¹ Na one, vakaka na vadada vangu, nisikhalogwele nomwe ngaja vanu shiroho, lakini ngaja vanu va shimwili. Ngaja vana vanang'ana kishilila Ukristo. ² Navang'wesaga utupyo na sio nyama, kwa kiva musikhandi tayari kwa kilya inyama. Na hata isalisi musili tayari. ³ Kwa kiva omwe bado ni va shimwili. Kwa kiva uwifu na kuidayi kwiwonekha mu vamo va munyenyu. Wuli, musikhala kilingana nu muvili, na wuli, musijenda ngaja kawaida ya shibinadamu? ⁴ Kwa kiva yumo ija, ''Nikimufwata Upaulo'' Uyunji ija, ''Nikimufwata Uapolo,'' musikhala ngaja vanadamu? ⁵ Uapolo yu nani? nu Paulo yu nani? Avatumishi va yula mwini mukimuyamini, kwa shila mwini Umtwa wamupelaga insengo. ⁶ One navalyaga, Uapolo waponya amalenga, lakini Unguluvi wagakusa. ⁷ Ino, sio mwini wavyala wa la mwini waponya amalenga ana shoshona. Lakini yu Nguluvi mwini ikigakusa. ⁸ Ino mwini ivyala na mwini iponya amalenga wona ni sawa, na shila yumo ambi iposhela uujira wakwe kilingana ni nsengo yakwe. ⁹ Kwa kiva ose tili vasenga nsengo va Nguluvi, omwe muli bustani ya Nguluvi, lijengo lya Nguluvi. ¹⁰ Kihumana ni neema ya Nguluvi yini napelwa ngaja musengaji mukhome, naguvikhaga umsingi, nu yunji isenga kushanya yakwe. Lakini umunu ave meho shini isenga kushanya yakwe. ¹¹ Kwa kiva kusina uyunji mwini iwesa kisenga umusingi ugunji saidi ya gwini gusenjilwe, gwini yu Yesu Kristo. ¹² Ino, nda yumo wenyu isenga kushanya yakwe kwa dhahabu, ihela, amang'anga ga thamani, amapishi, amasole, au masole, ¹³ insengo yakwe ambi yigubutulwa, kwa mwanga gwa paminsi ambi ukiiwonensa. Kwa kiva ambi wuwonenswa nu moto. Umoto ambi gujesa uubora wa nsengo wa shila yumo shini wasenga. ¹⁴ Nda shoshona umunu shini waenga ambi shisigala, umwene ambi iposhela iasawadi. ¹⁵ Lakini nda insengo ya munu yipye kwa moto, ambi ipata ihasara. Lakini umwene yumwene ambi ikulusiwa, ngaja ndenela kikwewukha ku moto. ¹⁶ Musimenye kija omwe muli hekalu lya Nguluvi na kija Uroho wa Nguluvi ikhala mukhati yenyu? ¹⁷ Nda umunu ambi akilinanga ilitembe lya Nguluvi, Unguluvi ambi akimunanga umunu yula. Kwa kiva ilitembe lya Nguluvi ni litakhatifu, na ndeno nomwe. ¹⁸ Umunu asikhaidehelaga yumwene, nda yeyona mu vamo va munyenyu ihiva kija ana hekima ku nyakati isi, ave ngaja ''muyasu'' bahene ambi iva ni hekima. ¹⁹ Kwa kiva ihekima ya nyii iyi ni uyasu pamwandi ya Nguluvi, Kwa kiva yiyandishwe, ''Akivapita avanya hekima kwa hila sanave'' ²⁰ Na khanji ''Umtwa amenye amahiva ga vanya busara ni udehi.'' ²¹ Ino umunu asikhaidayilaga avanadamu! Kwa ifinu fyona ni fya kunyenyu. ²² Nda yu Paulo, au Apolo, au Kefa, au inyii, au maisha, au infwa, au ifinu fini fikwali, au fini ambi fiva fikwali. Fyona ni fyenyu, ²³ na omwe ni va Kristo nu Kristo yu wa Nguluvi.