¹ Simabi kay te mge kelangkawan te mge egpemenal te Efeso, simakay kay te balangay migpedeleg doton te Cos. Pegke aldawan niyan dimateng kay te isla Bodas, lekat doton dimeleg kay doton te patara. ² Doen kinita day barko doton migbiyahi pesalo te Feniciya so nayan simakay kay. ³ Kinita day se polo te Cyprus meneng weda kay tineng doton minokit kay beling lenged te bibang aw migpesalo to Syria doton kay tineng to longsod te Tyre so tepad niyan doen kinarga te barko doton. ⁴ Pinamaha day se mge duma i Jesus doton aw migpedeleg kay doton kandan dalem te sibad simana. Peneokit te tolos te Espirito Santo egpesidan-an dan si Pablo nga eked doton te Jerusalem. ⁵ Meneng pegkepenga te sikbad simana migpdeleg kay heman toda te kenami pegsakay te belangay. Kelahat dan apil den se kandan menge sawa aw mge kemengesean mig ated kanami doton te luwa te siyudad. Limuhod kay kelahat doton te betohan te baled aw negtawaltawal. ⁶ Se nekesabi kay den kandan, simakay kay te barko aw minuli dan. ⁷ Lekat te Tyre negpedeleg kay pesalo te Tolimaida. Pegdateng day doton aw linaoy day se mge keduwa day diya ki Cristo aw dimeleg kay doton kandan awop te sebad sialdaw. ⁸ Pegke aldawan niyan nesayo kay pesalo te Cesareya pegdateng day doton dimoton kay te balay i Felipe nga negtolada te mepiya indan aw doton kay peg-ogpa se Felipe sibad ki pito ke mge otaw nga nepemalli nidekey doton te Jerusalem amon nga megtalaban te menge apostoles. ⁹ Epat se kandin bata dalaga aw se kelhat mge propeta. ¹⁰ Kenamayan te ladaw doen dimateng peman propeta lekat te Judiya se kandin ngadan si Agabus. ¹¹ Egpedapagan kay din aw nengabat te bakos i Pablo aw ginapos din se kandin serili benes aw belad naya minikagi sikandin "Sumala te Espirito Santo iling peman nini se inangen te mge Judio te Jerusalem se tig-apo te bakos siini aw itugyan sikandin doton te mge kana Judio." ¹² Pengdineg day nini kanami aw se mge tege doton migpeidoido ki Pablo nga eked din den sikandin doton te Jerusalem. ¹³ Meneng timaba si Pablo, "Nengalay negkelag kaw? Egpelomay a niyo olo. Andam a megpegapos te bisan mamatay apa doton te Jerusalem alang ki Ginoong Jesus." ¹⁴ Eked day kepogongi si Pablo nayan minikagi den olo, "Metoman peden se ibeg te Timanem." ¹⁵ Te neke ogpa kay den doton aw te ladaw siyan, neg-andam kay domoton te Jerusalem. ¹⁶ Doen mge egpemenal peman ki Jesus doton nga tikaking kanami. Inibing kay dan te balay i Mnason nga tege-Cyprus aw doton kay peg-ogpa si Mason sibad te muna te mge nemenal ki Jesus. ¹⁷ Pegdateng day te Jerusalem onto kay sinagman te mge otaw doton te mge kedowa day diya ki Cristo. ¹⁸ Pegkealdawan, migduma kanami si Pablo te peglaoy ki Santiago. Doton peman se mge kelengkawan te simbahan te Jerusalem. ¹⁹ Pinengomosta dan i Pablo aw inindanan te kelahat ininang te Timanem doton te mge kana Judio pineokit kandin. ²⁰ Pegdineg dan kanyan induyun onto se Timanem so nayan minikagi dan ki Pablo, "Netagahan nikaw ba kedowa, melalan den se mge Judio nga nemenal kandan negtolada te mge Judio mig-ogpa te ogpaanan te mge kana Judio nge nemenal kandan negtolada te mge Judio mig ogpa te ogpaanan te mge kana Judio nga kana den dan keilangan sumonod te puno i Moises. ²¹ Nekedeneg dan te egpenulada ka te mge Judio nga neg-ogpa te ogpaanan te mge kana Judio nga kana den keilangan tomoltol ka te punu i Moises. Kagi nikaw akon eked den dan tulii se kandan mge mengise maama aw eked dan tumani se duma mge tulomanon te mge Judio. ²² Siini eded lebo se mepiya iangen? So sigorado nga metagahan dan dimateng ka. ²³ Mepiya basi aw inangen no se kenami inikagi kamno doen epat maama dini nga doen insaad dan te Timanem. ²⁴ Taking ka kandan aw inangi niyo se seremonya nga inikagit punu tepad te linis. Beyadi se kandan mge keilangan te peghalad te Timanem amon makapaupaw dan. Yan ini se pemeokit nga se kelahat metagataga nga se indan nga kandan dinineg tepad kamno kana benal, so tepad niyan kitaen dan nga sikona peman timoman se punu i Moises. ²⁵ Aw tepad te mge ka Judio nga nemenal ki Jesus, nekepeibing kay den te sulat kandan tepad te kamno gikasabotan nga eked dan kaen te mge kanen nga eghalad dan doton te mge dios-dios aw dipanog se karnu te pengelapenga te pegkematay din se dipanog weda lowa. Aw dan peman pengilabet te kana kandin asawa." ²⁶ So nayan te pegkealdawan niyan inibing i Pablo sidekey epat ke maama aw dimagpo sikandin te kandan peglinis te kandan insaad. Aw dimoton si Pablo te simbahan amon ikegihin aw kano kepenga se kandan peglinis, kay se pegkepenga nini doen ihalad mge ayam-ayam alang te metag sebad kandan. ²⁷ Te egpet den mepenga se ikepito ke aldaw te kandan peglinis, doen mge Judio lekat te probinsya te asya kinita ki Pablo doton te simbahan. Pigboleng-bolengan dan se kelahat mge otaw doton te Simbahan nga dekepen si Pablo. ²⁸ Mig-olangag dan, "kedumaan ko mge Israelinhon talabani kaw! Siini se otaw nga bisan kanak sikandin doton negtulada kenitadon nge Judio, te punu i Moises, aw te Simbahan seini aw kana olo siyan, inibing din pa dini dalem te Simbahan se mge otaw nga kana Judio sebad ini ke pagpasipala niining balaan nga ogpaanan!" ²⁹ Inikagi dan ini so kinita dan si Trofemo nga tege-Efeso timaking ki Pablo doton te Jerusalem eded dan si Pablo se nengeibing nini te Simbahan ³⁰ So nayan nesamok se kelahat mge otaw te Jerusalem. Aw sibad den migsikaday kandan pesalo doton te Simbahan amon dekepen si Pablo, dinakep dan si Pablo aw ginoyod dan pesalo te luwa. Pegkepenga pegsiredohan dan se lobangan te Simbahan. ³¹ Imatayan den peden ini, meneng netagahan te kepitan te kesundalohan te promanhon nga negobot se mge otaw te Jerusalem. ³² So nayan se kepitan nengibing te mge sundalo aw mge opisyal doton te mge otaw nga negtipon. Pegkita te mge otaw te kepitan aw te mge sundalo timeneng dan pegkulata ki Pablo. ³³ Pigpedepagan te kepitan si Pablo aw dinakep, aw simigo sikandin nga gepusen si Pablo te duwa ke kedina neg insa se kepitan te mge otaw," Seini lay ini oteweni aw eden se sayop ininang din?" ³⁴ Meneng negkalain-lain se mge tinabahan dan se kandin dineneg, nesamok se mge otaw onto oda katagahi te kepitan aw eden e negemakan. So nayan egmendoan din se mge sundalo nga ibingen si Pablo te kampo. ³⁵ Pegdateng dan te hagdanan te kampo sinakwat den olo te mge sundalo si Pablo te peglikay nini te mge otaw nga onto neopal. ³⁶ Nga gayed simonod aw gayed mig-olangag," imatayan sikandin!" ³⁷ Sagwa inibing den dan si Pablo don dalem te kampo minikagi sikandin te kepitan," doen ikegihan ko peden kamno." Timaba se kepitank, biyasa ka lay mikagi te Griego? ³⁸ Eden ko sikona se sidekey maama nga tege-Ehipto nga nengebing te pegrebelde te goberno nga kaling pa olo nehitabo epat malalan ke otaw se mebolot aw tumalag armado se kanding inibing te kemingawan." ³⁹ Timaba si Pablo," Sebad a ke Judio nga tege-Tarso nga sakop te probinsya te Celisiya. (Se Tarso kana olo ordinaryo nga longsod.) Aw mepakay peikegihi a una doton te mge otaw." ⁴⁰ Neibeg se kepitan nga mikagi sikandin so nayan timindeg si Pablo te ang-ang aw kimapay te mge otaw nga doen ikegihen sikandin te nepeinek den dan, minikagi sikandin te inikegiyan te Hebriyu.