¹ Paulo ahanga amaso abantu bali batelanye alavuga, "Bagenzi bange, mbayeho imbele yimana numutima gwiyumvila neza kushicha uyu musi." ² Anania askofu mukulu ategeka abali hofina wene bamukubite kumunwa wiwe. ³ Niho Paulo yamubwila Imana izokukubita wewe ulukuta lusizwe ichokaa wikaye kuchila ulubanza kumategeko nawe utegeka nkubitwe kunyu lanye ni sheria?" ⁴ Badya bali bahagaze hofi nawe balavuga, "Uku niko utuka Askofu mukulu wi Mana?" ⁵ Paulo alavuga "bagenzi bange sindamenya yuko uyu ali Askofu mukulu. Kubela vyandichwe, ntumovuga nabi umutwale wabantu bawe." ⁶ Paulo abonye yuko uluhande lumwe ala Abasadakuyo abandi Abafarisayo alasemelela avuga, "bagenzi bange jewe ndumu farisayo, Umwana wumufarisayo nikubela kukutinyuka nizige kuzuka kwa bapfuye nicho kituma bachila ulubanza. ⁷ Avuzivyo ubuhalilizi bunini bucha bulaba hagati ya Mafarisayo naba sadukayo ikitelane chichamwo kabili. ⁸ Kubela abasadukayo bavuga ntakuzuka abamalaika ntana mutima aliho, aliko abafarisayo bavuga ibi vyona biliho. ⁹ Uluhagalala lunini lilabaho bamwe mubandichi bali kuluhande gwa mafarisayo balahalala bala bazanya, bavuga, "Ntitula bona chochose kuli yuno muntu. Nikute mutima au malaika yaganiye na wene?" ¹⁰ Bavuganye amajambo akaze, umukulu wabana jeshi yalatinye yuko Paulo bohava bamugabana ibipande pande, kwidyo acha alategeka abana jeshi bululuke Paulo bamukulecho kunguvu mbele ya bajumbe bulubanza bamutwla managome. ¹¹ Ijoro dya kulikiye umwami yahagaze hofi yiwe avuga ntitinye kubela washuhudoiye Yerusalemu kandi ulotanga ubushahidi na Roma. ¹² Hamaze kucha bamwe mubayahudi bala sezelanye bahamala umuvumo hejuru yabo. Bavuga yuko bata zodya no kunywa chochose mpaka ahobazo mwicha Paulo. ¹³ Hali abantu balenga arobaini bakoze iyo njama ¹⁴ Bagenda kuba kulu ba makuhani nabazehe bavuga Twisize kumuvumo munini twebwe nyene ntitudye chochose mpaka ahotuzo mwicha Paulo. ¹⁵ None lelo abacha ulubanza nibabwile kamanda mukulu amuzane iwanyu nkuko mushaka kucha ulubanza gwiwe neza twebwe ino tuli tayari kumwicha atalasohole ngaha." ¹⁶ Aliko Umwana wa mshikiwa Paulo alumva yuko haliho injama alagenda alingila mungome alamubwila Paulo. ¹⁷ Paulo ahamagala Umwanajeshi alavuga mutwale uyu musole kwa kamanda mukulu kubela uyu alafishe ijambo aubwila. ¹⁸ Uwo mwanajeshi acha ala mutwala uyo musole kwa kamanda mukulu ala mubwila, "Paaulo yudya mfungwa ya mpamagaye ambwila kuzanile uyu musole alafishe ijambo akubwila." ¹⁹ Kamanda mukulua afata ukuboko agenda na wene kuluhande ala mubaza, "Nikintu nyabaki ushaka kubwila?" ²⁰ Uyo musole alavuga, " Abayahudi baganiye kukusaba Paulo nyibucha umuzane kubacha lubanza nkiko baba basha kuva ihabari ziwe neza. ²¹ Wewe ntulo kwemele kubela abantu balenga arobaini bamwibundiye. Bifunze kumuvumo, ntibadye ntibanywe mpakaho bazo mwicha. Nubu balitayari balindiye ikitambulisho kwawe." ²² Kamanda mukulu alamuleka uyo musole agende, amaze kumwihanikiliza "ntubwile umuntu wewese yuko wabwiye ivyo." ²³ Ahamagara abana jeshi babili avuga bandale abana jeshi amajana abili kugenda kaisaria na banajeshi bulila ifarasi milongo mushanjo, nabamachumu amajana abili, mulo kwanduluka kwizamu ya katatu yijoro. ²⁴ Ababwila kwandala ibikoko uzotwala Paulo azo mutwale neza kuli Feliki ichgela cha Kaisali. ²⁵ Yandika ibaruha kuti, ²⁶ Klaudio lisia kuli liwali nyakubawha Feliki, ndakujeje. ²⁷ Uyu muntu yafashwe na Bayahudi balihofi kumwicha, niho ndagenda numugwi wabana jeshi ndamukiza, maze kubonka ihabari yuko alumunya kihungu cha barumi. ²⁸ Nashache kumenya ni kuku bamushitaka ndamutwala kubachamanza. ²⁹ Mbona yuko yashitakiwe kumajambo ya mategeko yabo, wala ntiya shitakiwe ijambo dyodyose dyotuma yichwa au kufpugwa. ³⁰ Bilamenyekana kwange yuko hali injama kuli wene, kulivyo ni bugoga na mutumye kwawe, ntegeka badya bamushitaka bazane amashitaka imbele yawe balasezelana." ³¹ Badya bana jeshi balubaha amategeko: Bala mutwala Paulo mpaka Antipatri mwijoro. ³² Ulusikugwa kulikiye abana jeshi benki balabasiga badya bagenda ni farasi bagende hamwe nawe, nabo basubila iwabo mungome. ³³ Abagenda ni Farasi bosohoye Kaisaria bamuha liwali yidya baruha bamushila Paulo imbele yiwe. ³⁴ Nawe liwali asomye iyobaruha yala mubajije Paulo wavuge mwiwilaya yahe, amenye yuko alumuntu wa kilikia, ³⁵ Alavuga, "Ndokumva wewe ni baza badya bakushitache," ategeka bamushile ikulu kwa Herode.