¹ Isiku zitanu zihoye Anania askofu mukulu bazehe bamwe numuvuzi yumwe yitula Tertulo, bagenda hadya. Ababatu bazanye amashtaka yo kulega Paulo kuchegela cha kayisari. ² Paulo ahagaze imbele yichegela cha Kaisati Tertulo atangila kumushtaka kuchegela cha Kayisari, "Kubela wewe tufishe amaholo mukulu; ni bindibikogwa kubuhagalikizi bwawe vyazaye kuhindula neza ikihugu chachu. ³ Tulakushimiye kubela twakila kila kintu ukola, Feliki nyakuwha tulakushimye. ⁴ Aliko sikulushe chane, ndakusavye unyumvileze kumajambo make kubugwaneza bwawe. ⁵ Twabone unyu muntu alikiza, atuma abayahudi baba abahakanyi kwisi yose. Kandi numulongozi wa madini ya banazareti. ⁶ Kandi yalagelageje kuhumanya ikanisa tulamufata. ⁷ Lisiasi umuhofisa yalaje amutukula mumaboko kunguvu. ⁸ Niwa mwibaliza Paulo kulibi bintu nawe ucha umenya ivyo tumuleze vyose." ⁹ Abayahudi nabo bala mushtaki Paulo bavuga yuko ivyo bintu ni kweli. ¹⁰ Chegela cha kayisari kimaze kumukebula Paulo avuge Paulo yalishuye, "Ndamenya yumaze imyaka myinki. ulumucha manza wiki kihugu kandi ndanezelewe kwiteteya kwawe. ¹¹ Ulamenya yuko hatala hele isiku hele isiku zilenga chumi na zibili kuvaho ndagenda kusali Yelusalemu. ¹² Hobansanga mwikanisa sinda haliye numuntu na wewese sinda zanye ivulugu mukitelane no mumasinagogi no mumuji. ¹³ Kandi ntiba shobola kuku hakikishiliza amashtaka bashtache. ¹⁴ Aliko ili ndalikwemelela, kunzila abo bita bita amadini kuliyo nzila niko kolela Imana yaba Daha. Jewe ndumwizegwa kubili mumategeko ni vyandichwe na bavugishwa. ¹⁵ Mfishe ivyizigilo kumana ivyo nabene balindiyekohaloza kuzuka kwaba gororochi na bahakanyi. ¹⁶ Kulili, bituma nkola ikazi kugila jimbe numutima unyagiza ubu mbeleyi Mana ni mbele yabantu kubintu vyose. ¹⁷ Hanyuma yi myaka myinki ndazanye umusada kukihugu change nakashimwe kamahela. ¹⁸ Honda kola kuti abayahudi ba Asia bansanze mwisherehe yikanisa ndihumanye atamugwi wa bantu atanuluhagalala. ¹⁹ Abobantu nibo bashakigwa kuba imbele yawe ubu bavuge cho bafishe hejuru yange nimba bafishe ijambo dyodyose. ²⁰ Au ababantu nyene ni bavuge ni kosa dyahe bambo yeho honda hagalala imbele yabachamanza babayahudi. ²¹ Atali kubela ikintu kime navuze kwisauti mpagaze imbele yabo, "Ntukuzuka kwabafpuye niko kutumye mumpukumu." ²² Feliki yali mate kubwigwa neza iyo nzila, acha alafunga ikitelane. Avuga, Lisia kamanda niyaza hasi kuva Yelusalmu ndocha ulubanza gwa majambo yanyu. ²³ Ntegeka umukulu wabanajeshi mutwale Paulo umunde ila abeni nafasi ntihabeho umuntu wokubuza abagenzi, biwe kumufasha au kumutembelela. ²⁴ Hanyuma yamasiku, Feliki agaluka na Drusila mugole wiwe yali Umuyahudi atuma kuhamagala Paulo yumviliza vyavuga kukwizera Klisto Yesu. ²⁵ Paulo aliko avugana nawene vyo kugololoka kwilinda nulubanza luloza, Feliki alatinya alishula, genda kule ubu ila nindalonka umwanya kandi ndokuhamagala." ²⁶ Mulugo mwanya yalitegeleje yuko Paulo amuha amahela nicho chatuma amuhamaga kenki aganile na wene. ²⁷ Imyaka zibili zohoye, porkio Festo aba liwali asubilila Feliki aliko Feliki yashaka kwipendekeza kuba yahudi kulivyo asiga Paulo akili mwigereza.