Ewarakha 15
1
Nvyo akristu akina o Yudeya,yahiphiya w`Antiyokiya,ekikara wahuvyiha atthu awamini a weiwo wira: Nyuwo,mwahinnuwihiweru nkhama vyirummawa ikano vya Moisesi,khamunwerya wopowa.
2
Paulo ni Barnaba yahavanya,okhumelela ovanyihana wulupale mwaha w`etthu ila. Numala,yahiwanana wira Paulo ni Barnaba n`atthu akina a weiwo erowe o Yerusalemu,ovanela n`arummwa ni mahumu mwaha w`etthu ila yavanyihanawa.
3
Awo yahivenya,eveleliwaka ekuluttu vakhani n`atthu awamini. Eviraka elan=po y`o Fenisia ni y`o Samariya, yanalela atthu awamini weiwo wira ale yahakhanle aYuda yahirukunusya mirima.Ehal`ila,yahatteliha murima vawatta atthu othene awamini.
4
Yaphinyawa o Yerusalemu,yahakheliwa ni muthukumano w`akristu n`arummwa ni mahumu,alela vyotthene Muluku airaleiye ni yawo.
5
Masi atthu awamini akina,yakhumme nlokovn`aFarisi,yahemela yira: Ale ahikhanle a Yuda,yatthuna okhala aKristu,yinnuwihiwe,erummwe wettela ikano vya Moisesi.
6
Arummwa ni mahumu yahithukumana wira ephuke etthu ila.
7
Yavanenlawa wawatta n`uvanyihana wulupale,Pedru ahemela khwira:Axinn`aka,movyuwela Muluku okithanlalae eriyari nnyu,okhuma mahiku opajerya,wira kalalerye ehapari Yorera atthu ahikhanle aYuda,wira yiwe,yamini.
8
Nvyo Muluku,ovyuwenle mirima vy`atthu,ahithonyerya wira aniwakhela: tthiri ahavaha yawo Eroho Yawarya,nkhama anivanheiye hiyo.
9
Muluku khanivirikaninhe hiyo ni yawo: owo ahireriha mirima vya mwaha wa wamini wa.
10
Nvyo,muninlikela- ni Muluku mwakhanyereryaka ale anamini okusya miritti axitith`inhu ahaweryawa ukusya,ata nihiyo?
11
Nvyo hiyo ninamini wira nihopoliwa n`iparakha ya Pwiya Yesu,olikana ni yawo.
12
Nvyo ale otthene yathukumanne yahimala,epajerya onwiriana Barnaba ni Paulo,ehimaka vyotikiniha ni mirirya vyulupale vya Muluku iraleiye ni miteko vya eriyari y`amalapo.
13
Yamanlawo olotta,Yakobo ahemela,ahira:Axinn`aka,nkiwiriyane.
14
Simoni onupucerya wira Muluku t`opajenrye wajaliha amalapo,awithanelakayawo-tho okhala nloko n`atthu ye.
15
Nvyo molumo amaprofeta yanilotta etthu ya yelo: tthiri ehatikiwa wira:
16
Numala ithu ivya,miyo kinotthika,wira kemece etthoko ya Davidi yamonre;kinolikanyiherya-mmwe opwenye-mo,kinawemesya-tho,
17
wira atthu akina otthene,elo ti elo,atthu a maloko otthene,kiwitthannaka wira ekhale awaka,yaramele Apwiya. T`ivya inihimawa Apwiya,emaliheryaka itthu,
18
anvyuwelihawa okhuma khalai.
19
Tivo kinonawira kinana wavelaveliha mahala amalapo animwamini Muluku.
20
Niwatikhele awo ewaraka,nalelaka wira ehikhure enama eheleliwe mukuttho amuluku ethiru,ni wira ehiraruwe,ni wira ehikhure inama vyohihitiwa,nta ottha ephome.
21
Tthiri okuma khalai akhala atthu anlaleya ikano vya Moisesi muttetthe ni muttetthe: ikano vyeivyo vyinsommwa mpani mothukumana isabadu vyothene.
22
Nvyo,arummwa ni mahumo vamovya n`atthu awamini othene yahiwanana wathamla akinaku a yawo,wira yarume orowa w`Antiyokiya,vamovya ni Paulo ni Barnaba,ni Sila: owaili yari ottititimiheya mw`atthu awamini.
23
Awo yahinnyereriwa ewarakha ela,yatikhinwe wira: Hiyo,arummwa ni mahumu,nri amuvy`innyu,ninnolipiheryani nyuwo,amuvy`inhu nhikhanle aYuda,munkhala w`Antiyokiya n`o Siria n`o Silisia.
24
Noleliwa wira atthu akina akhumme hiyo ahovelelihani ni molumo ya, axankiha mirima vyinyu. Hiyo kanarumme atthu awo olotta vyivyo.
25
Tivo,hiyo othene,mrima mmovya,nihiwanana wathanla atthu akina ni worumihelani.
26
Awo yaniveleliwa ni amuvy`inhu ninphetananhu: Barnaba ni Paulo, awo alenve ekumi ya mwaha wa nvyina na Apwiy`ahu Yesu Kristu.
27
Nna niharuma mwa nyuwo Yuda ni Sila: awo anawolelani ni molumo ya itthu vyeivyo vyatikhinwe.
28
Tthiri,Eroho Yawarya ni hiyo mekhanhu nihiwanana ohokhanyererihani etthu ekina,vyihikhanle ithu ivya nnonannyu otepa okhothihiwa.
29
Nhikhure enama eheleliwe mukutho amaluku a etthiru,nhithe ephome,ata enama yohihitiwa;nhiraruwe. Mwathawathawa itthu ivya nnawetha syana. Nkhale ni murettele.
30
Atthu ale yahivenya,erowaka w`Antiyokiya. Yaphinyawa weiwo yahathukumanya akristu,yavaha ewarakha ele yaronwawana.
31
Yasonmawa ewarakha,atthu othene yahitheliwa nrima mwaha wa molumo ohakalaliha.
32
Ata-tho.Yuda ni Sila, okhala wira yari maprofeta,yahilotha ewakati yawatha ni amuvyi ya, yalipiha mmakhuvani, yareriha nrima.
33
Awo yahikhala w`Antiyokiya nanlelo mahiku vakhani: numala yahivahiwa mirethele ni amuvyi ale, yahilanha,ethikela o Yerusalemu wa ale yarumme.
34
Nvyo Sila ahithuna okhala w`Antiyokiya. Nvyo Paulo ni Barnaba yahihala w`Antiyokiya.
35
Weiwo,yahuvyiha,elaleyaka masu Apwiya,ekaliheriwaka ni atthu awatha.
36
Yavinrawa mahiku vakhani, Paulo ahimwirela Barnaba wira:nthike, nacelihe amuvy`ihu mmuttetthene wothene nilalenyenhumo molumo Apwiya navyuwele ehali ya.
37
Nna,Barnaba aniramela onkusya-tho Yohani yole aithaniwa Marku.
38
Nvyo Paulo anupuwela wira kiwapwanela onkhusya nlopwan`owo ahiyane ni yawo o Panfilia,aharonwe olaleya ni yawo.
39
Mwaha wa yawo,yahivanyihana wawatha,mpakha ovalanyana. Barnaba ahinkusya Marko,epakhira nkalawani,erowaka o
40
Kipero. Nvyo Paulo ahinthanla Sila,avenya,amuvyi yalompelaka eparakha y`Apwiya.
41
Paulo ahilapuwa ilapo s`o Siria ni o Silisia,alipiheryaka mithukumano vyothene s`aKristu.