¹ Kho olwa mwasimusikusibwa halala nende Kristo choomenje khukali ikulu ewa Kristo ali, niyeekhale khumukhono Omusatsa kwa Nyasaye. ² Rekhwo omwoyo khukali ikulu ne akali mushialo ta. ³ Okhuba mwafwa, khandi obulamu bweenywe nabwo nibubiswa halala nende Kristo Yesu muNyasaye. ⁴ Ne Kristo ouli Obulamu bweefwe olwa alibisukha mwesi mulibiisulwa halala ninaye shichira Kristo alibaheresia obulamu. ⁵ Khulwayako mufwisie ebiungo bienywe ebili mushialo; obwilasi, obuheyi, obwikombi nende likhalikhali, shichira nibio okhwinamira ebifwanani biabutswa. ⁶ Akeenako niko akachira oburima bwa Nyasaye nibwitsa khubakhayi. ⁷ Kho yako niko akamwachendangamwo khale, mwamenyamwo. ⁸ Ne bulano mwinabule nende akenako kosi; Obusinyishi, Oburuma, okhuchikhana nende amanyeko akarua muminwa chienywe. ⁹ Murabeehananga ta mwifwalule omundu wakhale nende ebikhole biosi. ¹⁰ Mwifale imero imbia eyikalukhasibwe mubuchesi mumelo yo omulonji. ¹¹ Ne khubalimwo Omuyahudi, Omuyunani, omushebi kata omusinde, Omurende kata omwibale Kristo niye kosi khandi ali muboosi. ¹² Kho mwifwale shinga olwa muli abalobole ba Nyasaye abatsienukhu khandi abaheelwa, mwifwale omwyoyo kwetsimbabasi, neshisa, nobuholo, nobwifili. ¹³ Nimwisumirisinjia kata nikhwakhabaho okhutsulikana kho mundu yesi, nokhulesherana shinga olwa Kristo yabaleshera. ¹⁴ Nekhuyako kosi mwifwale obuheli neshibalukhwa shiobulamba. ¹⁵ Omulembe kwa Kristo kuruchenje mumioyo chienywe ne nikwo okwa mulanjilwa mumubili mulala nimukhupanga orio. ¹⁶ Likhuwa lia Kristo liamiye mwinywe nobuchesi bwosi nimwechesania mutsisaburi netsinyimbo, nokhutsatsala halala muroho , mubukosia bwOmwami mumioyo. ¹⁷ Mbu kosi akokhola mwikhuwa nohomba mubikhole kabe Mulira lwOmwami Yesu kristo nimukhupa orio khu Nyasaye Papa khulwayako. ¹⁸ Abakhasi mwihaane enywe abene khu basaatsa benywe shichila niko akokhoyele Mumwami. ¹⁹ Abasaatsa muchame abakhasi benywe ne mulaba abalulu khubo tawe. ²⁰ Abaana muhulile abebuli mukosi shichila kamuchamisinjia Omwami. ²¹ Abebuli shimulabahambia abaana benywe obuhruma kachile bafwe emioyo ta. ²² Abasumba abakhongo muhane oluyali khubaruchi beshialo okhulondokhana nende emilimo chiabwe, shikaali mbu khulwa okhubachamisia tawe habula mbu khulwa omwoyo kwobwisikwa nokhumuria Nyasaye. ²³ Ne liosi eliamukhola mukholele mumwoyo kweshiNyasaye halali khumundu ta. ²⁴ Nimumanyirisia mbu khu Nyasaye mulanyola eshihanwa shioobulaame shinga omukabo kwenywe khu khumukhalabanila Omwami Kristo. ²⁵ Ne oukhola amabi yakhanyoole omurungo okhulondokhana nende obubi bwayakhola.