¹ Yumo wenyu pini iva ni tatiso nu muyine, ijela kiluta kumahakamaya ya vina vasina ihaki kuliko pamwandi ya vaumini? ² Musimenye kiva avaumini ambi vakiuhiga uwulimwengu? Na nda ambi mukiuhiga uwulimwengu, musiwesa kilamula amajowo gini galisi muhimu? ³ Musimenye kija ambi tikivahiga avamalaikha? Kwa shiasi shishi mandu, tiwesa kilamula amajowo ga maisha aga? ⁴ Nda tiwesa kihiga amajowo ga maisha aga, kwa nshii mwijela kitwala amasitakha oamwandi ya vini vasiyima mulitembe? ⁵ Nilogola aga kwa nsoni yenyu. Kusina umunya busara munyenyu wa kukwilana kivikha amajowo sawa ku munyalokholo nu munyalukholo? ⁶ Lakini nagaja shini yishwali isalisi, umwamini yumo iluta kumahakama kwa ajili ya muumini uyunji, na masitakha ago givikhwa pamwandi ya muhigaji mwini asiyamini! ⁷ Uukweli ni kija kuna matatizo ku Vakristo gini gileta tayari amalawo kunyenyo. Kwa nshii musikhalavaga kwa mavi? Kwa nsii muyitikha kidehelwa? ⁸ Lakini mwasenga uuofu na kidehela avanji, na avo ni vakaka na vadada venyu! ⁹ Musimenye kija vini vasili va haki vasikhauhala uufalme wa Nguluvi? Musikhayaminigi uudehi. Avaasherati, avaabudu sanamu, avasheni, avafilari, na avalawiti, ¹⁰ avahiji, avashoyo, avagasi, avapokhaji, avaligaji- kusina mu avo mwini ambi akiuhala uufalme wa Nguluvi. Na avo vakhandi vamonga vanave ni yumwe. ¹¹ Lakini sha mwavalaswa, lakini sha mwayoswa, lakini sha tayari mwabagulwa nu Nguluvi, lakini mwasengwa haki pamwandi ya Nguluvi kishilila ilitawalya Mtwa Uyesu Kristo na kwa Roho wa Nguluvi wesu. ¹² '' Ifinu fyona ni halali kunyangu'', lakini sio shila shinu shina faida. ''Ifinu fyona ni halali kunyangu,'' lakini nisikhatavaliwa ni shimo sha ifyo. ¹³ ''Ishakilya ni kwa ajili ya utumbo, nuutombo ni kwa ajili ya shakilya, '' lakini Unguluvi ambi akifiwusa fyona. Umuvili gusitendilwe kwa ajili ya ushemi, badala yakwe, umuvuli ni kwa ajili ya Mtwa, nu Mtwa ambi akiguhudumila umuvili ¹⁴ Unguluvi wamufufulaga Umtwa na yuse khanji ambi akitifufula kwa ngufu sakwe. ¹⁵ Musimenye kija amavili gesu gana muunganikho nu Kristo? Muwesa wuli kufihumya ifiungo fya Kristo na kiluta kufiwunganisa nu mushemi? Yisiwesekhana! ¹⁶ Musimenye kija mwini iwungana nu mushemi wava muvili gumo numwene? Ngaja iliandikho shini lija, ''Vavili ambi viva muvili gumo.'' ¹⁷ Lakini mwini iwungana nu Mtwa ambi iva roho yimo bahamo numwene. ¹⁸ Yisiji izinaa! ''Shila sambi yini akiisenga umunu ni kunja nu muvili gwakwe. Lakini izinaa, umunu isenga isambi sidi ya muvili gwakwe yumwene. ¹⁹ Musimenye kija amavili genyu ni litembe lya Roho Mtakhatifu, mwini ikhala mukhati yenyu, yula mwini mwapelwagwa kihuma kwa Nguluvi? Musimenye kija sio omwe yumwe? ²⁰ Kija mwagulwagwa kwa bei. Kwa kiyo musufyi Unguluvi kwa mavili genyu.