Ewarakha 10
1
Aikhala o Kesareya nlopwana nmovya,aithaniwa Kornelio,mulupale a nloko na anakhotto aithaniwa Italiko.
2
Owo ari orera nrima ni onthithimiha Muluku vamovya ni athu othene a vathokoni ve;anakhalihera vanthene a Yuda othoiwa,aninlompa muluko mahikhu othene.
3
Nihikhu nikhina,ovyovyilo,ahona sanene nlaikha na muluko ninkhumelelaka,nivolowaka mpani mwe ninlelaka wira:
4
Kornelio nyuwo! Kornelio ahilipela nenno,avyanle wova,akhula wira: Pwiya munramela? Nlaikha nahimwakhula wira: malompelo anyu ni wakhaliherya winyu alipa-othoiwa wophiya wa muluko: tivo,owo owupuwelani nyuwo.
5
Nna mwarume athu orowa o Yope,yamwithane Simoni,yowo-tho onithaniwa Pedru.
6
Owo omanke owannhe Simoni Nasapala; emp`awe eri muxerexere w`ephareya.
7
Nlaikha enne amanleiye olothana,nahivenha-vo. Nvyo Kornelio ahiwithana arumei ye aili ni nakhotto nmovya a yawo yamurumela,yari omova muluko.
8
Ahataphulela vyothene,numala aharuma orowa o Yope.
9
Mmeloni mwa, okhati yethawa mpironi yathamelaka omuthetheni ,Pedru ahiwela vavyulo v`empa yaryawe,wira alompe. wari othana eriyari.
10
Nvyo,ahivoliwa ethala,akaramela otha. okottiwaka eyotha,ahikhusiwa mrim`aye,akhakhala nkhama aloha.
11
Ahona erimu ehuleiye n`ithu imovya ekhuruwelaka vathi: yari nkhama ekuwo yulupale, epharelinwe mmaveruni omaxexe.
12
Mpuw`amwa, vyahikhalamo inama vyothene vya metto mixexe n`inama vynipurula vathi,n`apalame a ovyulo.
13
Nvyo nvyu nahinlela Pedru wira: Haya,Pedru! Mwiveke, mukhureke.
14
Masi Pedru ahakhula wira: Nnari,Pwiya! Miyo nkhinakhure ithu vyonanara ni vyamwikho.
15
Nvyu nno nahiweya-tho,ninlelaka wira: Mhirele wira ti vyamuikho itthu vyirerihiwe ni Muluku!
16
Elo yahikhumelela ivara ttharu: numala,etthu ile yahikhuxiwa,ekawelihiwa wirimu.
17
Pedru ahitikhinihiwa,akaikhoha mmurimani mwe yalothihawa ethu ile oniheriwaiye. Okhathi yowo,athu yarummwe ni Kornelio,akhonheiye owannhe Simoni,yahiphiya vankhora vale.
18
Nvyo yahiwithana athu,akakhoha wira: Ti vava amamkheiye vo Simoni,onithaniwavo-tho Pedru?
19
Pedru airya nanlelo upuwelaka ithu ivye onneiye: Nvyo eroho yahinlela wira: Akhala athu araru anoramelani iwe.
20
Nvenye,nkhuruwe,mwatthare yawo,wohupuwela ethu. Ti miyo karumme.
21
Pedru ahikhuruwela w`athu ale,alela wira: Miyo va.Nninramelannhu ti miyo. Nrenle ni?
22
Awo yamwimwuakhula wira: Nrunmwe ni Kornelio,mulupale anakhotto. Owo nthu orera nrima ni omova Muluku ni otthithimihiwa n`aYuda othene. Nlaikha na Muluku niryunryuma wira awithanene orowa owannhe,wira aiwe ethu inrinnhu na onlela.
23
Pedru ahikhela mpani: avaha opuro weiwo. Mmeloni mwa, Pedru ahivenha ni yawo. Amuvyi akhina o Yope yahinvelela.
24
Mmurothoni mwa,yahiphiya o Kesareya. Nvyo Kornelio airya alipelelaka vamovya ni amuvyiye akhina n`axirikhaye ye awittanneiye.
25
Okhathi Pedru aphinyeiye vate ve, Kornelio ahirowa omwakhelela: amorelakha vamettoni ve,ahinkokhorela.
26
Masi Pedru ahinveiya,iraka; Mwemele! Miyo-tho ka nthu nkhama nyuwo!
27
Nvyo,avanelaka ni Kornelio,ahirowa mpani,apwanyamo athu awatha ethukhumane,
28
khwahimerya wira: Nyuwo movyuwela wira aYuda annikhothiheriwa othukumana n`amalapo hata ophiya vate va. Masi Muluku okithonyerya wira khavo nthu onweryanhu omwirela mwiko, wala othanheya .
29
Tivo-nto mwiralyennyu okhithana wene,miyo khikara olikanene. Nanvyo nkhilele ethu nkhithanenlennyu.
30
Kornelio ahimwakhula wira: Mavyuri okathi yola,kaira kilompaka mpani mumu olompa wa ovyovyilo. Nananoru,mlopwana awanre ikuwo vyawarya ahikhumela ohlo waka,
31
akhilela wira: ``Muluku ohiwa mavekelo nnyu,ohupuwela wakhaliherya winyu alipa-othoiwa.
32
Nna,mwarume athu orowa o Yope,yamwithane Simone yowo onithaniwa Pedru. Owo omankhe owannye Simone Nasapala: empa ye eri enxirixiri w`ephareya``.
33
Wohilokhela, kaharuma athu wokottani. Nyuwo monirerela murima murwaka nno. Nna-tho othene ahu niri oholo wa Muluku, wira niwe vyothene Apwiya vyorummawani onilela.
34
Nvyo Pedru ahalothiha atthu ale,iraka: Nna kovyuwela sana wira Muluku khanathanla athu:
35
Exariya Muluku onnapheta athu a nloko ti nloko, yale aninthithimiha, enettela exarirya.
36
Muluku aharumihela athu a Isarayel nulumo ne,alaleryaka Ehapari yorera ya nrethele mwa Yesu kristu,okanle pwiy`aya athu othene.
37
Nyuwo movyuwela ithu vyikhumelenle o Yudeya wothene,opajerya o Galileya,numala orapiha Yohany alaleyai-ye.
38
Movyuwela wira Muluku omuttikhithela Yesu muNazarethi n`ikuru s`Eroho Yowarya. Yesu uwo ahettetta ilapo vyothene, awirelaka athu vyorera,awopolaka othene ale yari ipottha vya xetwani. Exariya Muluku ari ni yawo.
39
Hiyo n`nanamona a ithu vyottene iraleiye mulaponi mw`aYuda n`o Yerusalemu. Nvyo athu yahimwipha,enkhomela va mwikimanyo:
40
Masi,mmurothoni mwa,Muluku amuhihimusa mwa mokhwani, anvaha wivyoniherya,
41
kahiyo w`atthu othene,masi wa hiyo,nathanliwe wopajeryani ni Muluku wira nikhale anamona. Hiyo nihuttha,nowurya vamovya ni yowo,numala ohihimuwa we mokwani.
42
Owo oniruma walalerya athu ni wakhalela onamona wira Owo t`othanliwe ni Muluku,wira alamule athu akumi n`ale akwiye.
43
Maprofeta othene yahilotha ni yowo,ehimaka wira athu othene animwamini yowo anopwanya oleveleliwa itampa ,mwaha wa nvyina ne.
44
Pedru alothaka nanlelo ithu ivya,Eroho Yawarya yahakhuruwela othene ale yaiwa masu.
45
AYuda awamini,yaryule ni Pedru yahitikinihiwa wawatha,yonnawa wira hata athu yahakhanle aYuda ahittheleliwa vya Eroho Yowarya,evahiwaka ni Muluku.
46
Thiri yaniwiwa yawo elothaka malothelo othikiniha, envuwihaka Muluku. Nvyo Pedru ahilotha wira:
47
Ninwerya vyai wakhothiherya obatiziwa athu ala yakhenle eroho yawarya nkhama hiyo nakhenlenhu?
48
Khuruma wira ebatiziwe ni nvyina na Yesu Kristu numala awo yahivekhela wira nanlelo akhale ni yawo mahiku vakhani.