¹ One nisili huru? One nisili mwanandeje? One nisikhamwajile Uyesu Umtwa wesu? Omwe ni matunda ga nsengo yangu kishilila Umtwa? ² Nda one nisili mwanandeje kwa vanji, angalau nili mtume kunyenyu omwe. Kwa kiva omwe ni uthibitisho wa uwanandeje wangu kishilila Umtwa. ³ Uwu ndio utetelaji wangu kwa vala vini vakinihunjisa one. ⁴ Wuli tisina ihaki ya kilya na king'wela? ⁵ Tisina ihaki ya kitola umudala mwini wayamini ngaja shini vigaha avanandeje vanji, na vanyalukholo va Mtwa, nu Kefa? ⁶ Au one yune duguli nu Barnaba vini tipaswa kisenga insengo? ⁷ Yu nani mwini isenga insengo ngaja musulukhali kwa gharama sakwe yumwene? Yu nani mwini idobokha umusabibu na asilya amatunda gakwe? Au yu nani mwini idima ishipuga mwini asing'wela utupyo twakwe? ⁸ Wuli nilogola aga kwa mamulakha ga shibinadamu? Isheriya nayiyene yisilogola aga? ⁹ Kwa kiva yiyandishwe ku sheriya ya Musa, '' usikhaipinyaga ing'ombe umulomo pini yilya amasawo.'' Ni kweli kija panu Unguluvi ijali ing'ombe? ¹⁰ Au wuli asilogola ago kwa ajili yesu? yiyandishwe kwa ajili yesu, kwa kiva umwene mwini ilima amasawo yikimufwaya kilima kwa mahivililo, numwene mwini ikungula yikimupasa akungulo kwa mahivililo ga kishiriki kukungulo. ¹¹ Nda tavyalaga ifinu fya shiroho mu vamo va munyenyu, Wuli! Ni liswi likhome kunyesu nda tikungule ifinu fya shimwili kihuma kunyenyu? ¹² Nda avanji vapataga ihaki iyi kihuma kunyenyu, Wuli! Ose sio ndio saidi? Hata ndeno, tisikhaidayile ihaki iyi. Badala yakwe, tafumililaga amajowo gona badala ya kiva shikwaso sha mola ya Kristo. ¹³ Musimenye kija wona vini visenga insengo mulitembe vipata ishakilya shanave kihuma mulitembe? Musimenye kija wona vini visenga insengo kumasabahu vipata isehemu ya shila shini shihumisiwe kumasabahu? ¹⁴ Kwa namna yiyo, Umtwa walajisaga ya kija wona vini vitangasa imola ilisharti vawese kikhala kwa kufwata ni hiyo imola. ¹⁵ Lakini nisavadayi ihaki sona isi. Na nisiyandikha aga ili ulujowo lolona lusenjeshe kwa ajili yangu. Bora one nifwe kuliko umunu yeyona kusetusa huku kuisufya kwangu. ¹⁶ Maana nda yive nihubiri imola, nisina isababu ya kuisufya, kwa kiva ni lasima nigahe ndeni. Na ole wangu nda nileshe kuihubiri imola! ¹⁷ Kwa kiva nda nigahe ndeni kwa hiari yangu, nina thawabu. Lakini nda ive sio kwa hiari, bado nina jukumu lini nipelilwe kiva wakili. ¹⁸ Ino ithawabu yangu ni nshii? Ya kija pini nihubiri, ambi nihumya imola bila gharama na bila kutumila kwa utimilifu wa haki yangu yini ninayo ku mola. ¹⁹ Maana japo nava huru kwa wona, nasengwagwa mwanandeje wa wona, ili kija niwese kivapata vinji mandu. ²⁰ Kwa Vayahudi nikhandi ngaja Myahudi, ili nivapate Avayahudi. Kwa vala vini vali pansi ya sheriya, nikhandi ngaja yumo wanave mwini ali pansi ya sheriya ili nivapate vala vini vali pansi ya sheriya. Nagahaga ndeno japo one binafsi nisikhandi pansi ya sheriya. ²¹ Kwa vala vini vali kunja ya sheriya, nikhandi ngaja yumo wanave mwini nili kunja ya sheriya, japo one binafsi nisikhandi kunja ya sheriya ya Nguluvi, ila pansi ya sheriya ya Kristo. Nagahaga ndeno ili nivapate vini vali kunja ya sheriya. ²² Kwa vini vakhandi vanyonga nikhandi munyonge, ili nivapate vini vanyonge. Nava hali sona kwa vanu wona, ili kwa nsila sona niwese kivakulusa vamonga. ²³ Nayune nigaha amajowo gona kwa ajili ya mola, ili niwese kushiriki ku baraka. ²⁴ Musimenye kwa vini visiga wona vini vishinda visiga, lakini mwini iposhela isawadi iva yumo? Ino siji ili mupelwe isawadi. ²⁵ Mwini isiga akiisivila ku gona pini iva kuimanyisa. Avo vigaha ndeno ili vapate itaji yini yinanjikha, lakini ose tisiga ili tipate itaji yini yisinanjikha. ²⁶ Ino one nisisiga bila sababu au nitovaga ingumi ngaja kitova ihewa. ²⁷ Lakini nikigulafya umuvili gwangu na kugugaha ngaja mwanandeje, ili kija pini ambi nimala kivahubiri avanji, one yune nisikhavesaga wa kikhanwa.