¹ Mahikhu awo,mwene Herodi ahipajerya wahukhumu ni wahaxa athu akina a nloko n`aKristu. <sup>2</sup> Ahimwiphiha n`ikatana Yakobo,nhim`awe Yohani. <sup>3</sup> Onneiye wira etthu ilo yanavyivela aYuda, aharuma atthu omphara-tho Pedru. Elo yakhumelenle vakhiru nnira na Pasika. <sup>4</sup> Anpharinheiye Pedru,Herodi ahinrihela mkatteya: aruma wira asukiwe ni maloko maxexe a maguarda,khula nloko maguarda maxexe. Owo ahitthokolela olottha nlattu ye oholo w`atthu,mumala nira na Pasika. ⁵ Pedru atthukeliwe mkatteya,aKristu yaninvekelela yowo ya Muluku yohihiyerya. ⁶ Ohiyu,yiriwaka mmeloni mwa Herodi t`aronweiye olotha mulattu wa Pedru,Pedr`ule ira arupaka eriyari ya maguarda maili,atthukiwe n`ikwirimti pili. Maguarda makina yari vankhorya, elipelelaka ekatteya. <sup>7</sup> Nananoru nlaikha n`aPwiya nahira mkatteya-mmwe wahivyalamo warya. Nlaikha nahinkwata Pedru va nikhatani, nahinvenha,nimwirela: Nenye,mwakuve,ikwirinti atthukiweiyena vyahimorela vathi. ⁸ Vavo nlaikha nahimwirela-to wira: Mwithukele nvyako, nware isapatth. Pedru ahira yaleliweiye. Numala,nlaikha nahimwirela: Mwikhunele n`ikhuwo nnyu,nkitthare. <sup>9</sup> Pedru ahitthara nlaikha. Khavyuwela wira itthu ivye vyaira nlaikha vyari vya exariya: ona wira onoloha. <sup>10</sup> Yahikwaranya nloko nopajerya na maguarda,numala nloko naneili ephiya va nkhora w`ayuma wakhummwa oroiwaka omuttettheni. Mvyele ale yahuleya mekha oholo wa.Yakhumemlawa ota,ettharaka ephiro ekina,nananoru nlaikha nahinhiya Pedru,nirimela. ¹¹ Nvyo Pedru,arukunuwaka,ahivyuwela vyakhumelenle,aira: Nna kinnona sana wira Muluku okirumihela nlaikha ne okakiha mmatatane mwa Herodi ni mwa vyotakhala vyotene aYuda yathunawa okirela. ¹² Avyuwenleiye ari ye,ahirowa owannye Maria,mam`aye Yohani,yowo aithaniwa-tho Marko. Athu awatha yira etthukumanne mpani,elompaka. <sup>13</sup> Pedru ahimana nkhora:nryumei mmovy nthyiana,aitthaniwa Rosa,ahirowa omwiwelela. <sup>14</sup> Owo ahivyuwela nvyu na Pedru:nvyo,n`utteliwa we mrima wottene,khahunle nkhora,masi ahitthimaka orowa walela wira Pedru ari vankhora ota. ¹⁵ Ale yahinlela wira: Nyuwo mwa nlolo! Amasi uwo ahikhanyerera olotta wira exariya ti yowo! Nvyo ale yahira wira: Ti nlaikha ne! ¹⁶ Nvyo Pedru anikhanyerera omana nkhora. Yaronwawa ohula nkhora yahimona Pedru,ethikhinihiwa wa watha. ¹⁷ Owo ahakwata wira emale,ekontarela enamuna Muluku ankhuminhei ye nkateya. Numala,ahalela wira:Mwanlele Yope n`amuvyaka akina ithu ivya. Alontheiye vyivyo,ahivenya vale,arowa nipuro nikina. <sup>18</sup> Osakaru,wahikhala onyakulihana wulupale eriyari ya maguarda,ettikinihiwaka yankhumelenle Pedr. <sup>19</sup> Herodi ahiruma okotthiwa,ahipwanyiwa. Nvyo ahakohakoha maguarda,aruma wiphiwa. Numala,ahivenya oYudeya arowa o Kesareya,akala weiwo mahiku awatha. <sup>20</sup> Herod ahinanarirawa wawatha n`athu o Tiro n`o Sidon.Nvyo atthu awo yahiwanana prowa wa mwene,mana elapo ya yanakhela vyotha vyakhuma elapo ya. Awo yahipajerya watana ni Blasto,namuteko mulupale a mwene :numala yahinvekela mwene murettele. <sup>21</sup> Nihiku navarihaniwe watana,Herodi awanre ikuwo vya omwene ,ahikilatti mpwaro, alotthiha atthu ale. <sup>22</sup> Nvyo atthu yahintthapela ekhuwelaka wira: Ola olonthe ni Muluku,kahiyon mtthu! <sup>23</sup> Nvyo okathi ya yowo.nlaikha n`Apwiya nahin,ana Herodi,okhalawira khamthithiminhe Muluku. Herodi owo ahitthumpwa ni myunku,akwa. ²⁴ Nvyo,ehapari yorera y`Apwiya yahitepa omwaramwarela nlaponi. <sup>25</sup> Barnaba ni Saulo,yamarinhawa nteko ya o Yerusalemu,yahithikela w`Antiyokiya,enkunxe Yohani,yowo aithaniwa-tho Marko.