¹ Tapulikha itaarifa kija kuna ushemi mu vamo venyu, iaina ya ushemi yini yikusina hata ku vanu va Mataifa. Tina taarifa kija yumo wenyu igona nu mudala wa wihe. ² Nemwe mukiisufya! Badala ya kisugumilwa? Yula mwini igaha ndeni ipaswa kiwusiwa munyenyu. ³ Japo nisili bahamo nomwe shimuvili lakini nili nomwe shiroho, sha tayari namuhiga umwene mwini wagaha ndeni, ngaja ndenela nikhandi nikwali. ⁴ Pini mutangana bahamo kishilila ilitawa lya Mtwa wesu Uyesu, sha tayari namuhiga umunu uyu, ni roho yangu yikwali pala nda kwa ngufu sa Mtwa wesu Uyesu, sha tayari namuhiga umunu uyu. ⁵ Sha tayari namutawula umunu uyu kwa Shetani ili kija umuvili gwakwe gunanjwe, ili iroho yakwe yiwese kikulusiwa kulusiku lwa Mtwa. ⁶ Kuyidayi kwenyu sio shinu shinofu. Musimenye uujanjamu kidogo wunanga idonge lyona? ⁷ Yiyosi omwe yumwe uujanjamu wa pakhala, ili kija muve lidonge lipya, ili kija muve mukhate gwini gasijanjamwishe. Kwa kiva, Ukristo, Umwana wa Kholo wesu wa pasakha sha tayarinwashinjwa. ⁸ Ino tiwunje isikukuu si kwa ujanjamu wa pakhala, uujanjamu wa tabia mbi ni sa uofu. Badala yakwe, tiwunje ni mukhate gwini gusiponyeswe uujanjamu wa unyenyekevu ni kweli. ⁹ Nayandikhaga ku barura yangu kiva musikhahansikhanaga na vashemi. ¹⁰ Nisina maana avashemi va dunia iyi, au na avanya mbungulu aua vapokhaji au vini viabudu isanamu kwa kikhala kutali nawo, basi nda yavapasa mupole pa dunia. ¹¹ Lakini isalisi nikivayandishila kilekha kuihansa nu yeyona mwini ishemelwa kaka au dada kishilila Ukristo, lakini ikhala muushemi au mwini umunya kibodoshela, au mupokhaji, au umwabudu isanamu, au umuligaji aua umugasi. Wala musikhayinsaga nawo umunu wa namna yila. ¹² Ino ambi nikiiyinjisa wuli kihiga vini vali kinja ya Litembe? Badala yakwe, omwe musikhavahijile vini vali mukhati ya litembe? ¹³ Lakini Unguluvi akivahiga vini vali kunja. 'Muwusi umunu umuvi munyenyu''