¹ Ine ne likwi lya bhwanalyoli, nu tata we mubhwala likwi. ² Isamba zyonti zilimumwane zyezitakuhoma isanga, nkuzipalulila isamba zye zikuhoma isanga nkuzyefwa ukuti zihondeye zyonjelaje. ³ Imwe muli ahinza hali panongwa ya mazwi ge na bhabhuzizye. ⁴ Mutendame mukasi yane, nine mukasi yinyu. Inzavwe isamba litahondeye kuhoma lilyolyeka loli kubha mwi kwi, inga nimwe mutakutendama mukasi yane. ⁵ Ine ne likwi; imwe mwe tusamba. We akutendama mukasi yane nine mukasi yakwe, umuntu uno akupapa ivihomwa ivwinji, kwekuti peine ntalipo mutahondeye ukubhomba ishintu shoshonti. ⁶ Penga umuntu wowonti atalisyala mukasi yane alisumbilwa inzavwe hasamba nu kumila; abhantu bhakubhunganuha utusamba nukutusumbila mumwoto, nukulungulila. ⁷ Penga mulitendama mukasi yane, na inzavwe mazwi gane gakutendama mukasi yinyu, mulabhaje lyolyonti lye mukwanza, imwe mulibhombelwa. ⁸ Mukasi mwili utata wane ashindikwaje, ukuti mukuhoma ivihomwa ivwinji nukuti mwebhasundikwa bhane. ⁹ Inzavwe utata wane vwe amanganile ine, nine bhulo imbaganile umwe; mutendamaje mu lugano lwane. ¹⁰ Pe inga mukuzilema inkomelezyo zyane, mukuzibhiha mulugano lwane inzavwe nazilemile inkomelezyo zya tata wane nu kubha mulugano lwakwe. ¹¹ Nziyanzile zinizi kukwinyu ingape ukuti uluseshelo lwane lubhanje mukasi yinyu ningape ukuti ukuseshele kwinyu kuhondeye kubhanje kukwilaje. ¹² Ino ye nkomelezyo yane, ukuti muganane mwenemwe mweka inzavwe nabhaganile imwe. ¹³ Nawumo umuntu we alinulugano ulupiti kushila ulu, ukuti ayifumwe ubhulanzi bhwakwe panongwa ya bhamanyani bhakwe. ¹⁴ Imwe mwe bhamanyani bhane penga mukubhomba zila zye nkubhalajizya. ¹⁵ Ntankubhita bhazya, kwekuti umuzya atamanyile shila she akubhomba umwene wakwe. Nkubhita imwe mwe bhamanyani, panongwa imbabhuzizye zyonti izyo zye nivuye kufuma kwa Tata. ¹⁶ Mutahasebha ine, loli ine nkabhasebha imwe nu kubhabhiha mubhala muhome isanga, ni sanga zyinyu zihondeye zibhanje. Ili lilibhwebhwebhulo ingape shoshonti mukushilabha kwa Tata kwizina lyane, alibhapa. ¹⁷ Zyonti izi nkubhalajizya, ukuti muganane wonti umuntu nuwamwabho. ¹⁸ Inzavwe insi yilibhahalalila, mumanyaje ukuti yankalaliye nine lweyashili kubhahalalila imwe. ¹⁹ Inzavwe mwamile bhamunsi, insi ngeyabhaganile inzavwe bhakukwabho; Loli panongwa imwe te mwe bhamunsi na panongwa nkabhasebha kufuma munsi, na panongwa ino insi yikubhahalalila. ²⁰ Mukumbuhaje izwi lyenkabhabhuzya, 'Umuzya te mupiti kushila umwene wakwe.' Penga bhahanjivwa ine bhalibhayivwa nimwe bhulo; Penga bhalilemile izwi lyane, pebhangalilema nu kwinyu bhulo. ²¹ Bhalibhabhombela zyonti zinizi panongwa yizina lyane panongwa bhatamumanyile weahantuma. ²² Inzavwe ntahinza nukubhabhuzya pengabhamile bhatabhomvile imbibhi; loli isalizi bhatenubhusatushe mumbibhi zyabho. ²³ Weakunkalalila ine akumuhalalila nu Tata wope. ²⁴ Penga ntabhomvile imbombo mukasi mumwabho zye zitapoka zyeazibhomvile, ngebhali bhatenimbibhi; loli isalizi bhabhomvile zyonti zibhili bhenyizye nukunkalalila ine nu Tata wane. ²⁵ Ili likwinza ingape ukuti izwi likwilaje lyelyasimvilwe munkomelezyo yabho: 'Bhankunkalalila ine ni nongwa nayimo.' ²⁶ Lwe umwimilizi ayinzile, we ndimusontelezya kukwinyu kufuma kwa Tata, uno we ,Mupepo wa nalyoli, we afumiliye kwa Tata, alisimishizya. ²⁷ Nimwe bhulo mukunsimishizya panongwa mwamile poka nine kufuma pabhwandilo.