¹ Bene wachu na dawe waje mwuvilize ukwitetea kwaje vyondokola iwanyu umbu. ² Mumukutano buvishije Paulo avuze nabo ikihebulania, balanuma alavuga. ³ Jewe dumuyahudi ndavukiye mumuji wa Talaso mwieneo dyakilikia ila ndalose ielimu mumuji uwu kumangulu ya Gamalieli ndigishijwe kungana nubusahihi na matengeko ya dawe bachu jewe ndinumwete wimana nuko namwe mwesi mumeze uyumusi. ⁴ Ndala bateseje kuzila vyikugeza kuvanye, ndabafuga abagabo na bangole nikubashila mukifungo. ⁵ Kadi numuhelezi mukulu wa bazehe bosi bashobola kutanga ubushuhuda yuko ndakiye ibaluwa kuva iwabo kubela ya bene wachu bali haliya Dameski jewe jewe kusafili kungenda hiyo ndagombegwa ndabazane abantu Iyelusalemu kuzila yidya kugila bafugwe na bahanwe. ⁶ Guvuye mwijulu gumbaza kumulika. ⁷ Chandagwa hasi chanuva isauti libwila Sauli, Sauli kubela iki ushavuza. ⁸ Ndishula, wewe ulinde, mwami? Ni jewe Yesu munazaleti yuko wewe ushavuza. ⁹ Mbadya balikumwe naje balabonye umwanga, kadi ntubuvishije isauti ya yudya yamalavuga na jewe. ¹⁰ Chavuga nkole iki, mwami? Umwami alabwila hagalala na wijile Dameski, hiyo ulobwigwa na kila chulokola. ¹¹ Sinda shoboye kubona kubela yu mwanga wampumije niho badya bafata ukoboko niho ndachagenda iDameski nikogozwa na mambeko ya badya balihamwe naje. ¹² Hiyo champula numuntu yitwa Anania yulumuntu yafashe amategeko na wene kumbaha imbele yabayahudi bose ambamba hiyo. ¹³ Alaza iwange alahagalala imbele yange ni kuvuga mwene wachu Sauli ulonke kubona kumwanya wudya wudya chanda mbona. ¹⁴ Achavuga, Imana ya badawe bachu mbake chaguye wewe ulonke kumenya ulukundo gwiwe kumumbona yudya. Agololoche ni kuva isauti iva mukanwa kiwe. ¹⁵ Kukubela uloba umusuta wiwe kubantu bose hejulu yowabonye ni kuyuva. ¹⁶ None ubu kubela iki ulindila? Vyuka, ubatizwe, woze ivyaha vyawe, uhamagala izina dyiwe. ¹⁷ Hanyuma yokugenda Yelusalemu handali ndasenga mwikanisa haboneka yuko ndohawe kulota. ¹⁸ Chabona abwila ni ngoga kukubela ntibalokwemela ubushuhuda bwawe kuvyelekeye jewe. ¹⁹ Chavuga, mwami, bene yene balamenya kondafuzwe mukifungo ni kumbakumbita badya mbakwemela kubela sina gogi. ²⁰ Na malaso ya Stefano na masuta iwawe hambasesako naje yuko ndalinda hagaze hofi ni kwemela ni kulinda impuzu za badya balimo balamwicha. ²¹ Aliko yalabwiye, Genda kukubela jewe ndokutuma ugende kulele ya bantu ba mahanga. ²² Abantu balamulekula avuge hejulu ya yijambo ili aliko hanyuma baladugije isauti ni kuvuga mukuleho umuntu uyu kubela isi kukubela ntili sawa abemwo. ²³ Hobandaza isauti ni kutaga imwambalo yambo ni kutelelo ivumbi hejulu. ²⁴ Jemedali mukulu yamulisha Paulo azamwe .Mungome yamulisha ambazwe ino amalakumbitwa inkoni kugila wene nyene amenye ni kumbe laiki mbala mupigi la ikele badyo. ²⁵ Bamaze kumumbona umwambo, Paulo alamubwila akida yalihagaze hofi yiwe, "Je ihaki yanyu nikukumbita umuntu alu mulumi na kadi batalamuhukumu. ²⁶ Yudya akida yuvishije amajambo ayo, alagenda kwa jemedali mukulu ni kumubwila avuga," Ushaka kukola iki? Kukubela umuntu uyu numulumi. ²⁷ Jemedali mukulu alaza ni kubwila, "bwila, wewe ulumulaiya wa lumi?" Paulo achavuga,ego. ²⁸ Jemedali alishula, "Nikuchila ikiasi kinini cha mahela niho ndalonka ubu laiya." Aliko Paulo alamubwita, "Jewe dumulumi wo kuvikilaho." ²⁹ Basi badya bali tayali kugenda kumumbaza mbalagenda ni kumuleka kuluo mwanya uwouwo na jemedali newene alatinya amaze kumenya Paulo kalumulumi nikubela yamufunze. ³⁰ Umusi gukwilikilaho jemedali mukulu yagomba kumenya ubukweli kuvyelekeye amahitaka ya bayahudi zaidi ya Paulo niho yacha amwugululila ibifungo vyiwe achala mulisha abakulu ba makohani nimbalaza dyose bahule achala muzana Paulo hasi ni kumushila hagati yambo.