¹ Nisakula omwe mumanye vakaka na vadada vangu, ya kija avawihesu wesu vakhandi pansi ya lifunde na wona vashilaga ku bahari. ² Wona vabatiswagwa vave va Musa mukhati ya lifunde na mukhati ya bahari, ³ na wona valisaga ishakilya shishila sha roho. ⁴ Wona vang'wesaga ishinywaji shishila sha roho. Kwa kiva vang'wesaga ishinywaji kihuma ku mwamba wa roho wini wawafwataga, nu mwamba gula gukhandi yu Kristo. ⁵ Lakini Unguluvi aikhanojelwe mandu na vinji vanave. ni maiti sanave sapalakhaniyagwa kunyikha. ⁶ Basi amajowo aga gona gakhandi mfano kunyesu, ili ose tisikhavesaga vanu va kudoboshela amavi ngaja na vene shini vagahaga. ⁷ Musikhavesaga avaabudu sanamu, ngaja avanji avene shini vakhandi vashwali. Iyi ni ngaja shini yayandinkwagwa, ''Avanu vakhalaga pansi vilya na ving'wela, na vayimaga kinena kwa mbungulu sa mapensi.'' ⁸ Tisikhagahaga uushemi ngaja avinji vanave hini vagahaga. Vafwisaga ulusiku lumo avanu ishilini na tatu elfu kwa sababu iyo. ⁹ Wala tisikhamujesaga Ukristo, ngaja avinji vanave shini vagahaga na vanangwagwa kwa njokha. ¹⁰ Na khanji musikha nung'unikhaga, ngaja avinji vanave hini vanung'unikhaga na kinangwa nu malaikha wa mauti. ¹¹ Basi amajowo ago gasenjekhaga ngaja mfano kunyesu. Gayandikhwa ili kitifundisa ose - vini tahivililwagwa ni nyakhati sa mwisho sa pakhala. ¹² Ino shila mwini akiiwona ayimile ave meho kija asikhagwisaga. ¹³ Kusina ijalibu lini lyavapataga omwe lini siyo kawaida ya vanadamu. Ila Unguluvi ali mwaminifu. Asikhavalekha mujesewe kishila uuweso wenyu. Bahamo ni jaribu umwene ambi akivapela umlyango gwa kupolela, ili muwese kiva vakhangafu. ¹⁴ Ino, vagani vangu, yisiji iibada ya sanamu. ¹⁵ Nilogola nomwe ngaja vanu avanya luhala, ili mulamule kwa lini nikililogola. ¹⁶ Ishikhombe sha baraka shini tibarikhi, usili ushirika wa danda ya Krito?Umukhate gula gwini tikigumenya, usili ushirika wa muvili gwa Kristo? ¹⁷ Kwa kiva umukhate guli gumo, ose vini tili vinji tili muvili gumo. Ose wona tiposhela umukhate gumo kwa bahamo ¹⁸ Valeleli avanu va Israeli: Wuli! Vala wona vini vali sadakha siyo vashiriki ku masabahu? ¹⁹ Nilogola nshii basi? Ya kija isanamu ni shinu? Au ya kija ishakilya shini shihumisiwe isadakha kwa sanamu ni shinu? ²⁰ Lakini nilogola kihusu ifinu fila fini vakifihumya isadakha avanu avapagani va Mataifa, kija vihumya ifinu ifi kwa mapepo na sio kwa Nguluvi. Nayune nilema omwe kiwungana na mapepo! ²¹ Musiwea king'welela ishikhombe sha Mtwa ni shikhombe sha mapepo. Musiwesa kiva nuuhirika ku mesa ya Mtwa na ku mesa ya mapepo. ²² Au tikimupela Umtwa uwifu? Tina ngufu kishila umwene? ²³ ''Ifinu fyona ni halali,'' lakini sio fyona fini fifwaya. ''Ifinu fyona ni halali,'' lakini sio fyona fini fikivasenga avanu. ²⁴ Kusina hata yumo mwini ambi isakula amanofu gakwe tu. Badala yakwe, shila yumo nda wasakula amanofu ga muine. ²⁵ Muwesa kila shila shinu shini shigusiwa kusokho bila kipoa -posa kwa ajili a kimanya. ²⁶ Kwa kiva ''inyii yi mali ya Mtwa, na fyona fini fikiimemya'' ²⁷ Nu munu mwini asiyamini nda avalalishe kilya, na musakula kiluta, lisaji shoshona shini akivapela bila kiposa amaswali ya kimanya. ²⁸ Lakini umunu nda avajovele, ''Ishakilya ishi shahumana ni sadakha ya vapagani, ''musikhalisaga. Iyi ni kwa ajili yakwe mwini wavajovela, na kwa ajili ya kimanya. ²⁹ Na yune nisimaanisha amahiva genyu, ila amahiva ga yula uyunji. Kwa kiva kwanshii uuhuru wangu uhigwe na mahiva ga munu ujunji? ³⁰ Nda one nitumila ishakilya kwa luhonjeso, kwanshii nilijwe kwa shinu shini nihonjesa kwa isho? ³¹ Ino, shoshona shini mwilyaau king'wela, au shoshona shini , mwisenga, senji gona kwa utukufu wa Nguluvi. ³² Musikhavakhoselaga Avayahudi aua Vayunani au ilitembe lya Nguluvi. ³³ Jesi ngaja one shini najesaga kivanojela avanu wona kwa majowo gona, nisisakula ifaida yangu yune, ila ya vinji. Nayune nienga ndeni ili vawese kikuluwa.