¹ Ino kihusu ifyakilya fini fihumisiwe isadakha kwa sanamu: timenye ya kija ''ose wona tina maarifa.'' Amaarifa gileta amajivuno, ila uugani wusenga. ² Nda umunu yeyona ihiva kija amenye amajowo gamonga, umunu uyo bado asimenye ngaja shini yikimupasa kimanya. ³ Lakini nda yumo wanave amudoboshe Unguluvi, umunu uyo imanyikha numwene. ⁴ Ino kihusu ifyakilya fini fihumisiwa isadakha kwa sanamu: timenye kija ''isanamu sio shinu kunyii iyi,'' na kija kusina Unguluvi ila yumo tu. ⁵ ''Kwa kiva kuna vinji vini vishemelwa manguluvi nda yive kushanya au kudunia, ngaja ndenela shini vashwali ''amanguluvi na vatwa vinji.'' ⁶ ''Japokiva kunyesu kuna Nguluvi yumo tu mwini yu Wihesu, ifinu fyona fyahuma kunyakwe, nayuse tikhala ku yakwe, nu Mtwa yumo Uyesu Kristo, mwini kunyakwe ifinu fyona fyava fikwali, na kwa mwene ose tikwali.'' ⁷ Hata ndeno, uujusi uwu ukusina mukhati ya shila yumo. Badala yakwe, avamonga vaihusisaga muibada sa sanamu apo pakhala, na hata isalisi vilya ifyakilya ifi ngaja kija ndio shinu shini shahumisiwa sadakha kwa sanamu. Amahiva ganave gayaswagwa kwa kiva mavi. ⁸ Lakini ishakilya shisikhatiwonensise ose kwa Nguluvi. Ose tisili vavi mandu nda tisilya ishakilya, wala vanofu mandu nda tilye. ⁹ Lakini muve meho kija uuhuru wenyu usikhavesaga sababu ya kumukhalasa mwini mubofu kulihuvi. ¹⁰ Ebu hiva kija umunu wakwaga, owe mwini una ujui, wilya ishakilya kuhekalu lya sanamu. Amahiva gakwe umunu uyo gasikhawonekha hata umwene nayumwene alye ifinu fini fihumisiwe sadakha kwa sanamu? ¹¹ Ino kwa sababu ya ufahamu wakho wa ukweli kihusu iasili ya sanamu, ukaka au udada wakho mwini mubofu, mwini wope Ukristo wafwisaga kwa ajili yakwe, ibudwa. ¹² Ino pini wusenga isambi sidi ya kaka nu dada wakho na kugatesa amahiva ganave gini mabofu, musenga isambi sidi ya kristo. ¹³ Ino, nda ishakilya shisababisa kimukhalasa ukaka au udada, nisikhalya inyama shiluta, ili nisikhamusababisaga ukaka aua udada wangu kigwa.