¹ Basin mekeaneng-aneng kaw nga pigdeyen day nema se kanami keotawen kena kay iling te doma nga negkeilangan pa te menge sulat te pegpeila amon dewaten niyo aw penga memoyo den heman kenyo te lain sulat te pegpeila amon dewaten dan te lain lugar. ² Weda kay pegkeilangan te menge sulat te pegpeila kay kenyo mismo se kenami sulat nga neokit te kenami posong, tepad kay se kenyo pegkinabuhi iling te sulat nga kitaen aw mebasa te kelahat. ³ Tataw nga sikeyo iling te sulat i Cristo nga sinulat pineokit kenami. Se piggamit te pegsulat kena tinta kon kena Espirito te Timanem nga buhi aw weda heman ini sulati te menge bato nga sulatanan kon kena te lekat posong te menge otaw. ⁴ Mekeikagi kay nga benal ini ininang i Cristo pineokit kenami aw tepad te kenami pegsalig te Timanem. ⁵ Kay kon kenami olo eked kay nekeinang kani nga inangenen meneng pigtebangan kay te Timanem. ⁶ Sikandin se egbegay kenami te kepanday amoy mesaysay day se kalinga nga pemiokit nga ininang din amon mekepedapag kidon to kandin. sini kaling pemeokit kena pinaokit te sinut nga penu kon kena pineokit te Espirito Santo. Kay se penu nengibing te pelumun nga kemetayan, meneng se Espirito Santo negebegay te pedowan nga wedad temanan. ⁷ Te pegbegay te Timanem ki Moises te penu na pigsulat din te menge bato se mengee Israelinhon eked den pekebentetek te bawa i Moises kay Mesolawan dan onto. Meneng sida keluwa te bawa din, hinay-hinay olo nga netalon. Sini kon se Timanem negpekita te kandin tolos te penu nga egpengibing te kemetayen. ⁸ Labaw pa onto kani se kadnin ipekita nga tolos te Espirito Santo den se megeiwal. ⁹ Kay kon pinekita te Timanem se kandin tolos te pegbegay din te penu nga nengibing te pelumun, kena ba nga mas labi pa onto se kandin igpekita nga tolo kon isopon din den nga metino se otaw? ¹⁰ Se benal se tolos te penu kedengan bale wala olo onto kon itandi te tolos te sine kaling nga pemeokit. ¹¹ Kay kon doen tolos nga penekita te Timanem kedengan nga penu nga oninakit olo, mas labi pa se tolos nga pinekita din siini kaling nga pemeokit nga molongtad te wedad temenan. ¹² Aw tepad kay sini ini se kenami leoman, wedad kay kelemitan te peg indan te kagi te Timanem. ¹³ Kena kay iling ki Moises nga migsampeng te kandin bawa amon eked kitai te iling kandin nga menge Israelinhon se hinay-hinay nga pegketalon te kelowa te kandin bawa. ¹⁴ Te kebenelan, weda pekelabet se mene Israelinhon kon eden se kedegdagan nida kay gitaptapan se kandan aneng-aneng. Aw bisan gani siini doen nataptapan heman te kandan aneng-aneng kon besahen dan se daan nga penu kay weda dan kelebeti nga kon si kita kidoen den ki Cristo. Sida daan nga pemeokit netalon den. ¹⁵ Se hangtod gani siini kon megbasa dan te menge sinolat i Moises eked dan heman pekalabet kay doen egtabon te kandan aneng-aneng. ¹⁶ Meneng sian neketabon meabot kon se otaw mapot te Timanem. ¹⁷ Siini se inikagi dini nga Timanem yan se Espirito SAnto, aw kon se Espirito Santo te Timanem yan se kidoen te otaw, mekelowa den sikandin. ¹⁸ At tepad kay wedad den neketabon te kenitadon aneng-aneng. Kitaen tadon den se tolos te Timanem. Aw siini tolos nga lekat te Timanem nga yan se Espirito Santo megededeg te pegkaling kenitadon amon nga te hinay-hinay meiling kedon kandin.