¹ Neenyu abaami, mbakholeleenje abasumba benywe akali habwene nende akakhoyeele; nimumanya mbu kata mwesi multi nende Omwami wenywe ouli mwikulu. ² Mutsililile mumasaayo nimuba meeso halala nokhuupanga orio, ³ halala nayako mukhusayile fwesi, mbu Nyasaye akhwikulile omuliango khulwa likhuwa, mbu khuboole akelibisilo lia Kristo, Elia endi omubohe walio. ⁴ Saaye mbu embe ounyala okhulibakala abulafu, shingana ekhoyeele okhuboola. ⁵ Muchende mubuchesi khubalia akali elwanyi, nimwikhoonyela obulai obulayi obwiyangu obuliho. ⁶ Amakhuuwa aka muboola kabetsenjemwo obukosia tsinyanga tsiosi, akalunjilwe nende omunyu mbu mumanye shinga olwa mukhoyeele okhukalusia mbulimundu ⁷ Amakhuwa kanje, Tikiko, yakhamumanyie kosi, naye omwana wefwe omuheerwa, khandi omukhalabani omwiisikwa, omusumba washianje mumwami. ⁸ Owandaruma khunywe khulwa likhuwa lienelo, mbu amanye akenywu shinga olwa Kali, khandi mbu abatinyisie emioyo chieenywe; ⁹ halala nende Onesmo, omwana wefwe omisiikwa omuheerwa ouli mulala khwinywe, balamuboolela amakhuwa koosi akekholekha hano . ¹⁰ Aristariko, omubohe wa, shianje amushesia, nende Mariko omwana wabwe Baranaba; ( ye ulia umwalachilisibwa, mumwinjisie obulayi:) ¹¹ nende Yesu, oulaangwa mbu Yusito, yabo naabeshishebo. Ne nibo boonyene abali abakholi bashianje mukobwami bwa Nyasaye, abahootseresi baanje. ¹² Epafura, ouli mulala khwiinywe omurumushi wa Kristo Yesu, amushesie, abalwaniranga mumasaayo buli eshise, mbu musinjile nimuli abalamba nimuralira mukoosi akaNyasaye yeenya. ¹³ Okhuba endi omuloli we, shinga olwa ali mubunyakhani obuunji khulweenywe nende khuyabo abaLaodikia, kata yabo abaHieropoli. ¹⁴ Luka, omuheerwa wefwe, omusilishi, nende Dema bamushesiiye. ¹⁵ Shesia abaheerwa bali Elaodikia nende Nimifa nende likanisa elilimuunzu uuwe. ¹⁶ Ne olwa ibarua yino yiba nimalile okhusoomwa mwiinywe, muchikhole khandi isoomwe mukanisa elia Abalaodikia. Mulole mbu mwesi musomele ibarua eyirula Elaodikia. ¹⁷ Boolera Arikipo, mbu yerecheshe khubukhalabani obwa abaheelwa mumwami mbu yoosie habwene. ¹⁸ Amashesio kano ehandiiche omwene nomukhono kwanje-Paulo. Yitsulila ebiboho bianje. Obukosia bube ninenywe.