Ewarakha 22
1
Amusyi aka n`axitithi aka, nkiwiriyane! Kintthuna nna wivyakiha oholo winyu.
2
Yamwiwalawa alothaka elottelo ya,atthu ale yahikhalela syanene. Paulo ahalela wira:
3
Amuvyi aka, nkiwiriyane! Kintthuna nna wivyakiha oholo winyu. Yamwiwalawa alottaka ilotthelo vya, atthu ale yahikhalelavya syana. Paulo ahalela wira: Miyo ka muYuda,kiyariwe o Tarso w`o Silisia,nvyo kinnuwenle muttetthe yola. Mwixuttihi aka ari Gamaliyeli: owo ahikihuvyiha syana ikano vy`axitith`ihu. Miyo kanithokorerya itthu vya Muluku ni murim`aka wothene,nkhama nyuwo othene munthokoreryannyu nanano va.
4
Kahayvulaka, mpakha owipha,atthu yatthara ephiro y`aKristu: kanaphara alopwana n`athiyana kikarahela nkateya.
5
Mulupale a anamkuttho ni mahumo othene anniwerya wira nkirale nkinotha: ti yawo yakivanhe epaphelo yawatikhemlawa amuvyi o Damasikp, weiwo karowaka wira kaphare maKristu aweiwo,karoihe etthukiwe o Yerusalemu,wira yahukhummwe.
6
Nna, kettaka mphironi,kattamelaka o Damsiko,othana eriyari,nanaoru warya wulupale okhuruwaka wirimu wahikirukurerya.
7
Miyo kahimorela vathi,kiwaka nvyu nakilela wira: `` Saulo! Saulo!
8
Munikilupatthela-ni?`` Nvyo kahikoha wira: ``Pwiya nyuwo mwani?`` Ekilela wira: ``Miyo ka Yesu muNazarethi,yowo nninlupathannyu ``.
9
Atthu ale karakana yahona warya iwo,nvyo kayaiwale nvyu-ne ole akilotthiha.
10
Nvyo miyo kahikoha wira: ``Pwiya,kire esyeni?`` Apwiya yahikilela wira: ``Nvenye nrowe o Damasiko. Weiwo nnoleliwa vyothene Muluku onorumaiyene wira``.
11
Nnan-nvyo warya iwo wulupale wahikeyela maitho,kikhala kihonaka. Tivo,kahiphareliwa mono n`akw`aka,mpakha ophiya o Damasiko.
12
Ahikhala weiwo nlopwana mmovya,aithaniwa Ananiya. Owo ari ntthu axariya,ettela ikano vyihu: aYuda othene o Damasiko yaninttittimiha.
13
Ananiy`owo ahurya okisyekurya, ahikattamela,akilela wira: ``Saulo,munn`aka,tthikelani wona! Okathi ya yowo, kahitthikela wona,kimona Ananiya.
14
Owo ahikilela wira: `` Muluku axitith`innyu ahothanlani khalai,wira nvyuwele othuna we,wira mmone Naxariya,mmwiwe yowo alothaka.
15
Tthiri nyuwo nnonkhalela onamona eriyari y`atthu othene, mwalaleryaka itthu monnennyu nivye mwiwalennyu.
16
Nna nhilokele! Nvenye,nvekele nvyina n`Apwiya,mbatiziwe,wira vyittipihiwe itampi vyinyu``.
17
Nvyo kahitthikela o Yerusalemu. Nihiku nimovya, kilompaka mpani mwa Muluku,yahikikhumelela etthu yotikiniha:
18
Kahiwona Apwiya,ekilela wira: ``Mwakuve,nkhume o Yerusalemu, mwaha wa atthu ala khanrowa okupali onamon`anyu mwaha wa miyo``.
19
Nvyo miyo kira: Pwiya! Awo annivyuwela sana wira kahiviravira mmuthukumanoni,kanarihela nkatteya atthu yawaminini nyuwo, kanamaniha yawo.
20
Nihiku yamwiphalawa Sitefano,namon`annyu,miyo-tho kari weiwo: kahiwakhulela ale yamwipha ni ti miyo kapwenhe vyowara vya.
21
Nvyo Apwiya yahikilela wira: Nrowe,miyo kinaworumani ottaiwene,mwalalerye ale ahikhanle aYuda.
22
Atthu yahinwiriyana Paulo mpakha molumo ala: nvo-tho yahipajerya okhuwela n`ikuru,yiraka: Mmwiphe nlopwan`owo! Khampwanela okhala!
23
Awo yahitepa okhuwela,erihelaka malay`aya vathi, yithelaka ethaya ovyulo.
24
Tivo,kapitau anakhotto ahiruma wira Paulo aroihiwe mukakoni,awaxuliwe mpakha olotha, wira avyuwele nlattu syene akhuwelelinweiye vyivyale.
25
Nvyo,okathi athukiweiye wira amaniwe, Paulo ahinkoha mulupale a ntek`ole iraka: Nyuwo munnakhuleliha ommana mRoma, hata ahinalamuliwe?
26
Aiwaleiye molumo ala,mulupale owo ahitthimaka orowa onlela kapitau ye wira: Mnira-ni? Mlopwan`ole mRoma!
27
Kapitau uwo ahirowa wari paulo,khumukoha wira: Mukilele: nyuwo mwa mRoma? Paulo ahimwakhula wira: Ka mRoma,vyivyo!
28
Kapitau uwo ahilotha wira: Miyo kilinve msurukhu wawatha,wira kikhale mRoma Paulo ahimwakhula wira: Nvyo miyo kiyariwe mRoma ene!
29
Atthu yarowa ommana Paulo yahimwareya nananoru. Kapitau uwo,yowo-tho anova,avyuwemnleiye wira Paulo ari mRoma,okhala wira ahinthuka n`ikwirinti.
30
Nvyo-tho aniramela ovyuwela syana mwaha wa syeni aYuda yamotheryawa Paulo: tivo,mmeloni mwa,ahimtaphula,athukumanya alupale anamukuttho ni mahumu othene ophuka milattu. Numala,ahiruma oroweliwa Paulo,emwemesya oholo w`alupale ale.