Ewarakha 18
1
Numala ivya,Paulo ahivenya wAthena,arowa o Korinto.
2
Ahimphwanya weiwo muYuda mmovya,aithaniwa Akila,atariwe elapo y`o Ponto. Owo ahiphiya mahiku ale o Korinto,akhumaka wItalia,vamovya ni mwr`iye,ithaniwa Prisila,okhala wira mwene mulupale,nvyina ne Klaudio,ahiwomola o Roma aYuda othene. Paulo ahirowa onsyekurya Akila owo ni mwar`iye.
3
Akhala owanny`eya,avaraka nteko ni yawo. Thiri Paulo ni yawo yavara nteko mmovya w`otthava ihema.
4
Khula esabadu,Paulo anilotha mpani mothukumana,aramelaka akhupaliha aYuda n`amalapo .
5
Nvyo, yaphinyawa Sila ni Timotheyo,ekhumaka o Masedonia,Paulo ahivahererya olaleya Ehapari Yorera,athonyeraka aYuda wira Yesu ti Mopoli.
6
Nvyo aYud`ale yaninvirikanya Paulo,enruwanaka: tivo Paulo ahatathela ntthupi na ikuwo vye,alela wira: Mwatthunaka okhala otakhaliwa,ti wawinyu: miyo nkinanlattu. Okhuma olelo,miyo kinya walalerya amalapo.
7
Vyivyo ahahiya yawo,arowa owannye nlopwana mmovya,aithaniwa Tisio Naxariya. Mlopwan`owo oninttittimiha Muluku: emp`aye yattamenle empa y`otthukumana.
8
Nvyo, Krisipo,nkhulupale a mpani mothukumana,ahiwamini aPwiya vamovya n`atthu otthene a vathokoni ve. Nvyo-tho aKorintu awatha, yaiwale olaleya wa Paulo, yahamini, ebatiziwa.
9
Ohiyu omovya, aPwiya yahivyoniherya wa Paulo, enlela wira: - Nhove etthu nkhalele nthiti olaleya,nhimale.
10
Tthiri miyo kiri ni nyuwo. Kavo onwerya owirihani yotakhala; ohiya vo mttetthe ola atthu aka karele wattha.
11
Nvyo Paulo ahikhala oKorintu mwakha mmovya ni mweri mithanu na mmosya, ahuvyihaka molumo a Muluku.
12
Mahiku Galio ar`iye guvernatoro a wAkhaya,aYuda yahiwanana onrukunuwela Paulo,yahinronha opwaro wa milatthu ,
13
enlela guvernator`owo wira: Mlopwan`ola anatumererya atthu wira enttittimihe Muluku vovirikanya ikano.
14
Paulo ahiramela olotta,nvyo Galio ahalela aYuda wira: Wari nlattu mulupale n`itthu vyotakhala kamphuka nlatth`unnyu nyuwo aYuda, okhala wira owo tori nteko-ka.
15
Nvyo nna,nlatt`ula mwaha wa mwixuttiho ni wa mavyina ni wa ikano vyinyu, nlatt`unnyu : mphuke mekhannyu. Nlattu nkhama owo nkintthuna ophuka.
16
Yohilokela,ahiwikara atthu ale mpwaro-mmwe wa milattu.
17
Nvyo atthu othene yahinphara Sositene,ari mkhulupale a mpani mothukumana , orowa ommana vate w`epwaro ya milattu. Masi guvernatoro khajanle etthu elo nta vakhani.
18
Paulo ahikhala nanlelo mahiku makina o Korinto. Numala ahanlanha amuvyi,avennya vamovya ni Prisila ni Akila. O Kenkhere ahimettha ikharari mwaha-wa natiri anthunkeiye. Numala,ahipakhira nkalawani,arowaka o Siria.
19
Yaphinyawa mttetthe wa wEfeso,Paulo ahinhiya weiwo Akila ni Prisila. Owo ahivolowa mpani mothukumana,alotha n`aYuda.
20
Ayud`awo yahinvekela wira akhale n`awo mahiku awatta nvyo owo ahitthuna.
21
Nvyo,alanhaka,ahalela wira: Kinotthikela wenno-tho,Muluku atthuna. Nvyo,ahivenya wEfeso,apakhinre nkalawani.
22
Aphiyaleiye o Kesareya,ahipakhuwa,arowa o Yerusalemu, aceleliha aKristu a weiwo. Numala,ahirowa wAntoyokiya.
23
Ahikhala weiwo mahiku vakhani,numala ahivenya-wo, akettetta ilapo vyo Galasia n`i vyo Frijia,alipiheryaka wamini aKristu othene.
24
MYuda mmovya,aitthaniwa Apolo,ayariwe wAlexandriya,ahiphiya wEfeso. Mlopwan`owo ari orattela olotha,anivyuwela sana vyawatikhiwa.
25
Ahihuvyihiwa ephiro y`Apwiya,nvyo anilaleya ni mrim`awe wothene,ahuvyihaka orattene itthu vya Yesu,nnamwi uwo avyuwenle orapiha wa Yohani pahi.
26
Apolo ahipajerya wahuvyiha atthu mpani mothukumana ni wilipiha. Akila ni Prisila yamwiwalawa ,yahinronha owannya,enleliha sana ephiro ya Muluku.
27
Nvyo,Apolo aniramela ovenya arowaka o Gresia: tivo,aKristu a wEfeso yahinkhaliherya,ewatikhelaka ewarakha aKristu a weiwo,wira emwakhele sana. Aphiyaleiye weiwo, ahakhaliherya wawatta atthu awo awamini,alipihiwaka n`iparakha ya Muluku.
28
Tthiri,avanyihanaka n`aYuda mmuthukumanoni,anawerya n`ikuru vya molumo ye,mwahawa ataphulelaka vyolempwa,anathonyera wira Yesu ti Mopoli.