¹ Penga te samok pinetawal i Pablo se mge sumusunod ki Jesus dinasig din dan simabe sikandin domoton te macedonya. ² Medita menge ogpaanan se kandin pigdotonan doton te Macedonya tinulid din se mge memenal pineokit te kandin pegwali kandan aw limaos sikandin te Greciya. ³ Aw migpetanan sikandin doton awop te telo sibulan. Sagwa somakay den peden sikandin pesalo doton te Syrya, netagahan din se plano te mge Judio te pegpengematay kandin nayan neke aneng-aneng sikandin nga lomiko toda te Macedonya. ⁴ Timaking kandin si Sopater nga tege Berea bata i Pirro si Aristarkes aw si Segundo nga mge Tesalonica, si Gayo nga tege Derbe, si Timoteo se mge tege Asia nga si Tiquico aw si Trofimo. ⁵ Pegdateng day te Filipos nekeuma dan pa kanami te Troas aw doton kay dan tagadi. ⁶ Pigpenga day pa una sa Pista te pan nga kana egtiles mona kay sumakay te belangay tomanan te Filipos. Awop te lima si aldaw se kenami pegbiyahi aw negkita kay peman todo doton te troas mig-ogpa kay doton awop te pito si aldaw. ⁷ Te linggo te delem negtipon kay amon te pegtenga-tenga te pan. Aw tepad niyan si Pablo simakay te balangay te kaaldawan niyan. Negwali sikandin taman te tenga sidelem. ⁸ Medita mge solo te lanto te ibatanan nga kanami pigtiponan. ⁹ Doen talaki doton pigngadanan ki Eutikus minunsad ki doen te sulong. So tepad niyan negwali si Pablo menamay onto nepilot sikandin, aw te kanamayan niyan neketedugi aw nehinanok aw nedagdag sikan din te sulong likat te iketelo ke andana te peg engat dan kandin namatay den sikandin. ¹⁰ Meneng timena si Pablo aw piglemleman din si Eutikus aw kinelesan din. Aw egkegihan din se mge otaw, "ika niyo egkepelek meantay sikandin! ¹¹ So nayan limiko si Pablo doton diatas, pigtenga-tenga se pan aw kimaen. Se nepenga den sikandin kimaen migtolada pa gayed sikandin kandan taman te iselem pegbeto te aldaw aw nesayo sikandin. ¹² Se telake nga si Eutikus nga nedagdag inibing dan minole nga naantay aw neleba dan onto. ¹³ Nakeuna kay simakay te sakayanan pesalo to Asos, so minikagit si Pablo epiten olo sikandin te Asos so migbakalay olo sikandin pesalo doton. ¹⁴ Sagwa negkita kay doton te Asos pinesakay day sikandin pesalo kay te Mitilene. ¹⁵ Te pegkealdawan niyan lekat te Mitilene limaos kay pa te Quios te pegkealdawan peman niyan doton kay den te Samos aw te kealdawan peman niya te Milito kay den. ¹⁶ Wed kay den apit e Efeso so eked keibeg si Pablo aw malangan pa sikandin kidoen te probinsay te Asya so nayan negayas sikandin nga mekedateng te Jerusalem te weda pa dateng se aldaw te Pentecostes. ¹⁷ Sagwa tilobo si Pablo doton te Mileto negpesogo sikandin domoton te Efeso nga pedotonen kandin se mge kelangkawan te Iglesya. ¹⁸ Pegdateng dan minikagi si Pablo kandan, "Netaga-taga daw ba aw eden se kanak pegkinabuhi se telobo apa migduwa kenyo lekat pa te pegdateng ko dini te probinsya te Asya. ¹⁹ Nengelagad a te Timanem doen a pegpedana aw tinekingan te luha. Medita kelimahan se inantos ko tepad te medaet mge plano te mge Judio nga nengontra kanak. ²⁰ Netegahan niyo se wedad lipod-lipod inindanan ko sikeyo to mge kedunan ng alang te kenyo kepiyaan. Pegtolada ko ini te keditaan aw kidoen te kenyo mge balay. ²¹ Egpenuan ko se menge Judio aw se mge ka Judio nga keilangan megselsel dan aw lomiko te Timanem aw memenal te kenita Ginoog Jesus. ²² Siini penaloan kaw domoton a te Jerusalem so nayan se insogo te Espirito Santo kenake oda ko ketagahi aw eden se magamakan ko doton. ²³ Se kanak olo natagahan te bisan kanan ogpaanan dotonan ko se Espirito Santo negpehimangno kanak kelebosohen aw pemelengen yan se migtagad kanak. ²⁴ Meneng se bisan eded nse magamakan ko odad boloyan ko basta olo ko mepenga se inengenen nga binegay kanak i Jesu Cristo se pegtolada te mepiay indan tepad te grasya te Timanem." ²⁵ Nelebed ko se kelahat niyo te pegtolada tepad te peglowan te Timanem, so nayan siini netagahan ko nga eked kidoen den pegkita toda. ²⁶ So nayan indanan ko sikeyo siini, aw kon doen man eked keluwas kenyo kana yan kanak tolobago te Timanem. ²⁷ So wedad a palos ineles kenyo tepad te kelahat tuyo aw plano te Timanem. ²⁸ Imanday niyo onto se kenyo serili aw se kelahat menge otaw se Timanem nga insangen kenyo te Espirito Santo. Tonggoi niyo onto se iglesia te Timanem nga tinubos din peneokit te kandin keugalingon dipanog. ²⁹ So netagahan ko kon lomekat a dini doen menge mini megtulada iling te mananap mebolot nga mengelabet kenyo amon bongkagen se kenyo pundok. ³⁰ Domateng peman se penahon nga lekat mismo te kenyo pundok doen menge ota nga meg indan e kebolalaw te amon melibog se menge simonod ki Jesus aw amon sikandan den sunoden. ³¹ So nayan eg aha kaw ika niyo egkelibel dalem te telo siomay, aldaw aw delem weda a tineng te pegpeaneng-aneng te kelahat niyo tinekingan te menge luha. ³² "So siini itugyan ko kenyo se Timanem aw se kandin punu se punu tepad te kandin grasya, nga mekepeglig-on te kenyo pegpemenal aw mekebegay kanyo te kelahat kepiyaan nga tinegana alang te kelahat. ³³ Weda a penga te kenyo mge kuwarta aw mge penenekten. ³⁴ Netagahan niyo gayed a negterbaho amon doen magasto ko alang te kanak keilanganen aw se kanak mge duma. ³⁵ Ininang ko idekey amon ipekita ko peman kenyo nga keilangan meghago amon metalabanan tadon se mge kabos. Aneng- anengen tadon gayed si inikagi i Jesu Cristo nga kelebahan se memegay kayte otaw domawat." ³⁶ Pegkepenga nga i Pablo minikagi limohod sikandin migtawal-tawal se kelahat dan. ³⁷ Migkelag dan kelahat kinelesan aw inedekan da si Pablo. ³⁸ Nepelek dan onto tepad te inikagi i Pablo nga eked den pan pegkita peman toda so nayan pigtoda dan si Pablo doton te barko.