Ewarakha 23
1
Paulo ahalipale makhulupale awo yathukumanne, alela wira: Axinn`aka! Miyo mpakha olelo kihettta ni mrima worera va maithoni wa Muluku .
2
Nvyo, Ananiya,mulupale a anamukuttho,aharuma atthu yattamanne ni Paulo wira emmane owanoni.
3
Nvyo Paulo ahinlela wira: Muluku onawomanani nyuwo,nawothe! Nyuwo nkilanthe vo,wira mkiphuke mttharaka ikano: nvyo nna,munvirikanya ikano ivyo,nrumaka wira kimaniwe.
4
Atthu yari vavo yahinlela Paulo wira: Nyuwo monphuttha mulupale a atthu a Muluku.
5
Paulo ahakhula iraka: Axinn`aka, miyo nkavyuwele wira owo nkhulupale a atthu a Muluku. Exariya, Vyawatikhiwa vya Muluku vyinlotta wira: ``Nhinphutthe nkhulupale a nloko ninyu``.
6
Nvyo Paulo anivyuwela wira mmuthukumanoni-mmwe yahikhala-mo maloko maili: atthu akina yari aSaduki,akina yari aFarisi.
7
Tivo alonyheiye arunaka oholo wa,wira: Axinn`aka,miyo ka nFarisi,mwana aFarisi! Mwaha w`ohihimuwa w`alipa-okhwa omroromela,t`onlamuleliwaka. Alontheiye vyivyo,aFarisi n`aSaduki yahipajerya ovyanyihana: atthu a mmuthukumanoni yahikawanyeya ,
8
okhala wira aSaduki anlottha wira atthu akwiye khanthikela-tho okhala akumi,ni wira khavo malaikha nta eroho. Nvyo aFarisi annikhupali itthu vyeivya.
9
Vyivyo yahitepa onyakulihana. Nvyo anamahuvyiha akina a ikano,a nloko n`aFarisi,yahemela,evanyihana n`ikuru,yiraka: Hiyo khaniphwannye etthu yotakhala mlopwan`ola. Khino eroho,wala nlaikha ninlothinhe?
10
Ovanyihana iwo wahitepeleleya, tivo mulupale anakhotto,ovaka wira atthu ale yanphite Paulo,aharuma anakhotto ye orowa wathukumaniwe,onkhumihavo Paulo n`unronha okakoni.
11
Nihiku nno,ohiyu,Apwiya yahinkhumelela Paulo,enlela wira: Mlipihe nrima! Nyuwo mokikhalela onamona o Yerusalemu nno: vyivyo mpakha okikhalela-tho onamona o Roma.
12
13
Mmeloni-mwa ohihiyu, aYuda akina yahithukumana wiphini,elepha wira khiyathuna oly`etthu, nta owurya,ehimwiphale toko Paulo. Ale yalapenle vyivyo yari atthu okwanya miloko mixexe.
14
Awo yahirowa okumana ni n`alupale a anankuttho ni mahumu,yalela wira: Hiyo nolapha wira khanintthuna ott`etthu,nta owurya,nihimwiphale toko Paulo.
15
Nvyo nyuwo n`alipa-ophuka millattu nrowe mwanvekele mulupale a anakhotto wira enruhe nno. Mwanlele wira ninnaramela ophuka nlatthu ye sana.
16
Nvyo mwana a nrokor`iye Paulo ahiwa ehimmwaka etthu yavaneliwe. Nvyo ahitthimakela okakoni,ahivolo-mo,anlela Paulo ehal`il.
17
Nvyo Paulo ahimwithana mmovya a alupale a anakhotto,anlela wira: Mmukusye mmirav`ola,mmuronhe wa kapitau: ola okhalana etthu yonlela.
18
Mulupale owo ahinkusya mmirav`owo,ahirowana wa kapitau,anlela wira: Paul`ole otthukeliwe okitthana, akivekela woruhelani mmirav`ola: okhalana etthu yawolelani .
19
Kapitau ahinpharela mmirav`owo ntata,arowanaka opiphini,ankoha wira: Nrina-ni y`okilela?
20
Mmiravo-owo ahimwakhula wira: AYuda ahiwanana woveklani wira melo mmuroihe Paulo w`alipa-ophuka milattu. Anawolelani wira anramela ophuka syana mlatthu ye.
21
Nvyo nyuwo nhakhupali yawo,okhala wira alopwana oxira miloko micece anrowa wipitha mphironi wira emwiphe Paulo. Awo alapha wira khanrowa otcha etthu ata owurya, ehimwiphale toko Paulo. Ni nna alikanana: anlipelela wakhuwela winyu pahi.
22
Kapitau ule ahinlela mmirav`owo wira: Mhinlele nthu wira mokitihera etthu ila. Numala ahinhiya arowaka.
23
Nvyo kapitau ahiwithaniha makhulupale maili,alela wira: Mwathukumanye anakhotto miloko miloko mili anetta mwentto,n`alipa a ikhavalo miloko mithanu na mili, n`alipa a mavaka miloko miloko mili. Mpakha ovenya mrowaka o Kesareya ohiy`ula ewora yanethanu na cece.
24
Mmukothiherye-tho Paulo ikhavalo ikina,wira vyinkusye,vyinroihe,ari mukumi,wa guvernatoro Felisi.
25
Vano owo ahathika ewarakha yarimo makhalelo yawo:
26
Kinolelani ti miyo klaudio lisia, a Felix, kinnolothelani nyuwo, guvernatoro Filisi.
27
Ayuda yahinpara mulopwa-n,ola yahanle owipa, vano yaiwalawa wira ari muRoma kahivenya n, anakhotho aka khimmwakiha mtatani mwaya.
28
Kithunaka ovyuwela nlathu otheriweiye kahimuroiha oholo wa muthukumano w,namaphuka ayuda.
29
Kahivyuwela wira amotheriwa mwaha wa ikano yvaya nyvo nkimpwanye mulathu onimpwaneliha wipiwa, narito othukeliwa.
30
Vano eleliwaka wira ayuda yahiwanana ommwipha, kinirowa wa yuwo. Kihalela tho ale amothenre wira elothe mulathuye oholo wayu.
31
Vano anakotho awo,yaiwelela vya arummwa yahinkusa Paulo enrowanana ohiyu yowompakha wAntipatridi.
32
Mmeloni mwaya anakotho yetha mmwentho yahithikela Oyeruslemu .
33
Yapinyawa Okesareya anakhavalo awo yahimunyerera ewarakha Governatoro khunvaherera Paulo.
34
Guvernatoro avyuwennleiye ewarakha ahinkoha Paulo elapoye . Aiwaleiye wira ari Osilisia,
35
ahinlela wira: Konowiwani yara ale aniwotherani .Vano ahiruma wira asukiwe owanye Herodi