Ewarakha 20
1
Omalakaru onyakulihana iwo,Paulo ahathukumanya aKristu,ahalela molumo awalipiha nrima,alanha. Numala,ahivenya,arowaka o Masedonia.
2
Ahettetta elapo elo yotthene,alipihaka nrima aKristu ni miruku vyawatta. Numala,ahiphiya o Gresia,
3
akhala weiwo myeri miraru. Ahalaka orowa nkalawani,wira athikele o Siria,ahileliwa wira aYuda yaninramela omwipha. Tivo,ahitthokelela wetta ekwah`aye,aviraka-tho o Masedonia.
4
Ekwaha yelo ahirowa-tho Sopatoro, mw`ane Piro,ari o Bereya,n`Aristarko ni Segundo,yari o Tesalonika,ni Gaio o Derbe, ni Temotheyo ni Tikhiko ni Trofimo,yari elapo ya wAsia.
5
Atthu ala yahihola,yahinilipelela o Trowade.
6
Nvyo hiyo nahipakhira nkalawani o Filipi, numala efesta ya Pasika. Nvyo yavinrawa mahiku mathanu,nahaphwnya yawo o Trowade,nimaliha yeiwo esumana emovya.
7
Nihiku n`asabadu,ohiyu,nahithukumana wira nipake Okaristiya. Paulo ahalela atthu yathukumanne. Atthunaka ovenya emmeloni mwa,ahilotta mpakha ohiyu eriyari.
8
Esala y`ovyulo nathukumannenhu vyahikhala ixamaniya vyawatha.
9
Nvyo mmiravo mmovya aithaniwa Eutiko,akilanthe vajanelani,ahivoliwa ikhove vyawatha,Paulo athaivihaka olotha. Vyivyo,ikhove vyahinvevyiha,amora okhuma empa yaneraru y`ovyulo: akhusiwa okhwene.
10
Paulo ahikhuruwela ota,ahimuramela mmirav`owo,ahinkusa mmatatani,alela atthu awo wira: Mhituthuwe ola mukumi.
11
Numala ahiwela-tho mpani-mmwe wa ovyulo,ahikawa ephau,othene elya. Nvyo ahilotha-tho nenno mpakha osa. Numala,ahetta-tho ekhwaha ye arowaka.
12
Nvyo mmirav`owo ahiroihiwa owani ari mukumi: atthu othene yahikhurunuwa mrima wawatha.
13
Hiyo nahihola,nivira nettaka nkhwah`anhu,nipakhiriwe nkalawane mpaka wAso,weiwo narowanhu onkusa Paulo. Owo t`tthunne vyivyo,mwahawa aramela orowa mwentto.
14
Aniphwannyeiye wAso,nahinkusa nkalawan,nirowaka o Mitileni.
15
Mmeloni mwa nahivenya weiwo,nivirya vakhiviru n`isisi y`o Khiyo. Nihiku naneraru nahiphiya o Samo. Osa mmeloni mwa,nahiphiya o Mileto.
16
Paulo khatthunne wemela wEfeso,aruxerema-wo, wira ahilokele nlaponi mwa wAsia. Arowa n`ikhwakhwa,mwahawa aramela okhala o Yerusalemu nihiku na nira na Pentekosti.
17
Emenleiye o Mileto,Paulo ahiwithaniha mahumo a mithukumano s`aKristu a w`Efeso.
18
Yaphinyawa, Paulo ahalela wira: Nyuwo movyuwela mwettelo aka ni nyuwo okathi wothene,okhuma nihiku kaphinyaka wAsia.
19
Kihavarela nteko Apwiya ni wiyeviha waka wothene, kihawaka n`uvelavela ni wunla mwahawa w`aYuda yakivirikanya.
20
Nyuwo movyuwela wira nkinakhotte wileva wakhula etthu yatthuna worerihani: nvyo kiholaleryani Ehapari Yorera, kihuvyihaka mmuthukumanoni ni mmawannyu.
21
Miyo kihatumererya ni nthiti aYuda n`amalapo wira erukunuse mirimaya wa Muluku, ni wira emwamini Yesu Kristu Pwiy`ahu.
22
Ni nna, kithukiwe n`Iroho Yowarya,kinrowa o Yerusalemu,kihivyuwelaka vyinya okikumelela-wo.
23
Kivyuwenle pahi wira,muttetthe ni muttetthe, Eroho Yowarya ennikilela wira kinophwanya ohawa ni othukeliwa.
24
Masi miyo kinona wira okumi yaka kahiyo etthu,hata kinnithanya,kaweryaru omaliha yawiwanana n`umaliha nteko kivahiwaka n`Apwiya Yesu: elo ti elo,olaleya Ehapari Yorera wira Muluku onninipheta.
25
Miyo kovira variyari vinyu,kilaleyaka omwene wa Muluku: nnyo nna kovyuwela wira nyuwo othene kamuntthikela-tho wona ekhove aka.
26
Tivo kinolelakani olelo vava wira: Akhala ntthu a nyuwo onrowa orimela, miyo nkinanlathu.
27
Thiri nkikontte wileva wira kolaleryeni otthuna wothene wa Muluku.
28
Mwikhalihere mekhannyu,mwakhalihere aKristu othene Eroho Yowarya kovanhakani wasuka,nkhama makhampusi a nikoto nna,wira mwetthihe sana Ekereja ya Muluku,yelo oithukumanyenreiye n`ukhwa wa M`wane mmovyaru.
29
Kovyuwela wira,karowa,anovola eriyarinnyu atthu anlikana ni miji vyawopopiha,eramelaka wipha nloko n`aKristu.
30
Hata wa nyuwo anokhumelela atthu anrowa olotha vyovirikana,eramelaka wahapusya alipa-awamini wira yatthare yawo.
31
Tivo mwikhaliherye: nhiliyale wira,nihiku ti nihiku,othana n`uhiyu,mpakha iyakha ttharu,miyo nkihinye wovahani miruku vyorera, ntthu ti ntthu a nyuwo, hata kinlaka.
32
Nna, kinnovahereryani Masu anovyuwelihani ophenta wa. Masu awo akhalana ikuru s`oteka nthukumano, ni vya wovahani vorera vyihiyeriwe atthu othene athanliwe ni Muluku.
33
Miyo nkinanlele muhakhu hata musurukhu ne ikuwo vya ntthu nkina.
34
Nyuwo movyuwela sana wira itthu karamelaka miyo n`akhw`aka kiphwannye ni matat`ak`ala.
35
Mwa vyothene kowoniherani wira kinhawelaka vyivya, nirinanhu wakhalihera atthu othoiwa, nupuwelaka molumo Pwiya Yesu olontheiye wira: Mulipa-ovaha onoreriwa onxira mulipa-ovahiwa.
36
Amanleiye olotha molumo ala, Paulo ahikokhora vamovya ni mahumu ale othene,akalompa.
37
Nvyo atthu othene yahinla vawatha,enpharaka Paulo,enkhuparelaka,
38
eripiwe nrima vawatha mwaha wa molumo alenleiye wira: Khannona-tho ekhove aka. Numala, yahinvelela okalawani.