Ewarakha 14
1
Yaphinyawa wIkonio,yahivolowa mpani mothukumana mw`aYuda nkhama yalamalenlawa wira,elaleya-moni molumo okusya nrima: vyivyo aYuda awatha n`akina awatha yahakhanle aYuda,yahamini.
2
Nvyo aYuda yakhontte wamini yahatethererya ale yahakhanle aYuda,wira yawanawanihe n`akwa ale yamini.
3
Paulo ni Barnaba yahikhala wIkonio nanlelo mahiku makina,elaleyaka masu ni wilipiha,enroromelaka Muluku.Nvyo Muluku anilipiha ehapari y`eparakh`aye yalaleyawa, avahaka owerya wa wira vyotikiniha ni mirirya.
4
Nnvyo atthu a mmuttettheni-mmwe yahikanyeya: akina yathara aYuda,akina yatthara arummwa.
5
AYuda n`ale yahakhanle aYuda,vamovya ni makhulupale ya,yahiwanana wira enkusye Paulo ni Barnaba,ewiphe owaili yavonyaka ni maluku.
6
Nnvyo awo,evyuwelakaru etthu elo,yahitthyawela o Listra ni o Derbe,vyari mittetthe s`o Likawonia,ni mittetthe vyattamenle.
7
Weiwo-tho yahivira elaleyaka Ehapari Yorera.
8
O Listra ahikhala-wo nlopwana orakala metto,ahawerya wemela. erett`elo yampwannye owariwawene: vyivyo khatanke wetta.
9
Owo aniwelela itthu ahimaiye Paulo. Nvyo Paulo aninlipela: ahona wira orakal`owo ahikhalana wamini wanweryiha ovonihiwa.
10
Tivo,ahinlela arunyaka wira: Nvenye,mwemele syana. Nlopwan`ole ahitupha,emela,apajerya wetta.
11
Atthu ale othene,yonnawa etthu airaleiye Paulo,ahipajerya okhuwela n`ilothelo vya,wira: Amuluku ahikhaliha nkhama atthu,erya onisyekurya.
12
Nvyo atthu awo yahinvaha Barnaba nvyina na muluku Zeu, envaha-tho Paulo nvyina na muluku Herme, mwaha wa paulo t`alotha.
13
Nvyo anamukuttho a Zeu ahikusya imompe,ahiphapa n`ithutu,aruha oholo w`empa y`amuluku awo yari va nkhora wa muttetthe. Tthiri owo vamosya n`atthu a mmuttettheni aniphavela omuhelela mukutho Paulo ni Barnaba.
14
arummw`ale yavyuwenlawa etthu ila,yahikhera vyowara vya vokhotta ithu ivyo,etthimakela wari muttitthi w`atthu,ekhuwelaka wira:
15
Apatthani,munirela-ni vyivyo? Hiyo n`atthu nkhama nnyuwo! Hiyo noruhenleni Ehapari Yorera,enolelani wira mwahiye amiluku ala ahikhanle axariya,ni wira mmwettele Muluku mukumi,owo opattunxe erimu ni vathi n`iphareya n`itthu vyothene irimo.
16
Mahiku okhuma avinre khalai,Muluku ahathuniherya atthu othene othara iphurovya .
17
Ariwiraru vyivyo,ahiwoniherya mahiku othene orera we murima,awireka vyorerya: Tthiri ovyulu oriyewo onnorupihelani epula,onnovahani vyohepha mahiku ya,onnoruwerihani vyotta,onnovyalihani otheliwa murima.
18
Hata elottaka vyivyo,arumwa ale wahaliperya wakhupaliha atthu wira ehahelele mukuttho.
19
Nnyo,yahiphiya aYuda akina,yakhumme wAntiyokiya ni wIkonio,ewottotha atthu wira ehitthare yahimawa arummwa. Vyivyo,yahinvonya Paulo ni maluku,wira emwipe,numala,yahimpurulela ota wa muttetthe,yupuwelawa wira ohukwa.
20
Masi,aKristu yanrukuryenryawa Paulo,owo ahemela,attikela omuttettheni. Mmeloni mwa,Paulo ahivenya vamovya ni Barnaba,erfowa o Derbe.
21
Paulo ni Barnaba ahilaleya Ehapari Yorera o Derbe,ekhumelela anamahuvya awatha. Numala,ahitthikela o Listra ni wIkonio ni wAntiyokiya w'o Pisidia.
22
Awo yanalipiha eroho ale yamini,yanatumerery wira ekhalele nthiti wettela wamini wa,yalelaka wira,hiyo nokalana ohawa wawatha,wira niwerye ovolowa momweneni mwa Muluku.
23
Khula nloko n`Akristu yanathanlela mahumu ya: numala olompa n`otthka,yahavelela w`Apwiya,yawo yawaminawa.
24
Nvyo yahivira elapo y`o Pisidia,ephiya o Panfilia.
25
Yalalenyawa masu a Muluku o Perje, yahirowa w`Ataliya.
26
Weiwo,yahipakira ekalawa,erowa w`Antiyokiya,weiwo yakhunmawawo khalai,evahereriwaka Eparakha ya Muluku mwaha wa muteko yamalinhawa.
27
Yaphinyawa w`Antiyokiya,yahathukumanya atthu awamini,ekalela ithu vyothene Muluku airaleiye ni yawo,ni wira Muluku ahahulela amalapo mikhora vya wamini.
28
Paulo ni Barnaba yahikhala n`akristu a w`Antiyokiya mahiku awatha.