¹ (Yenyelezya:Yenya ubhumanyizi bhwa Yohani 7:53-8:11 apo pamwanya). ² Uyesu ahabhala pi gamba lya Mabhula. Ahalabhila ni nzanchi ahinjila mushibhanza, nabhantu bhonti bhahamubhalila; ahatendama nakubhasambilizya. ³ Pe nabhananya kalata na Bhafarisayo bhahamutwalila umwantanda wamalemilwe mu mbombo zya lubhembu bhahamubhiha pakasi. ⁴ (Yenyelezya: Yenya ubhumanyinzi wa Yohani 7:53 - 11 apo pamwanya). Pe bhahamubhuzya Uyesu, ''Musambilizi, umwantanda uno alemilwe mu bhumalaya, mu mbombo zila. ⁵ Isalizi, inkomelezyo, zya Mose atubhuzya kubhasumbila na mabhwe abhantu inzi bha, ukuti bhuli pamwanya yakwe? ⁶ Bhahayanga iga inga bhamulinje inga kuti bhabhe nizwi lya kumulonga, loli Uyesu ahinama pansi ahasimba mu nsi ku nyobhe yakwe. ⁷ (Yenelezya: Yenya ubhumanyizi bhwa Yohani 7: 53 - 8 :11 apo pamwanya). Lwe bhajendelela kumumpempuzya, ahimilila nakubhabhuzya,'' Uwene watali ni mbibhi pakasi yinyu, abhe wa bhwandilo kumuhoma na mabhwe.'' ⁸ Ahinama habhili pansi, ahasimba pansi ni nyobhe yakwe. ⁹ (Yenyelezya: yenya ubhumanyizi bhwa Yohani 7 : 53 - 8: 11 apo pamwanya). Lwe bhivwa ago, bhahepa woka pa wamwabho, kwandila weali mugosi. Pabhumalilo Uyesu ahasyala weka, poka nu mwantanda wamali pakasi yabho. ¹⁰ Uyesu ahimilila na kumubhuzya, ''Umwantanda, bhebhakulonzile bhali kwi? Nawumo inga woka weakulonzile?'' ¹¹ Ahati, ''Nawuno inga woka Tata.'' Uyesu ahati, ''Nine bhulo ntakulonga. Bhalaga nidala lyaho; kwandila salizi na kwendelela utahabhombe imbibhi habhili.'' ¹² Habhili Uyesu ahayanga nabhantu nakuti, ''Ine ne bhuzeru ubhwa nsi; uwene wakundandata tahajende kushisi loli alibha nubhuzeru ubhwa shima.'' ¹³ Abhafarisayo bhahamubhuzya.'' Ukuyisimishizya wewe; ulusimishizyo lwaho te lwanalyoli.'' ¹⁴ Uyesu ahatamula nukubhabhuzya, ''Pope inga nkuyisimishizya nene, ulusimishizyo lwane lwanalyoli. Manyile ulubhazu lwefumile nakula kwe nkubhala, loli imwe mutamanyile ulubhazu lwenkufuma na kula kwe nkubhala. ¹⁵ Imwe mukulonga kumubhili; ine ntakumulonga wowonti. ¹⁶ Ine pope ninga longa, kulonga kwane kwana lyoli pa nongwa ntali neka , loli ndili poka nu tata wansontelezizye. ¹⁷ Pemwemumwo, na mukasi munkomelezyo yinyu yisimvilwe kuti ulusimishizyo lwa bhantu bhabhili na lyoli. ¹⁸ Inene nkuyisimishizya, nu Tata we ansontelezizye akunsimishizya.'' ¹⁹ Bhahamubhuzya, "Utata waho alikwi?" Uyesu ahamula, "ine mutamanyile pe nu Tata mutamumanyile; ingape mwamanyile ine, pengemwamumanyile nu Tata wane wope." ²⁰ Ahayanga amazwi aga amamile papipi nishisengulo lwe ahasambilizyaga mushibhanza, atalipo inga woka weamamulemile panongwa ahabhalilo hakwe hamile hashili kufiha. ²¹ Pe ahabhabhuzya sona, "Nkusogola kukwane; mulindondola pe mulifwa mumbibhi zyinyu. Kula kwenkubhala, mutahondeye kwinza.'' ²² Abhayahudi bhahayanga, "Aliyigoga weka, uwene we ahayanga, 'kula kwe nkubhala mutahondeye, kwinza'?" ²³ Uyesu ahabhabhuzya, "Mukufuma munsi; ine kufuma kumwanya. Imwe mwe bhamunsi ino; ine te ne wamunsi ino. ²⁴ Penga lumo, nababhuzizye ukuti mulifwa mumbibhi zyinyu. Inga te bhwebhulo musubhile ikuti INE NEWUYO, mulufwa mumbibhi zyinyu." ²⁵ Ingalumo bhahabhuzya, "Iwe we nanu?" Uyesu ahabhabhuzya, Gala genabhabhuzizye kufuma pabhwandilo. ²⁶ Indinazyope inyinji izya kubhabhuzya nukulonga papinyu. Pe bhwebhulo, uwene weantumile wewanalyoli; ni vintu vwe nkivwa kufuma kukwakwe, ivintu ivi naziyanzile munsi." ²⁷ Bhatahazimanyisanya ukuti amamile ahayangaga nawope izya Tata. ²⁸ Uyesu ahati, "Pemulimuzuvwa pamwanya Umwana wa Muntu, pe mulinanya ukuti INE NE WUYO, nukuti ntakubhomba lyolyonti mukwanza kwane. Izavwe Utata asambilizizye nkuyanga zyonti izi. ²⁹ Uwene we antumile alipapipi nine, wope atandesile neka, ahabhalilizyo honti hala kubhoba zila zye zikumuhobhosya." ³⁰ Lwe Uyesu ayanga zyonti izi, abhinji bhahamusubhila. ³¹ Uyesu ahayanga kubhala Abhayahudi bhebhamusubhiye,pe kuti mubhe mwe bhasundikwa bhane nalyoli, ³² nimwe mulimanya nalyoli, ni nalyoli yilibhabhiha bhasatushe." ³³ Bhahamwamula, "Iswe swe papilwa ya Aburahamu penalumo tutamile pansi ya bhuzya bhwa wowonti; ukuyanga bhulibhuli, "Tulibha bhasatushe?" ³⁴ Uyesu ahamula, "Subhila, subhila, nkubhabhuzya, wonti weakubhomba imbibhi muzya wa mbibhi. ³⁵ Muzya atakutendama munyumba ahabhalilo honti; umwana akutendama insiku zyonti. ³⁶ Pe nga lumo, pe nga umwana abhabhiha bhasatushe, mulibha basatushe nalyoli nzila." ³⁷ Inzimanyile ukuti imwe mwe mpaapilwa ya Aburahamu; mukwanza kungonga panongwa yizwi lyane lite nubhuzilo mukasi yinyu. ³⁸ Nkuyanga zyonti zyenzibhonyi poka nu Tata wane, nimwe bhwebhwebhulo mukubhomba zyonti zye muhazivwa kufuma kwa tata winyu." ³⁹ Bhahamula nu kumubhuzya, "Utata witu we Aburahamu." Uyesu ahati, inzavwe ngemwamile bhana bha Aburahamu, nge mwabhomvile imbombo zya Aburaham. ⁴⁰ Nisalizi mukwanza kungoga, umuntu weabhabhuzizye ubhwanalyoli ukuti inkivwa kufuma kwa Mulungu. Aburahamu atahabhomba izi. ⁴¹ Mukubhomba imbombo zya tata winyu, "Bhahamubhuzya, "Tutahapapwa mu lubhembu, tulinawope Utata woka, Umulungu." ⁴² Uyesu ahabhabhuzya, "Pe inga Umulungu wu Tata winyu, ngemunganile ine, shekuti ifumile kwa Mulungu; pamo ntahinza kunene neka, loli weantumile. ⁴³ Shoni she mutakuzimanyinsanya amazwi gane? Panongwa mutahondeye kujimbilila kutejelezya amazwi gane. ⁴⁴ Imwe nu tata winyu, munkwalanzi, pe mukwanza kuzibhomba ivinyonywa vwatata winyu. Amamile mugozi kufuma pabhwandilo peatahondeye kwimilila mubhwanalyoli panongwa ubhwanalyoli nabhumo mukasi mumwakwe. Peakuyanga ilenga, akuyanga kufuma mumpapilwa yakwe panongwa wilenga nu tata wa bhilenga. ⁴⁵ Ni salizi, panongwa nkuyanga bhwebhwanalyoli, mutakusubhila. ⁴⁶ Wu nanu mu mwinyu weakusimishizya ukuti ne mubhibhi? pe ngankuyanga bhwe bhwanalyoli, shoni she mutakunsubhila? ⁴⁷ Uwene we Wamulungu akugivwa amazwi ga Mulung; nimwe mutakutejelelezya panongwa imwe te mwe Bhamulungu." ⁴⁸ Abhayahudi bhahamwamula nu kumubhuzya, tutayanga ubhwanalyoli ukuti iwe we Musamariya pe ulinipepo?" ⁴⁹ Uyesu ahamula, nte nipepo; lolinkumushindiha Utata wane, nimwe mutakunchindiha. ⁵⁰ Ntakwanza ubhumwamu bhwane; alipo woka weakulondola nukulonga. ⁵¹ Subhila, subhila, nkubhabhuzya, penga wowonti akulilema izwi lyane, ataliyenya imfwa nalumo." ⁵² Abhayahudi bhahati, "Isalizi tumanyile ukuti ulinipepo. Aburahamu nu mukubhwi bhahafwa; loli ukuyanga, ' Penga umuntu alililema izwi lyane, ataliyenya ubhufwe' . ⁵³ Iwe te mupiti kushila utata witu Aburahamu weamafuye, bhati? Abhakubhwi bhope bhahafwa. Iwe ukuyibhiha ukubha wenanu?" ⁵⁴ Uyesu ahamula, "Ingape nkuyizuvwa neneneka, ubhumwamu bhwane bhwa bhwelele; nu Tata wane weakuntuma - wula we mukumuyanga ukuti Umulunguu winyu. ⁵⁵ Imwe mutamumanyile uwene, loli ine imumanyile uwene. Pengankuyanga, 'ntamumanyile,' kutimbe inzavwe mwemwe, bhilenga. Inza bhwebhulo, imumanyile na mazwi gakwe galamile. ⁵⁶ Utatawinyu Aburahamu ahadobha lweayenya isiku lyane; ahenya nu kuseshela." ⁵⁷ Abhayahudi bhahamubhuzya," Utafisizye ubhwasongo bhwa maha 50 ushili, wamwenya Aburahamu?" ⁵⁸ Uyesu ahati, "Subhila, subhila, nkubhabhuzya, lweamashili Aburahamu kupapwa, INE NALIPO." ⁵⁹ Pe bhasebha amabhwe pe bhamuhome, loli Uyesu ahayizyiha pe ahafuma kunzi ya shibhanza.