¹⁹ Minikagi a kandain, Timanem, ngalay eked dan pemenal sikandan benal nakataga-taga nge kedongan pa linibot ko sen menge Simbahan te menge Judio amon dekepen aw bedesen sen menge otaw nge nemenal kandin. ²⁰ Aw te pegpengimatay ki Esteban nge migtolada tepad kamno, sebad a doton mge miuyon nge imetayan sikandin, aw siak pa heman sen megtonggo te menge kelowasen te menge otaw nengimatay kandin. ²¹ Meneng timeba sen Timanem kanak, ' kasayo kod, tepad kay sikona ipeibing ka te mediyo nge ogpeonan amon itolada nikaw sen kanak menge kagi te menge kana Judio. ²² Peg-ikagi i Pablo nini, weda den penenelan sen menge otaw. Migpegais dan, "imetayi niyo sikandin! kana dapat meantay dini te lanto te tena sen otaw nge iling kandin!" ²³ "Migpedeleg dan te migpegeis, aw inegbel dan sen kandan menge saol, aw nengongbel dan heman se tena. ²⁴ Awyan insogo te komander nge Romanhon sen kandin menge sondalo nge poepen den se Pablo te kota aw bedasen amon. Mikagi sikandin aw ededn sen sala nga kandin neinang nge migmogna te samok ngalay sen menge Judio migpegeis batok kamno. ²⁵ Meneng telobo peggapos dan se Pablo amon bedasen, pegkagihan i Pablo sen serhinto nge timindeg doton tepad kandin, " eked kapakay te punu nge bedasen niyo sen otaw nge Romanhon pengkey weda pa mahukumi nge doen sala din?" ²⁶ Pegdineg dimoton te kapitan, pigdoton en din sen serhinto aw pigkegihan eden lay sen kamno ininang seini nge otaw tega Romanhon man kadi!" ²⁷ "Nayan, dimoton sen serhinto ki Pablo aw mig-insa," "indani a, sakop ka lay te Roman? timaba se Pablo," "Ee" ²⁸ Minikagi ayas sen serhinto, " siak neinang Romanhon pineokit te imbayad aw dakel kwarta," Timaba se Pablo, "Meneng siak Romanhon lekat pa te kanak pegtibaw. ²⁹ Minilod ayas sen menge sondalo nge memedas peden ke Pablo, nelmitan heman sen serhinto tepad kay pigkedenahan din si Pablo nge Romanhon kedi. ³⁰ Ibeg pa te serhinto onto metaga-taga aw ngalay in-inden te menge Judio si Pablo keeldawan niyan impetangtang din se kadina diya ki Pablo aw migpetawal-tawal sikandin aw pigtipon te kedekelan te menge pari aw te kadita Huwis te Menge Judio awyan inibing din si Pablo doton kandan.