Ewarakha 11
1
Arummwa n`atthu awamini yakhala o Yudeya yahiwa wira hata atthu ahikhanle aYuda yahakhela molumo a Muluku.
2
Nvyo, Pedru atthinkeiye o Yerusalemu,aYuda awamini yahikelela omuluma,emwirelaka:
3
Nyuwo movolowa vatthokoni w`attthu ohinnuwihiwa,ettha ni yawo.
4
Nvyo Pedru ahiwalikelela itthu vyakhumelenle,okuma wopajeryani wa mpakha womalelani,iraka:
5
Okathi miyo karyaka mttetthe w`o Yope,kilompaka,kahikuxiwa mrima,khikakhala mkhama kaloha. Kahona etthu nkhama mukhumi mulupale,ophareliwe mmmaveruni omaxexe,wakhuruwa wirimu,ophiya mpakha karakavo.
6
Kilipelaka mpuwa mwa, kahona inama vya metto mixexe n`inama vyowali n`ivye vyinipurula vathi n`apalame o`vyulo.
7
Nvyo kahiwa nvyu nakilenle wira: Haya,Pedru! Mwipe,nkhure!
8
Masi miyo kahakhula wira:Nari,Pwiya! Miyo nkinakhure itthu vyonanara ni vya mwikho.
9
Nvyu nne nhiweya-tho nikhumaka wirimu,niraka:Mhirele ti vya mwikho itthu vyirerihiwe ni Muluku.
10
Elo yahikhumelela ivarya ttharu:numala,vyothene vyahikhuxiwa,iwelihiwa-tho wirimu.
11
Okathi yowo ,atthu araru yahiphiya vatthokoni vamankaka :yarummwe okhuma o Kesareya okipwanya miyo.
12
Eroho ya Muluku yahikirela wira kirowe n`atthu ale,kihupuwelaka etthu, Tahikitthara-tho amuvyi athanu na movya,yala ari vava. Nvyo hiyo nahivolowa mpani mwa Kornelio
13
.Owo ahaaalela wira ahona nlaikha nemenle owannye,nimwirela wira: Mwarume atthu orowa o Yope,yamwithane Simoni,yowo onithaniwa-tho Pedru.
14
Owo onawolelani molumo anrowa owopolani nyuwo vamovya n`itthoko anyu yothene.,
15
Nvyo kipajerakaru olotha,Eroho Yowarya yahakhuryuwela yawo,nkama vyanikhuryuwenlawa hiyo wopajeryani.
16
Okathi ule,kahupuwela molumo yahimmawa apwiya,wira: Yohani aharapiha atthu ni mavyi ,nvyo nyuwo ,orerihiwa n`Iroho Yowarya.
17
Nna Muluku avanhe yawo oreriwa omovyaru onivanheiye hiyo,mwaha w`omwamini Pwiya Yesu Kristu,miyo ka pani owerya omkhottela Muluku?
18
Vaiwalawa molumo ala,atthu ale awamini murima wahakhurunuwa,ekanttottopela Muluku,ehimyaka wira: ekhweli wira Muluku ohavaha-tho ale ahikhanle aYuda orukunuxa murima,wira epwanye ekumi yekekhai.
19
Athu awamini o Yerusalemo,ehaxiwaka weiwo okathi wa wiphiwa Sitefano,yahimwarela ilapo ikina. Akina yahiphiya elapo y`oFenisia ni y`Okipero ni muthtthe ya wAntiyokiya . Nvyo awo yahalalerya Ehapari Yorera aYuda pahi.
20
Masi atthu awamini akina,yakhumme o Kipero n`o Kirene,ephiyaka wAntiokiya, yahilotha-tho n`atthu yahakhanle aYuda,alalerya ehapari yorera ya Yesu Kristu.
21
Owerya w`Apwiya wari ni yawo: vyivyo,atthu awatha yahamini,yahirukunxa mirima vya, ekawethela Apwiya.
22
Ihali vya itthu ivya vyahipwanya-tho nloko n`athu awamini o Yerusalemu: awo yahinruma Barnaba orowa wAntiyokiya.
23
Aphiyakaru weiwo,Barnaba ahona wira Muluku ohareriha athu awo: Tivo ahitheliwa murima,alipiherya othene wira evire ewethelaka apwiya ni nrimaya wothene.
24
Tivo Barnaba ari nlopwana orera nrima, ovyala eroho yawarya ni wamini.Vyivyo nloko nulupale n`atthu nahiwamini apwoya.
25
Barnaba ahivenya-wo arowaka o Tarso onkotta Saulo.
26
Ampwannyeiye, ahinronha wAntiyokiya. Owaili ya yahimaliha mwakha nmovya, avarelaka ntteko ekereja elo yahuvyika athu awatha. WAntiyokiya weiwo ti wapajeriwewo awixutti withaniwa akristu.
27
Mahiku yawo,maprofeta makhina yahivenya o Yerusalemu, erowa wAntiyokiya.
28
Mmovya a yawo,aithaniwa Hagabo,avyuwelihiwe n`Eroho ya Muluku,ahemela,alottha wira etala yulupale yahanle okhumelela mlaponi mothene.Etal`elo yahikhumelela,mahiku a mwene klaudio.
29
Nvyo aKristu a wAntiyokiya yahiwanana othothela msurukhu,khula nthu avahaka vyaweryaiye,wira yakhaliherye axinn`aya awamini yakhala o Yudeya.
30
Yahira vyivyo tthiri:yaveleliherya msuryukh`uwo mahumu o Yudeya mmatatani mwa Barnaba ni Saulo.