Ewarakha 17
1
Paulo ni Sila yahivira mittetthe vya wAnfipoli ni w`Apolonia, ephiys muttetthe w`o Tesalonika,wari-wo empa y`othukumana y`aYuda.
2
Paulo ahirowa weiwo,nkhama yalamalenlawa orowa okumana n`aYuda. Ahiviriha-wo isabadu ttharu,alothakana aYud`awo mwaha wa vyawatikiwa vya Muluku.
3
Paulo anatapulela vya watikiwa vyeivyo,athonyeraka wira mopoli ahana ohawa n`ukwa,numala ahuhumuwe mukwani. Alela wira: Nvyo mopoli yowo ti Yesu,yola miyo kinolaleryakani.
4
Akina a yawo yahamini,enthukumanela Paulo ni Sila,xaria nlopwana mulupale w`aGrecia onthithimiha Muluku ni n`athiana awatha ovyuweleya yahamini-tho.
5
Nvyo aYuda yahivyala nrima: yhathukumanya alopwana akina otakhala nrima,ekhumiherya onyakulihana n`uwana mmuttettheni. Nvyo, yahituphela owannye Yasoni,enkottaka Paulo ni Sila,wira yaroihe onthukumanoni w`atthu.
6
Okhala wira khiyapwannye,yanphara Yasoni n`aKristu akina,yaronha oholo wa makhulupale a mmuttettheni,ekhuwelaka wira:Alopwana ale akhumiherya owana nlaponi wotthene,ni nna aphiya muttetthe ola!
7
Yasoni ula ahiwakhela owannye. Otthene yanivirikanya oruma wa mwene o Roma,elaleyaka wira okhala mwene nkina,onithaniwa Yesu.
8
Molumo ala yahatutusya atthu ni makhulupale a mmuttettheni.
9
Makhulupale awo yahinliva nsurukhu Yasoni n`atthu akina: numala ataphula.
10
Ohiyu ya yowo, amuvyi yahinlela Paulo ni Sila wira evenye wohilokela,erowe o Bereya. Yaphinyawa weiwo, Paulo ni Sila yahivekela mpani yathukumanawa aYuda.
11
Atthu aweiwo,yari orera nrima wavicana aYuda o Tesalonika,yahakhela molumo a muluku ni mrima ya wothene. Nihiku ti nihiku yanisoma vya watikiwa vya Muluku wira esvyuwele itthu ivya vyari vya xariya.
12
Thiri atthu awatta awo yahamini vamovya ni amalapo oKeresiya, athiyana ottittimiheya ni alopwana.
13
Nvyo, aYuda oTesalonika, yavyuwenlawa wira analalerya athu molumo a Muluku o Bereya,yahirowa weiwo,epajerya okhumiha ekhotto ni onyakulihana n`atthu.
14
Tivo,amuvyi wohilokela yahinronha Paulo elatu y`opareya. Nvyo Sila ni Temotheyo ehala o Bereya weiwo.
15
Ale yanvelela Paulo yahimphiha w`Athena. Numala yahitthikela oBereya erowaka oruma wa Paulo ni Temotheyo erowe wawakuva okumana ni yowo a w`Atena.
16
Okathi yalipelenlawa Sila ni Temotheyo w`Atena, Paulo nrima waninripa ni onyonyiwa,okhala muttetthe owo wovyala ilatarato vya Muluku etthiru.
17
Mpani wothukumana yanilotha aYuda ni amalapo yanttitthimiha Muluku. Maiku othene,anilotta mmapuwani atthu apwannye`iye.
18
Awixutthi akina, yathara molumo a Epikuro ni Asitowa,yahipajerya ovanela ni Paulo. Akina yahikoha wira: Onlott`ani namalotta ola? Akina yanilotha wira: onkhala nkhama onalaleya amuluku a amalapo. Owo yalotha vyivya okhala wira Paulo analalerya Yesu ni ohihimuwa mokwani.
19
Nvyo,ahinkusya Paulo,anronhaka nthukumanoni,nipuro naithaniwa Aeropago,envekela wira: Mwixuthiho vyananano munlaleyannyu,hiyo ninniwerya ovyuwela?
20
Itthu ikina munnilelannyu ti vyotikiniha: ninramela otaphuleliwa itthu vyinhimawa.
21
Tthiri,atthu othene a wAthena n`amalapo yakhala weiwo,ntek`oya wari olotta ni wiwa pahi ihali vya nanano.
22
Nvyo Paulo ahemela eriyari ya nthukuman`ole w`Aeropago,aira: Nyuwo atthu a wAthena! Kinona wira nyuwo mw`atthu awatthela omuluku nnyu mwa itthu vyothene .
23
Tthiri,kaviraviraka muttetthe nnyu,kihona mapuro nnattittimihannyu-mo amuluku: nvyo kopanya-tho nipuro nimovya natikinwe-tho molumo ala:`` Nipuro na Muluku ohivyuweliwa ``. Vavo,Muluku yowo nyuwo nninttittimihannyu nhinvyuwelaka,ti yowo onalaleryakani.
24
Ti yowo opattunse olumwenku n`itthu vyothene vyiri mwemmo: owo ti Mwanene elapo ya vathi;owo khankhala empa etikiwe n`atthu.
25
Owo khanramela orumeliwa n`atthu,nkhama ari mtthu othoiwa,mana ti yowo onavah atthu ekumi n`umumula n`itthu vyotthene.
26
Mwa ntthu mmovyaru Muluku ohakumiha atthu a maloko othene,akhaliha nlaponi mothene ya vathi. Ehinathi atthu okhala,ahathanlela okathi ya ni mikano vya mapuro yarowawa okhala.
27
Ahira vyivyo, wira atthu enramele Muluku,yilipiherye wira empwanye. Tthiri Muluku khankhala otthaiwene ni hiyo.
28
Okhala wira hiyo nokhalana ekumi mwaha-wa yewo,ninnetta mwa yowo,nokhala mwa yowo. Vyivyo-tho,alepi annyu akina anhima wira: Vaxariyani,hiyo n`atthu a nloko na Muluku.
29
Nvyo,nirinhu atthu a nloko na Muluku, nihupuwele wira Muluku onlikana n`ilatarato vyipakiwe n`iwero wala n`iparatha wala ni nluku,vyopwaneliha nkhama onvyuwelaiye ntthu n`uratt`awe.
30
Nvyo Muluku khanlipela-tho okathi atthu yirawa itthu vyohivyuwela: nvyo nna onavyuweliha atthu otthene a nlaponi mothene wira ahana orukunusya mrima.
31
Tthiri Muluku othanla nihiku onrowaiye waphuka atthu othene n`ixariya ,elamuliwaka ni Mutthu mmovya onkhupalinheiye oholo w`atthu othene, anhihimusyaka mokwani.
32
Yamwiwalawa Paulo alothaka ohihimuwa wa alipa-okwa,akina yahipajerya ontheya,akina yahinlela wira: Ninowiwani ekwaha ekina mwaha wa vyeivyo.
33
Vyivyo Paulo ahahiya atthu ale,arowa.
34
Nvyo,akina yahamini,etakanhereya ni nloko n`aKristu. M`watthu ale yaminni,ahikhala nlopwana mmovya aithaniwa Dionisio,ari a muthukumano w`Aeropago,ni nthiyana mmovya,nvyina ne Damari,n`atthu akina-tho.