¹ Kihusu amajowo gini mwagayandikhaga: Kuna luhavi lwini lunofu umugosi asikhagonaga nu mudala wakwe. ² Lakini kwa sababu ya majaribu minji ga zinaa shila mugosi ave nu mudala wakwe, na shila mudala ave nu mugosi wakwe. ³ Umugosi ipaswa kimupela umudala ihaki yakwe ya ndoa, na shishila umudala wope kwa mugosi wakwe. ⁴ Sio mudala mwini ana mamulakha ku muvili gwakwe, yu mugosi. Na shishila, umugosi nayumwene asina mamulakha ku muvili gwakwe, ila umudala anayo. ⁵ Musikhafinyanaga pini mwigona, isipokiva muyitikhene kwa muda maalum. Gahi ndeno ili kipata umuda gwa maombi, Bahene muwesa kuwuyililana khanji bahamo, ili kija Ushetani asikhayinsaga kwa kikhosa ishiasi. ⁶ Lakini nilogola aga amajowo kwa hiari na sio ngaja amri. ⁷ Nidobokha shila yumo wa ave ngaja one shini nishwali. Lakini shila yumo ana karama yakwe kihuma kwa Nguluvi. Uyu ana karama iyi, nu yula ana karama yila. ⁸ Kwa vini vasitolilwe na vajane nija kija, unofu kunyanave nda vasigale bila kitolwa, ngaja shini nishwali one. ⁹ Lakini nda vasiwesa kuisivila, vipaswa kitolwa.Kwa kiva unofu kunyanave kutolwa kuliko kivekha imbungulu. ¹⁰ Ino kwa vala vini vatolilwe nikivapela iamri, sio one ila yu Mtwa. ''Umudala asikhabagulanaga nu mugosi wakwe.'' ¹¹ Lakini nda aibagule kihuma kwa mugosi wakwe, asigale shisho bila kutolwa au nda ndeno ayitikhane nu mugosi wakwe. Nu ''Mugosi asikhamupelaga italakha umudala wakwe.'' ¹² Lakini kwa vini vasigele, nija- one, sio Mtwa- kija nda umunyalukholo yeyona ana mudala mwini asiyamini na iyitikha kikhala numwene, asipaswa kimulekha. ¹³ Nda umudala ana mugosi mwini asiyamini, na nda iyitikha kikhala numwene, asikhamulekhaga. ¹⁴ Nda umugosi mwini asiyamini ivalaswa kwa sababu ya lihuvi lya mudala wakwe. Nu mudala mwini asiyamini ivalaswa kwa sababu ya mugosi mwini iyamini. Nda ndeno avanenyu nda vava vasili safi, lakini kwa kweli vavalaswa. ¹⁵ Lakini umutolwa mwini asiyamini nda awushe na kiluta. Kwa namna iyo, ukaka nu dada ipinywa nulufingo lwanave. Unguluvi watishemela tikhale kwa amani. ¹⁶ Wimanya wuli nda umudala, anga mukulusa umugosi wakwe? Au wimanya wuli nda umugosi, anga mukulusa umudala wakwe? ¹⁷ Shila yumo akhale amakhalo ngaja Umtwa shini wavagavila, shila yumo ngaja Unguluvi shini wavashemela avene. Uwu ni ulungosaji wangu kwa matembe gona. ¹⁸ Akwali mwini akhandi atahiliwe pini washemelwagwa kiyamini? Asikhajelaga kiwusa ialama ya tohara yakwe. Akwali yeyona mwini washemelwagwa kulihuvi asitahiriwe? Asipaswa kitahiriwa. ¹⁹ Kwa ili nda atahiriwe wala mwini asitahiriwe kusina matatiso. Ishinya matatizo ni kupulisa iamri sa Nguluvi. ²⁰ Shila yumo asigale kulushemelo shini akhandi ashwali pini washemelwagwa nu Nguluvi kiyamini. ²¹ Ukhandi mufilikhwa pini unguluvi wakushemelaga? Usikhahivaga kihusu ilyo. Lakini nda wuwesa kiva huru, gaha ndeno. ²² Kwa yumo mwini washemelwa nu Mtwa ngaja mufilikhwa ali munu mwini ali huru kishilila Umtwa. Ngaja ndenela, yumo mwini ali huru pini ishemelwa kiyamini iva mwanandeje wa Kristo. ²³ Sha tayari mwagulwa kwa thamani, ino musikhavesga vafilikhwa va vanadamu. ²⁴ Vakaka na vadada vangu, ku makhalo gogona shila yumo wesu pini tashemelwagwa kiyamini, tisigale ngaja ndenela. ²⁵ Ino, vala wona vini vasitolile shiluta, nisina amri kihuma kwa Mtwa. Lakini nikivapela amaoni gangu ngaja shini nishwali. Kwa lusungu sa Mtwa, sini siyaminikha ²⁶ Ino, nihuvilila ndeno kwa sababu ya usumbufu, unofu umugosi asigale ngaja shini ashwali. ²⁷ Upinyilwe nu mudala ni lufingo lwa ndoa? Usikhasakulaga uuhuru kihuma kwa ilyo. Una uhura kihuma kwa mudala au usitolilwe? Usikhasakulaga umudala. ²⁸ Lakini nda utole, usisenjile isambi. Na nda umudala asitolilwe nda atolwe, asisenjile isambi. Bado vala vitolana vipata amalawo ga aina mbalimbali. Nayune nisakule nivakwewusise ago. ²⁹ Lakini nilogola ndeni, vakaka na vadada vangu, umuda guli mfupi. Kihuma isalisi na kiyendelela, vala vini vana vadala vakhale ngaja vasina. ³⁰ Wona vini vasugumilwe vaigahe ngaja vakhandi vasisugumilwe, na wona vini vishendeva, nda vakhandi vasishendeva, na wona vini vigula ishinu shoshona, nda vasikhamiliki shoshona. ³¹ Na wona vini vilava nu wulimwengu, vave ngaja vasikhasenjile nawo. Kwa kiva amitindo ga nyii gifishila umwisho gwakwe. ³² Nisakula kiva huru kwa masumbufu gona. Umugosi mwini asitolile akiihusisa ni finu fini fikimuhusu Umtwa, inamna ya kimunojela umwene. ³³ Lakini umugosi mwini atolile akiihusisa na majowo ga nyii, inamna ya kimunojela umudala wakwe, ³⁴ wagavanyikha. Umudala mwini asitolilwe au bikira akiihusisha ni finu kihusu Umtwa, inamna ya kuibagula ku mvili na ku roho. Lakini umudala mwini asitolilwe akiihusisa kihusu ifinu fya dunia, inamna ya kumushendefya umugosi wakwe. ³⁵ Nilogola ndeni kwa faida yenyu yumwe, na nisivikha umtego kunyenyu. Nilogola ndeni kwa kiva ni haki, ili kija muwesa kuivikha wakfu kwa Mtwa bila lukhalalo lolona. ³⁶ Lakini nda umunu ihiva asiwesa kimusenjela kwa lishima umwana mwali wakwe, kwa kiva ihisia sakwe sina ngufu mandu, lekha atolane numwene ngaja shini adobweshe. Siyo sambi. ³⁷ Lakini nda watola amaamusi kilekha kitola, na kusina ihaja ya lasima, na nda iwesa kitavala ihamu yakwe, ambi isenga unofu nda asimutola. ³⁸ Ino, mwini akimutola umwanamwali wakwe igaha unofu, na yeyona mwini ihagula kilekha kitola igaha unofu mandu. ³⁹ Umudala apinyilwe nu mugosi wakwe pini ali musima. Lakini nda umugosi wakwe afwe, ali huru kitolwa nu yeyona mwini akimudobokha, lakini kwa kishilila Umtwa tu. ⁴⁰ Bado kumaamusi gangu, ambi iva nuushendefu mandu nda akhale ngaja shini ashwali. Na nihiva kija one khanji nina Roho wa Nguluvi.