¹ Ndeni ndiyo umunu ativase ose, ngaja vatumishi va Kristo na mawakili va siri sa kweli sa Nguluvi. ² Ku ili, shini shisakulwa kwa uwakili ni kija vave va kutumainilwa. ³ Lakini kunyangu one ni shinu shidodo mandu kija nihigwa nomwe au uhigo wa shibinadamu. Kwa kiva nisikiihiga hata one yune. ⁴ Nisikiihiga one yune, iyi yisina maana kija one nili munya haki, Yu Mtwa mwini akinihiga. ⁵ Ino, musikhalogolaga uuhigo ku lyolyona khabla ya wakati, khabla ya kuyinsa kwa Mtwa. Akhagaleta kuuvalafu amajowo gini gaifihile kushisi na kigubutula amahiva ga munumbula. Bahene shila yumo ambi iposhela isifa yakwe kihuma kwa Nguluvi. ⁶ Ino, vakaka na vadada vangu, one yune nu Apolo natumila ikanuni isi kwa ajili yenyu. ili kija kihuma kunyenyu muwesa kiimanyisa imaana ya usemi, ''Usikhalutaga kishila shila shini shiyandishwe. ''Iyi ni kija kusina umunu wenyu mwini akiidaya kwa muyine. ⁷ Kwa kiva yunani mwini alwaga itofauti khati yenyu nu yunji? Shishi shini unasho usikhaposhele bure? Nda tayari waposhela bure, kwanshii mukiidayi nda musikhagahile ndeno? ⁸ Tayari munafyo fyona fini nda mwasakula! Tayari mwava nuutajiri! Mwayansa kitavala- na kija mumilikhi saifi yesu ose! Kweli, nikivapelaa uumilikhi unofu ili kija timilikhi bahamo nomwe. ⁹ Kwa hiyo nihiva Unguluvi wativikha ose vanandeje ngaja kitiwonensa va mwisho ku mustari gwa maandamano na ngaja avanu vini vahijilwe kibudwa. Tava ngaja sherehe ku ulimwengu, kwa malaikha na kwa vanadamu. ¹⁰ Ose tili vayasu kwa ajili ya Kristo, lakini omwe ni vanya hekima kishilila Ukristo. Tili vabofu, lakini omwe muna ngufu. Muheshimiwa, lakini ose tisalwa. ¹¹ Hata isalisi tina njala ni khau, tisinaamenda, tatowa uvi, na khanji tisina nsengo. ¹² Tisenga insengo kwa bidii, kwa mokho gesu yuse. Pini tisalwa, tibariki. Pini tilafywa, tifumilila. ¹³ Pini tiligwa, titiniya kwa upole. Takula, na bado tivasiwa kiva ngaja kikhanwa ni nyii nu makhakhala kwa majowo gona. ¹⁴ Nisiyandikha amajowo aga kivaaibisa omwe, lakini kivatinila omwe ngaja vanishe vangu vini nivagene. ¹⁵ Hata nda mna valimu makumi elfu kishilila Ukristo, musina avawihenyu vinji. kwa kiva nava baba wenyu kishilila Uyesu Kristo kishilila imola. ¹⁶ Ino nikivalomba muniwulanise one. ¹⁷ Iyo ndiyo sababu namufilikhaga kunyenyu Utimotheo, umugani wangu na mwana mwaminifu kishilila Umtwa. Ambi akivakumbusa insila sangu kishilila Ukristo, ngaja shini namanyisa shila mahala na shila litembe. ¹⁸ Ino avamonga venyu vakiisufya, visenga ngaja kija nisikhayinsa kunyenyu. ¹⁹ Lakini ambi niyinsa kunyenyu shitambo, nda Umtwa ambi idobokha. bahene ambi nimanya sio majowo ganave tu vini vakiisufya, lakini ambi nikisaga ingufu sanave. ²⁰ Kwa kiva uufalme wa Nguluvi wusiva mumajowo ila kwa ngufu. ²¹ Musakula nshii? Niyinse kunyenyu nulukwegu au kwa ugani na kwa roho ya upole?