¹ Pigtengtengan onto i Pablo se menge sakop te Huwis aw minikagi," Menge kedomaan ko, aw tepad te kanak pegkeotaw, matolid sen kanak peg-aneng-aneng ko diya te atbang Timanem lamig songkani. ² Peg-ikagi dimoton si Pablo insogo te pangolo pari nge se Ananiyas sen menge timindeg depag ki Pablo nge sempakan dan sen baba i Pablo. ³ Aw minikagi si Pablo kandin, "Sempakan ke heman te Timanem, sikona nge tigpakaaron-ingnon! nenenoo ka kidoen amon hukman a sumala te punu, meneng pigsopak ko sen punu te kamno insogo nge sampaken a!" ⁴ Minikagi sen menge otaw nge timindeg medapag he Pablo," "Pig-insolto nikaw sen pangolong pari kidoen te Timanem! ⁵ Timaba si Pablo, "Mege kedomaan ko weda ko ketagahi nge sikandin kadi sen pangolong pari tepad kay doen kagi sen insolat nge eked kidon ikagi te medaet tepad te lomowan kanitadon. ⁶ Tepad te kinita ni Pablo nge doen menge saduseo aw menge parisiyo nge timembong doton, kagi din onto megsen doton te menge sakop te Huwis te menge Judio," Menge kedomaan ko, siak sebad ka parisiyo. Aw parisiyo heman sen kanak amay aw sen kanak mengek kemonaan. Pig dimanda dini kay migtagad a te doen pegkeantay. ⁷ Te peg-ikagi din kenyan, migpeden di lay sen menge parisiyo aw sen menge Saduseo aw migpeteniyay sen menge timambong te tepok. ⁸ Nagamakan den doton tepad kay illing te menge Saduseo wedad naentay. weda den heman pemenal nge doen menge Anghel o menge Espirito, meneng seini madita se nemenal te menge Parisiyo. ⁹ Nayan migsogod den migpegais doton, doen menge Menonolonda te punu nge menge Parisiyo nge timendeg aw misupak nge weded medaet kinita day nge ininang te otaw seini. Besi doen Espirito o Anghel nge naka-ikagi kandin. ¹⁰ Migkelayat sen kandan pegpeden di lay taman te nelemitan sen domander nge ilas-ilasen si Pablo laket menge otaw aw ibingin te kote. ¹¹ Tenga te delem migpekita sen Timanem ki Pablo aw minikagi,"Ika egkelimitan! Mig-indan ka den tepad kanak dini te Jerusalem, kailangan nge yan heman sen kamno inangen doton te Roma." ¹² - ¹³ Te keeldawan niyan, migtipon sen sobra te kepatan ka menge Judio aw peglalang den te kandin inangen. Migpepekangay den nge eked dan kaen aw minem singed eked dan kamatay si Pablo. ¹⁴ Penga niyan dinoton dan te obanen te mge pari aw te menge pengolo te menge Judio aw minikagi," Migpepekangay kay nge eked kaen aw pengkey eden singed eked day kamatay si Pablo. ¹⁵ Nayan sikiyo aw sen Huwis megpetaga-taga te serhinto te menge sondalong Romanhong nge ibeg niyo nge ipeibing din toda si Pablo dini kenyo. Pegpelingo-lingo kaw nge ibeg niyo sikadin bistigaran onto. Meneng te eked pe sikandin dateng dini imatayan day sikandin." ¹⁶ Meneng seini nge peglalang dinineg te anak nge meama i Pablo, sen bata te kandin kedowa nge bayi. Nayan dimoton sikandin te kote aw pigkegihan din si Pablo. ¹⁷ Awyan tinawal i Pablo sen sebad te menge serhinto doton aw pigkegihan, "ibingi niyo seini telaki doton te komander doen iindan din kandin." ¹⁸ "Nayan inibing te kapitan sen taleki doton te komander te pegdateng dan doton minikagi sen kapitan," tinawal a te kinalaboso nge si Pablo, aw mighangyo sikandin nge ibingen ko dini kamno seini sen telaki doen akon indan din diya kamno." ¹⁹ Inawiden te komander sen belad te telaki aw inibing din te ogpeanen nge eked den dinegi te doma. Ayas din pig insa ini, "Eden lay sen kamno indan kanak. ²⁰ "Minikagi sen telaki, "Migpekelebat sen menge Judio nge hangyoen ka den nge ibingen te Huwis si Pablo kealdaw, kag bistigaran akon dan onto. ²¹ Meneng ika pemenal kan den, kag sobra te kepatan ka menge otaw sen migtegad aw migbengan kandin te dalan. Migpepekangay dan nge eked kean aw inom singed nge eked dan kamatay se Pablo. Neketagad dan aw tegadan dan olo te pegsogo nikaw." ²² "Minikagi sen komander diya kandin," Ika jud eg indan indan pengkey sinu nge pig-indanan a nikaw kani," Aw impeoli din ayas sen telaki. ²³ Impeangay ayas te komander sen dowa te kandin menge kapitan aw pegkagihan dan, neketagad kaw dan aw dowa gatos ka menge sundalo kay ipeibing ko si kenyo te longsod te Sisarya. Pengibing kaw heman aw kepitowan ka menge somakay te koda aw doen pa dowa gatos ka menge sondalo nge mengibing te dilek. Mesayo kaw kwani menge alas nowibi te delem. ²⁴ Nehetagad den heman aw menge koda nge mesakayan i Pablo. Imen dayi niyo sikandin onto pegtonggo amon wedad medaet domateng kandin lamig nge mekedateng sikandin te Gobernador Felix." ²⁵ Aw doen heman solat sen komander doton te Gobernador nge nekeikagi. ²⁶ "Talahuron nge Gobernador Felix, siak si Claudio Lisias nge nangumusta diya kamno. ²⁷ Se otaw impeibing ko kamno seini dinakep te menge Judio aw imatayan dan peden. Mening te netegahan ko nge sikandin Romanhon nengibing a aw menge sondalo amon ipelowa sikandin. ²⁸ Ibeg ko peden metegahan aw edin sen kandan indan tepad te otaw seini. Nayan inibing ko sikandin te kandan Huwis. ²⁹ Sumala te kanak peg-insa-insa weded jud sikandin neinang nge medaet amon imetayan o ikeleboso. Sen indan para diya kandin tepad olo gayed te kandin pegkeotawan nge punu. ³⁰ Nayan te netegahan ko iyan sikandin piglalang den te mge Judio nge imatayan, mig-aneng-aneng a nge mas mepiya pe nge ipeibing ko sikandin diya kamno. Aw pigkegihan ko na sen mge migdimanda para diya kandin nge ipedateng dan diya kamno sen kandan menge indan." ³¹ Timolo te menge sondalo sen gimando kandan. Aw sida delem inebat dan si Pablo aw inibing te Antipatniya. ³² Keeldawan niyan, sen menge sondalo nge minipanaw yan olo sen minoli te kote, aw sen menge simakay te koda yan beg timaking ki Pablo. ³³ Teg pegdateng dan doton te Sesarya, imbegay dan sen solat doton te Gobernador aw kandan gitugyan si Pablo diya kandin. ³⁴ Pegbasa din te solat, mig insa sikandin ki Pablo kon kenan sikandin nge probinsya te pegketaga-taga din nge Silisya se linekatan i Pablo, ³⁵ "Minikagi sikandin tigmesen ko sen kamno kaso kon domateng diya sen menge mig indan para kamno," Aw pigtoggoan dan si Pablo doton te palasyong impeinang ke dengan i Herodes.