Ewarakha9
1
Mahikhu awo Saulo khahinye wahavyula ni wapwetesa arummwa apwiya,vano ahirowa okhuamana ni mulupale anamukhutho .
2
Ahinvekela ewarakha yorowa o Damasiko wira apwanya vale athu akina alopwana ni athiyana yathara ephiro ya Yesu ,athuke aroihe Oyerusalemu.
3
Ahivenya mukwahaye ahalaka ophiya Odamasiku nananoru warya wulupale wakhuma ovyulo .
4
wahimurukurerya Saulo sahimorela vathi ahiea nvyu nalotha wira : Saulo,Saulo,munkihavyulelani?
5
Owo ahira : Mw ,ni nyuwo Pwiya?: Miyo ka Yesu,yowo muninhavyulanyu.
6
Vano nvenye murowe mulaponi mommo munoleliwa enrowanyu wira.
7
Alopwana yetha nkwaha ni Saulo yahemela owanoni owumme awo ,yahiwa, nvyu masi kiyamona muthu.
8
Saulo ahemela vathi,vano ahikhunela maitho khawerya wona ethu ; apareliwa mono aroihiwa Odamasiko.
9
Yahimala mahiku mararu ahiweryaka wona ahithaka ethunari owurya.
10
Odamasiku weiwo ahikhala muthu owamini aithaniwa Ananiyaapwiya yahiryela enlela wira : Ananiya!
11
Owo ahakhula wira: Miyo-va Apwiya yahiwirela wira: Nvenye murowe ephiro yaithaniwa yawokowa,owanye Yuta mwakothe mulopwana onithaniwa Saulo OTarso okhati ola va onovekela.
12
Awonani nkhama molohani nvolowa ariye awokolelaka matata wira athikele wona.
13
Ananiya ahakhula wira: Pwiya kowiwa athu awatha elothaka vya nlopwana owo kharele owirela vyothakala athu n`nyu oyerusalmu;
14
ni nna okhala owerya,ovahiweiye ni mulupale anamukutho owo waphara othene ale anromola nvyina ninyu. Masi apwiya yahinlela wira: Nrowe okhala wira miyo khonthanla nlopwana owo wira alaleye nvyina naka oholo wamalapo ni mamwene n`athu a
15
isarayeli;
16
Miyo kannene kinowonihera ohawa wothene orinyena mahawa wa nvyina naka.
17
Ananiya ahirowa,avolowa npani; arimo Saulo,awokolele matata alela wira: n`himaka Saulo, apwiya Yesu,nwonnenhu mphironi,nraka akiruma ora nva wira nthikele wona,ni muathe eroho yawarya.
18
Nananoro vyahimora ithu nmaithoni mwe, nkhama ikhokhola atikhela wona; tivo ahivenha abatiziwa.
19
Numala ahutha,alipa mmakhuvani. Saulo ahikhala mahikhu vakhany ny arummwa yari oDamasiko.
20
Nananoro ahiphathera olaleiya mpani wathukumaniwa wira Yesu ti muana a Muluku.
21
Othene ale yaiwa yanijanka,elothaka wira: ola khahi yole ahavyula athu anromola nvyina na Yesu? Ola kharenle nno mahalene wathuka athu awo ni waronha wa makhulupale oyerusalemu?
22
Nvyo Saulo anithepa olipa avyanhaka ayuda yakhala oDamasiko athonherakha wira Yesu ti mopoli.
23
Yavinrawa mahiku awatha ayuta yahiwanana omwipha Saulo.
24
Masi owo ahileliwa mahawa wa othuna wa nvyo tho awo yaninliphelela othana ni ohiyu mikhora vya elapo wira emuiphe .
25
Tivo arummwa,ye yahinkhusa ohiyu,yahinviriha ovyulo wa empha yaphenle ilapo yankhurusela vathy enhenle nnikhankalani.
26
Aphiyakaru oyerusalemu,Saulo aniramela ovolowa nmulokhoni wa arummwa,masi othene yanimova,ehimwaminikhi wira nthu awamini.
27
Tivo Barnaba,ahinkhusa,anroihaka wa arummwa,alelaka wira ahiwona apwiya,mpirone ehinlothiha ni wira oDamasiko ahilaleya nvyina na Yesu.
28
Okhuma nihiku nenno Saulo anetha niyawa, anivolowa ni anikhuma oyerusalemu;
29
alipiheryaka olaleya nvyina na pwiya; alotha tho ni a`yudeya yalotha egregu,yanivanhihana ni yawo ;nvyo yawo yaniramela omwipha.
30
Athu awamini evyuwelakaru ithu ivyo,yahinroiha okesareya,emwirela orowa oTarso
31
Mahiku awo,ekereja yakhala ni nrethele elapo yothene ya o`yudeya ni y`ogalileya ni y`oSamariya,athu awamini yanthepa olipa,yethelaka wathithimiha apwiya,ekhaliheriwaka ni eroho yawarya, yanthepa watherereya.
32
Pedru anithothola mikhumanelo vyothene vya athu awamini,nvyo ahiphiya tho wa athu yakhala oLida.
33
Ahimpwanya weiwo nlopwana aithaniwa Eneya,ataleliwe volilini ve amarinhe mwakha thanu na ttharu awereiwaka,ari orakala.
34
Pedru ahinlela wira;Nyuwo Eneya,Yesu Kristu onnovonihani. Nvenye,nkhune olili nnhu. Nananoru,owo ahivenha.
35
Athu othene o Lida n`a elapo y`oSaroni yahimona,erukhunsela mirimavya w`Apwiya.
36
Nthethe wa Yope ahikhalawo nthiyana awamini,aithaniwa Tabitha,enhima wira: Nahe. Owo avira awirelaka ithu vyorera athu othene ni akhaliheraka alipa-othoiwa.
37
Nvyo mahiku awo ahiwereiwa,akwa. Amuvy yahirapiha nruthu,epweha npani mwa ovyulo.
38
Athu awamini o Yope yahivyuwela wira Pedru ari o Lida,athamenleiyewo Yope. Nvyo aharuma alopwana aili orowa weiwo onlela,wira: Nre nno
39
nanano:nkhisamihe,nhilokele. Pedru ahivenha nananoru ni yawo. Aphiyakaru ahiveleliwa empa yele ya ovyulo. Athiyana anamakhweliwa yahinrukurerya yinlaka,emoniha ikuwo ni malaya Tabitha attothenleiye,ari nkumi.
40
Pedru aharuma athu othene okhumela vate. Numala,ahikokhora,akalonpa: vavo ahirukunuwa alipelaka nruthu,ahira: Tabitha nyu!,nvenye! Tabitha ahikhunla maitho : anlipelakaru Pedru,ahikhilathi.
41
Pedru,ahinpharela ntata,ankhalirya wemela. Nvyo,ahiwithana athu awamini ni athiana okweliwa,awoniherya Tabitha ari nkumi.
42
Athu othene o Yope yahivyuwela ethu ela: awatha a yawo yahiwamini apwiya.
43
Pedru ahikhala nanlelo mahikhu awatta o Yope, aruleiye nthu aithaniwa Simoni,nlipa-othikhitta isapala.