Ewarakha 21
1
Waphinyawa okathi w`omwalana ni yawo,nahipakhira nkalawani, nettaka volukama o Kosi. Mmeloni mwa nahiphiya o Rodi: nivenyaka weiwo,nahiphiya o Patara.
2
O Patara iwo,nahiphanya ekalawa yahanle ovenya erowaka o Fenisia: nahiwela yelo,nirowa.
3
Niviraka, nahona esisi y`o Kipero,nvyo nahikhwaranya mphantte w`okusini,nitthara ephiro y`o Siria. Nahittemulela o Tiro,okhala wira miritti vyari mkalawani vyaya ohiwa vavale.
4
O Tiro iwo nahaphwnya atthu awamini, nikhala ni yawo mahiku matthanu na maili. AKristu awo, emwaleliwaka ni Eroho,yanimwirela Paulo wira ahirowe o Yerusalemu.
5
Masi,yamanlawa mahiku awo mathanu na maili,nahivenya nitthikelaka ekwah`ahu. Otthene ya vamovya n`aximw`ariya n`an`aya yahinivelela mpaka ota wa muttetthe. Naphinyehu ophareya,nahikokhora nilompa.
6
Numala,nahilanhana: hiyo nahirowa nkalawani,awo etthikela owannya.
7
Hiyo nahitthikela ekwah`ahu ya mphareya,nikhumaka o Tiro mpakha o Tolemaida. Weiwo,nahakhomavya aKristu,nikhala niyawo nihiku nimovya.
8
Waciyawa,nahivenya nirowa o Kesareya. Weiwo,nahirowa owannye Filipe namalaleya,nimaka weiwo. Filipe owo ari mmovya a alopwan`ale athanu n`aili yathanliwe o Yerusalemu.
9
Owo ahikhalana ane axexe,athiyana,yahatheliwe, yalaleya molumo yavahiwawa ni Muluku.
10
Navirinhenhu weiwo mahiku vakhani,ahura profeta mmovya aithaniwa Agabo,akhuma ka o Yudeya.
11
Owo ahura okumana ni hiyo, ahikusya mvyako wa Paulo, ahitthukelela inawu vye ni matat`aye,aira: Enlothawa Eroho Yowarya t`ila: Mwanene mvyak`ola onotthukiwa vyivya n`aYuda o Yerusalemu,avahereriwe mmatatani mw`amalapo.
12
Naiwalenhu molumo ala,hiyo n`aKristu aweiwo nahimphara metto Paulo wira ahirowe o Yerusalemu.
13
Nvyo Paulo ahakhula iraka: Muninlela-ni? Munikivelaveliherya-ni? Miyo va kolikanana kahiyo otthukiwa pahi,hata okhwa o Yerusalemu,mwahawa nvyina n`Apwiya Yesu.
14
Nihiwenrenhu onkhupaliha,khaninkhanyerenre,niraka: Wireye otthuna w`Apwiya!
15
Yamanlawa mahiku makina, nahitthuka mirupa vyihu,nivevya niwelelaka o Yerusalemu.
16
AKristu akina-tho o Kersareya , yahininthara Mphironi,awo yahinipwavyiha nipuro n`omaka owannye mlopwana mmovya aithaniwa oKipero ari muKristo, okhma wopatherani.
17
Naphinyehu o Yerusalemu,aKristu yahinakhelela n`utteliwa mrima.
18
Mmeloni mwa, Paulo ahirowa nihiyo wa Yakobo,weiwo yathukumannawa-wo mahumo othene a mathukumano w`aKristu.
19
Paulo ahamwanyerya,akawalakelela emovya-emovya itthu vyothene vyairaleiye Muluku eriyari y`amalapo,mwahawa wa miteko vye.
20
Yamanlawa omwiwa, yahinvuwiha Muluku.Numala yahinlela Paulo wira: Nyuwo mulupal`enhu,munnona wira aYuda awatha,atthu ikonto ikonto vyene, yahimwamini Yesu: othene ya khiyahin-ye wettela ikano vya Moisesi ni mrim`aya wothene.
21
Awo yahiwa vahimmwaka wira nyuwo munnahuvyiha aYuda othene ankhala eriyari y`amalapo, wira ehiye wettela ikano vya Moisesi, ni wira ehiwunnuwihe an`aya,ni wira ehettele vyolamalela vya .
22
Nvyo,nire vyai? Vekekhai,awo anrowa ovyuwela wira nyuwo muhura.
23
Tivo,mwire nkhama ninrowahu wolelani: Akhala va alopwana acece ammanenle Muluku natiri.
24
Mwakuce yawo, mwaitthukurye vamovya ni yawo,numala mlive mluth`aya,wira ewerye ometthiwa manhi-ya. Mwira vyivyo, atthu othene anovyuwela wira itthu ivye inihimmwa vya nyuwo khahiyo vy`exariya,ni wira nyuwo-tho nnetta mwiwelelaka ikano vya Moisesi.
25
Mwaha w`amalapo anvolowa nloko n`aristu,hiyo nowatikhela ewarakha,nalelaka itthu vyupuwelanhu, niraka: wira ehikhure enama evaheriwe amuluku, hata ephome,nta inama vyohihitiwa,ni wira ehiraruwe.
26
Nvyo-tho Paulo ahakusya alopwan`awo,mmeloni mwa ahipajerya withukurya vamovya ni yawo. Numala,ahirowa mpani mwa Muluku,wira alele alipa a mukuttho mahiku yamaliheryawa witthukurya, niraka,nihiku narowawa oheleliwa mukuttho wa khula ntthu.
27
Nvyo,mahiku awo mathanu na maili awithukurya ehalelaka omala,aYuda a wAsi yahimona Paulo mpani mwa Muluku. Nvyo yahatumererya atthu othene yari-mo, emphara Paulo,
28
ekhuwelaka wira: Atthu a Isarayeli,munikhaliherye! Mulopwan`ola ti yole onatumererya atthu othene nlaponi mothene, wira yavirikanye atthu a Isarayeli n`ikano vya Moisesi ni nipuro nna. Ohiya vo, owo ohavolenha amalapo mpani-mu, ananariha nipuro nna nawarya.
29
Tthiri awo yahimona Trofimo a wEfeso vamovya ni Paulo mmuttettheni: nvyo yanakanyera wira Paulo ahinvolenha Trofim`owo mpani mwa Muluku.
30
Mmuttettheni mothene wahikhumelela onyakulihana: atthu a miphantte vyothene yahitthimakela mpani mwa Muluku,yahinphara Paulo,yahinpurulela ota,ewala mikhora nananoru.
31
Atthu yaniramela omwipha Paulo: nvyo okathi yowo kapitau a anakhotto o Roma ahalela wira mmuttettheni mothene wokhumelela onyakulihana.
32
33
Nananoru,kapitau uwo ahakusya alupale akina n`anakhotto ya ,atuphela atthu ale. Yamonalawa kapitau ule n`anakhotto ye,atthu yahihiya ommana Paulo. Nvyo kapitau uwo ahimwattamela Paulo,ahiruma ophariwa n`utthukiwa n`ikwirinti pili. Numala,ahakoha atthu,iraka: Ola t`ani? Irale-ni?
34
Nvyo khula ntthu ahima etthu yavirikna n`itthu yahimya mukhwe-ye. Vyivyo,mwaha w`onyakula,mulupale owo a anakhotto khawerya ovyuwela nixariya etthu yairaneiye: tivo ahiruma oroihiwa Paulo mukakoni.
35
Yaphiyalawa vaweliwa-vo,anakhotto yahikhanyereriwa onkusya Paulo,okhala wira atthu yahitepa ovyala owali.
36
Tthiri muttitthi w`atthu awo wanatthara okhuwelaka wira; Iviwe! Iviwe!
37
38
Ahalaka oheliwa mukakoni, Paulo ahimkoha kapitau wira: Kinniwerya wolelani etthu? Mulupale owo ahinkoha wira: Syeni? Nyuwo munlotha egrego? Nanvyo, khahiyo mwEjitu yole aronsye ekhotto mweri ule ,aroiha wothakoni anawi ikonto syesye?
39
Paulo ahimwakhula,iraka: Miyo ka muYuda, kiyariwe o Tarso w`o Silisia. Miyo kamutthu a muttetthe wovyuweliwasya. Kihopharelani metto: nkihiye kilotthe n`atthu ala.
40
Mulupale owo ahimwakhuleliha. Nvyo Paulo ahemela vaweliwa oroiwaka mukakoni,ahamaliha atthu ale ni ntata. Emala syanene. Nvyo Paulo,alothaka elottelo ya,ahalela wira: