Ewarakha 16
1
Paulo ahiphiya o Derbe,numala o Listra. Ahikhala weiwo mukristu mmovya,aithaniwa Timotheyo,ari mwana a nthiyana nYuda awamini,nvyo tithi ye ari mmalapo o Gresia.
2
AKristu yakhala o Listra ni wIkonio yanivyiveliwa nimwettelo ye.
3
Paulo atthuna onkusya wira akettana. Nvyo ahimunnuwiha toko,mwah`awa aYuda yakhanle elapo elo: mana atthu othene yanivyuwela wira tithi ye Timotheyo ari muGrecia.
4
Mittetthe yavirawa,yanalela aKristu ikano vyavahawa arummwa ni mahumu o Yerusalemu,yanatumererya wira yiwelele vyoruma ivyo.
5
Vyivyo,mithukumano vy`aKristu vyanilipiherya wamini: atthu awamini yanajerereya nihiku ti nihiku.
6
Eroho Yawarya yahinkhottiherya Paulo ni Sila olaleya masu a Muluku mulaponi mwa wAsia: tivo yakwarannyawa ilapo s`o Frijia ni s`oGalasia.
7
Yattamelaka elapo y`o Misia,yahiramela ovolowa elapo y`o Bitinia: masi Eroho ya Yesu yahakhottiherya.
8
Tivo yakhwarannyawa elapo y`o Misia,ephiya muttetthe w`o Trowade.
9
Nvyo,ohiyu,Paulo ahona etthu yotikiniha: ahimona nlopwana o Masedonia,emenle oholo we,anvekelaka wira: Mre o Masedonia: nnikhaliherye!
10
Paulo onakaru yotikinih`ela,hiyo nahiwanana orowa yohilokela o Masedonia,nonaka orattene wira Muluku anitthanela walalerya atthu a weiwo Ehapari Yorera.
11
Nvyo,nahipakhira mukalawani o Trowade,niphiya yoluluwanya esisi y`o Samotrasia. Mmeloni mwa nahipiya o Neyapoli.
12
Nivenyaka o Neyapoli, nahipiya o Filipi, wari muttetthe wa elapo yopajerya y`o Masedonia,wettihiwa ni malamulo a aRoma. Hiyo nahikhala weiwo mahiku vakhani.
13
Nihiku na esabadu,nahikuma omuttettheni nirowaka oxerexere wa muro,nupuwelaka wira weiwo wari nipuro nalompawa-wo aYuda. Nahaphwanya athiyana yathukumanne: nahikilathi,nikalotha n`athiyan`awo.
14
Mmovya a yawo aithaniwa Lidia: owo akhumme muttetthe w`o Tiyatira,muteko ye wari otumiha ikuwo vyolipa. Lidia owo aninkokorela Muluku: nyo aniwiriyana masu orattene. Muluku ahinthukula nrima wira aiwelele ithu ahimaiye Paulo.
15
Vyivyo,ahibatiziwa vamovya n`atthu othene a vatthokoni ve. Numala,ahinithana,iraka: Wona mokupali wira miyo kinnimwamini Muluku,mre nkhale owannyaka. khunikhanyererya otthuna.
16
Nihiku nimovya narowanhu olompa,nahikumana ni mwali,ari mrumeyi,arina xetwani oloherya itthu vy`oholo. Vyivyo,mapwiy`aya yanipwanya nsuruku wawatha mwaha wa miteko vye.
17
Owo ahipajerya onthara Paulo ni hiyo,akhuwelaka wira: Alopwan`ala ari arumeyi a Muluku mulupalesa. Awo anihuvyiha ephiro yawopola.
18
Mwali uwo ahira vyivyo mahiku awatha. Nvyo-tho Paulo ahiphweleya,ahirukunuwa,amwirela xetwani uwo wira: Kinorumani ni nvyina n`Apwiya Yesu: omuhiye muthiyan`ola! Nananoru xetwani uwo ahinkhuma
19
Nvyo,mapwiy`aye mwali ole,yonnawa wira epwanyero elo ya msurukhu yahamalela,yahimphara Paulo ni Sila,yapurulela onthukumanoni oholo wa
20
makhulupale. Awo yaharonhela alupale aRoma,yira: Alopwan`ala atthu aYuda: nvyo annanyakuliha atthu mmuttettheni mwihu.
21
Awo anihuvyiha makhalelo ninkhotthiheriw`anhu. Hiyo n`aRoma,khaninwerya wettela ikano ivyo.
22
Muttitthi w`atthu wahinrukunuwela Paulo ni Sila. Alupale aRoma yahiruma wira eruliwe ikuwo vya,ewaxuliwe ni mirepettho.
23
Yamanlawa wamana vawatta,yahatthukela nkateya,khumuruma mulipa-olipelela wira asuke orattene.
24
Guard`owo aiwaleiye orummwa iwo,ahattikhela nkatteya mwa mpuwa woripa-mo,atthuka metto vya,alipihaka ni mitthaikho.
25
Nvyo ohiyu eriyari,Paulo ni Sila yira elompaka,yipaka,enttottopelaka Muluku:alipa-otthukeliwa akina yanaiwelela.
26
Nananoru,yahikhumelela etetere yulupale,empa yahittikinyeya mpakha mmalittini mwa. Okathi ya yowo,mikhora vyothene vyahitthukuwa,iyuma vyathukiwawana atgthu ale othene vyahitaphuwa.
27
Guarda ahihimuwaka arupaiye,ahona mikhorya vya ekateya vyihuleiye,upuwela wira alipa-otthukeliwa yarutthawa.
28
Tivo,ahitholola mwalo ye wira aivyiphe. Nvyo Paulo ahinkhuwelela wira: Muhivyiphe,nlopwana! Othene hiyo niri mumu!
29
Nvyo,guard`owo ahiveke mthuko,ahitthimakela mpani arimo Paulo ni Sila,akokhorya oholowa,athukumelaka.
30
Numala ahakhumiherya vate,akoha wira: Mapwiy`aka,kire esyeni wira kopowe?
31
Awo yahimwakhula wira: Mmwamini Pwiya Yesu: mnawopowa nyuwo n`amuvy`innyu.
32
Nvyo,yahinlalerya masu APwiya,yowo n`atthu otthene etthoko ye.
33
Okathi ya yowo w`ohiyu,guarda ahakusya,ahalola mwakwatt`aya. Numala,ahibatiziwa wohilokela,owo n`amuvyi ye otthene.
34
Nvyo-tho,ahakusya owaile ya,Paulo ni Sila,ahaweliha mpani mwe,avaha yotha: vyivyo,owo n`amuvyi ye othene yahitepa otteliwa nrima mwah`awa w`omwamini Muluku.
35
Osyakaru,alupale aRoma yaharuma anakhotto ya orowa onlela guard`owo wira: Mwatthukulele alopwan`ale,erowe.
36
Vyo,guarda ahinlele Paulo wira ; Makhulupale aruma wira mtaphuliwe. mkhume,mrowe ni murettele.
37
Nvyo Paulo ahalela anakhotto wira: Hiyo n`aRoma! Alupale ale anihuvyiha oholo w`atthu othene mulatth`unhu ohilothiwe,niriheliwa nkatteya. Ni nna antthuna onitaphula wiphini? Elo nari! Ere anene yawo,enikhumihere
38
ota. Anakhotto yahirowa walela molumo ala makhulupale ale aRoma. Awo yavyuwenlawa wira Paulo ni Sila yari aRoma,yahituthuwa vawatha.
39
Nananoru,yahirowa waphara metto, yahatthukula,yavekela wira ekhume mmuttettheni,
40
Paulo ni Sila yahikhuma mkateya,erowa owannye Lidia. Weiwo yahapwanya amusvyi aKristu,yahalipiha mrima,evenya erowaka,