Ewarakha 19
1
Okathi Apolo ari-ye o Korinto, Paulo ahivira omwakoni,aphiya wEfeso. Ahaphwanya weiwo awixutti akina,
2
akoha wira: Mpajeryaka wamini,mwakhenle Eroho Yawarya? Awo yahimwakhula wira: Hiyo khaninaiwe yiriwaka wira yokhala Eroho Yawarya!
3
Nvyo, Paulo ahakoha wira: Nanvyo obatizo seni mwakhelenlennyu? Awo yahakhula wira: Nirurapihiwa pahi n`urapiha wa Yohani.
4
Paulo ahalela wira: Yohani anarapiha ale yathuna orukunsya mrima,anatumererya atthu a Isarayeli wira emwamini ole athuna ora otthuli we: elo ti elo ni emwamini Yesu.
5
Yaiwalawa vyivyo, yahibatiziwa ni nvyina n`Apwiya Yesu.
6
Nvyo Paulo ahapweherya matata, Eroho Yawarya, yakhuruwela. Nvyo yahikelela olotha ilotthelo vyotikiniha n`ulaleya ni nvyina na Muluku.
7
Atthu ale othene yari vakhiviru muloko nanli.
8
Mpakha myeri miraru, Paulo ahirowa mpani mothukumana mw`aYuda,anilotha n`uroromela, ahovelelaka,alaleyaka omwene wa Muluku, aramelaka owakhuleliha atthu.
9
Masi atthu akina yahumiha mrim`aya,ekhottaka wamini ,evehaka ephiro ya Muluku eriyari ya atthu. Tivo, Paulo ahahiya,akusya awixutti ye, akahuvyiha yawo nihiku ti nihiku osxikola wa Tirano.
10
Ahilaleya mwemmo mpakha iyakha pili. Vyivyo, atthu othene a wAsia,aYuda n`amalapo yahiwerya wiwa masu a Apwiya.
11
Paulo anirya mirirya vyotikiniha vyulupale n`uwerya wa Muluku.
12
Vyivyo, akina yanikusya maleso owu ikuwo awaraiye Paulo, ekapweherya aretta: arett`awo yanivona,axetwani yanahiya atthu awo.
13
Nvyo-tho aYuda akina, yanetta nlaponi ewikaraka axetani, yahererya owikarya eromolaka nvyina n`Apwiya Yesu. Awo yanilotha wira: Ni nvyina na Yesu,yowo Paulo oninlaleyaiye,miyo kinorumani okhuma.
14
Ale yaira vyivyo yari ana athanu n`aili a nlopwana mmovya mYuda,aithaniwa Sikewa, ari mulupale a anankuttho.
15
16
17
Nvyo nihiku nimovya xetwani ahalela wira: Miyo konvyuwela Yesu,konvyuwela-tho Paulo; nna nyuwo mw`ani? Iraka vyivyo,nlopwan`ole aphariwe ni xetwani ahatuphela yawo,ahawerya othene ya, akatepa wamana. Vyivyo awo etthawa vatthokoni vale,ehiwanre etthu,evyanle makwatta. Atthu othene a wEfeso,aYuda n`amalapo,yavyuwenlawa itthu ivya vyakhumelenle,yahov wawatha,evuwiha nvyina n`Apwiya Yesu.
18
Nvyo atthu awatta erowa wilotta oholo w`atthu mwahawa wa vyotakhala yiralawa.
19
Ni-tho atthu akina awatta,yapaka vyotikiniha vyotakhala,yahiruha ilivuru vya, yeyela oholo w`atthu othene. Epereso vya ilivuru ivya vyahiphiyera nsurukhu wa eparatha nkhama miloko mithanu.
20
Vyivyo, molumo a Apwiya yanimwarela nlaponi n`uwerya wulupale,etepaka olipihiwa.
21
Numala itthu ivya, Paulo ahupuwela orowa oYerusalemu, aviraka ilapo vy`o Masedonia ni wAkhaya. Anilotta-tho wira: Karowa o Yesrusalemu,mpakha kirowe-tho o Roma.
22
Nvyo aharum orowa o Masedonia atthu aili avaranaiye nteko: Timotheyo ni Erasito. Paulo ahikhala-tho wAsia mahiku vakhani.
23
Okathi yowo, wahikhumelela onyakulihana mulupale mwawa wa Ephiro ya Muluku.
24
Mlopwana mmovya aithaniwa Demetrio,anivara ntekoye apakaka itthu ikina vy`eparatha,alikanihaka ni empa ya muluku muthiyana, aithaniwa Artemide.
25
Vyivyo,owo n`ananteko ye yanipwanya nsuruku wawatha. Nvyo, ahathukumanya ananteko ye vamovya n`akina yavara nteko ye,alela wira: Alopwana,nkiwelele! Nyuwo movyuwela wira nsurukhun`hu ninpwanya ni ntekon`hu ola.
26
Vyo nyuwo munnona ni munniwa itthu oniraiye nlopwan`owo Paulo. Owo onlottha wira amuluku apakiwe n`atthu, khahiyo amuluku ekekhai. Vyivyo ahakupaliha ni wahapusa atthu awatta kahiyo wEfeso pahi, masi-tho elapo yothene ya wAsia.
27
Nvyo etthu ila, etthu yawopiha, okhal wira enrowa ohonona ntekon`hu. Hata empa ya muluku mulupale Artemide enrowa othanyiwa: vyivyo onokwa ovuwa we muluk`ula,onikokhoreliwa n`atthu othene a wAsia n`a nlaponi mothene.
28
Yaiwalawa molumo ala, atthu othene yahinanariwa wawatha, erowa okhuwela,yiraka: Akhale Artemide,muluku mulupale a wEfeso!
29
Onyakulihana nno wahimwarela mmuttettheni mothene. Atthu othene yahithimakela vamovya mpakha nipuro yalamalenlawa othukumana,yapurulaka Gaio n`Aristarko yari atthu o Masedonia yetta ni Paulo.
30
Paulo anitthuna okhumelela oholo w`atthu ale yathukumanne,nvyo atthu awamini yahinkothihera.
31
Ni-tho makhulupale makina a elapo elo,apatthani ye Paulo, yaharuma atthu orowa onvekela wira ahirowe iwe wathukumaniwewo.
32
Okathi owo mmuthukumanoni wahinyakuleleya: akina yakhuwelela etthu ekina,akina yakhuwelela etthu ekinaku. Atthu awatha khiyavyuwela etthu yathukumanelinwe.
33
Nvyo aYuda yahinthikhela Alexandre eriyari y`atthu,ni-tho akina a mmuttitthini-mmwe yaninleliha etthu atthunaiye olotha. Vyo Alexadre ahamaliha atthu ale ni ntata,athunaka owakiha aYuda.
34
Nvyo,atthu awo, yavyuwenlawa wira ari mYuda,othene yantepa okhuwela ni nvyu nimovya,mpakhaovira iwora pili,yiraka: Akhale Artemide,muluku mulupale a wEfeso!
35
Nvyo,mulepi a wEfeso ahiwerya wamaliha,alela wira: Nyuwo atthu a wEfeso: khavo ohinvyuwela wira muttetthe ola wothanliwa wira osuke empa ya muluku mulupale Artimide n`ilatarato vye yamonre wirimu.
36
Khavo ntthu onwerya ovanya etthu ila. Tivo,mutitihe mrima: nhire etthu y`ololo.
37
Nyuwo nharuha va atthu ala: nvyo awo khirale etthu yotakhala envirikana n`impoa ya muluku ahu,nta khanruwanne muluku ah`uwo.
38
Nvyo Demetrio n`ananteko ye yarina nlathu ni ntthu, akhala mapuro ophukiwa milattu, akhala-tho amphuka. Mwaroihe weiwo,mwavanyihane.
39
Yakhala etthu ekina envekan`nyu, ephukiwe mmuthukumanoni n`ixariya.
40
Mwaha wa itthu vyikhumelenle olelo, ninniwerya wotheriwa okhala atthu ovirikanya. Tthiri khuwavo mwaha w`othukumana: tivo khaninwerya wivyakiha mwaha w`onyakula nno.
41
Amanleiye olotha vyivyo, ahamwarya atthu.